සම්මාන දෙන්න අපට කවුරුවත් බලපෑමක් කළේ නැහැ රූපවාහිනි රාජ්‍ය සම්මාන උළෙලේ අප්පච්චිට සම්මාන රැසක් ගාමිණී යනු අටවක මැණිකක් හෙළ ගී අඹරේ පහන් තරුව කුෂ්ලානි කියන්නේ මගේ හොඳම විචාරිකාව සිනමා මණ්ඩලවල ඉන්නේ සුදුස්සෝ නොවේ සිංහල සිනමා විස්තරය “වී. අයි. පී. සුන්දර බණ්ඩා” මුහුරත් දා.... රූපවාහිනි රාජ්‍ය සම්මාන උළෙල මේ වෙන කොට මම කාටවත් පගාවක් දීලා නැහැ අනිල්, අර්ජුන්, බොනී එක් කළ කපූර් පවුලේ වගතුග අගෙයි, රිදී වලාවේ අර්නස්ට් වඩුගේගේ අතීතයෙන් මීබිඳු තාත්තාගේ ගී අදටත් ජනපි‍්‍රයයි මේ සේමිණී එහෙට, මෙහෙට වැනෙන කෙනෙක් නෙවේ මඟදිගට රසකතා මහත්තයා නැතිවුණාට පස්සේ මම දැන් ඉන්නේ දාහතර වැනි ගෙදර අයියා වෙනුවට මල්ලී රඟපෑ චිත්‍රපටය පස්සේ ගිහින් අවස්ථා ඉල්ලන වැඩ මා ළඟ නැහැ මං පළමුවැනියා වූවොත් නැටුම් ඉගෙන ගන්නවා ඇන්ජලිනා ජොලී ලොවට හඬ ගා පැවසූ පණිවිඩය තුෂාරි ශෘංගාර නගරයේ කොටුවෙලා අර්ජුන්ගෙන් පිළිතුරු ගිනි අවි සහ ගිනි කෙළි පාල ඔහුයි නඳුන් උයන ලස්සනම චිත්‍රපටය - සවුන්ඩ් ඔෆ් මියුසික් එදා කට්ටිය අද කොහොමද පද්ම විභූෂණ අමිතාබ් අමාරුම දේ දුවේ නුඹ මගේ ප්‍රාණයයි සල්මන්ට තවත් ලෙඩක් අක්ෂේ වෙනුවට ජෝන් අභිෂේක් හවුලට

අනිල්, අර්ජුන්, බොනී එක් කළ කපූර් පවුලේ වගතුග

බොලිවුඩයේ කපූර් පෙළපත් කිහිපයකි.

ඒ අතුරින් විශාලතම සහ මුල්ම පවුල වන්නේ ප්‍රීතිවිරාජ් කපූර්ගෙන් පැවැත එන කපූර් පරපුරයි.

අද පවුල් ගස වෙන් වන්නේ තවත් කපූර් පරම්පරාවක් වෙනුවෙනි. එය සුරින්දර් කපූර්ගෙන් පැවත එන්නා වූ කපූර් පරම්පරාවයි.

හින්දි සිනමාවේ ප්‍රකට චිත්‍රපට නිෂ්පාදකවරයෙකු වූ සුරින්දර් කපූර් එහි ආරම්භකයා විය.

පන්ජාබයේ හින්දු පවුලක උපත ලද ඔහු සිය සිනමා ජීවිතය ආරම්භ කළේ ජනප්‍රිය හින්දි චිත්‍රපට තරුවක වූ ගීතා බාලිගේ ලේකම්වරයා ලෙසිනි. ඒ 1950 වසරේදීය.

පසුව ඔහු චිත්‍රපට නිෂ්පාදකවරයෙකු ලෙසින් සාර්ථක විය. 1972 වසරේ Shehzada  චිත්‍රපටයෙන් ආරම්භ කළ ඔහුගේ සිනමා නිර්මාණ ලෙස Ponga Pandit (1975), Phool Khile Hain Gulshan Gulshan (1978), Hum Paanch (1980), Loafer (1996), Judaai (1997) වැනි චිත්‍රපට සුවිශේෂි විය. සිනමා නිර්මාණ සේම තම පුතුන් තිදෙනාද ඔහු සිනමාවට යොමු කළේය.

සුරින්දර් කපූර් විවාහ වූයේ නිර්මාල් දේවි සමගිනි.

සුරින්දර් – නිර්මාල් යුවළට දරුවන් සිව්දෙනෙකි.

බොනී, අනිල් සහ සන්ජේ පුතුන් තිදෙනා ද සිනමාවේ සාර්ථක වූහ. 2009 වසරේදී සුරින්දර් කපූර් සිනමාවට කළා වූ සේවය උදෙසා දාදා සහබ් පාල්කේ සම්මානයෙන් පිදුම් ලැබුවේය.

සුරින්දර් කපූර්ගේ වැඩිමහල් පුතු බොනී කපූර් ඉන්දීය සිනමාවේ ජනප්‍රිය චිත්‍රපට නිෂ්පාදකවරයෙකු වේ.

Mr. India, No Entry, Judaai, Wanted වැනි සාර්ථක නිර්මාණ ඔහු නිෂ්පාදනය කළේය. බොනීගේ පළමු විවාහය සිදු වූයේ මෝනා ෂෞරී සමඟිනි.

මෝනා ද ටෙලි නිර්මාණ නිෂ්පාදකවරියක වූවාය.

අර්ජුන් පුතුට සහ අන්ෂුලා දියණියට දෙමාපියන් වුවද දිවි ඇති තෙක් එක්ව වාසය කිරීමට හැකි ලෙසින් බොනී සහ මෝනාගේ දෛවය ලියවී නොතිබිණි.

බොනීගෙන් වෙන් වූ මෝනා 2012 වසරේදී මිය යන තෙක් දරුවන් දෙදෙනා සමඟ වාසය කළාය. චිත්‍රපට නිෂ්පාදනයේ යෙදී සිටි බොනීගේ හිත සුරූපි නිළියක වෙත ඇදී ගියේය.

ඇය ශ්‍රී දේවි ය.

බොනී 1987 වසරේදී නිෂ්පාදනය කළ Mr. India චිත්‍රපටයේදී ශ්‍රී දේවි හමු විය.

බොනීගේ වැඩිමහල් සොයුරු අනිල් කපූර් සමඟින් ශ්‍රී දේවි එහි ප්‍රධාන චරිතය නිරූපණය කළාය. මෝනාගෙන් දික්කසාද වූ බොනී ශ්‍රී දේවි විවාහ කර ගත්තේය.

ශ්‍රී දේවි සිය රංගන දිවිය ආරම්භ කළේ ළමා රංගන ශිල්පිනියක ලෙසිනි.

ඒ දෙමළ සිනමාවෙනි.

ඉන්පසු හින්දි, තෙළිඟු, මලයාලම් සහ කණ්ණඩ චිත්‍රපට රැසක් සිය රංගනයෙන් හැඩ කළාය.

ඇය සිය පළමුවෙන්ම ප්‍රධාන රංගනයක් ඉදිරිපත් කළේ 1978 වසරේ භාරතී රාජා අධ්‍යක්ෂණය කළ Solva Sawan චිත්‍රපටයෙනි.

1983 වසරේදී බොක්ස් ඔෆිස් වාර්තා තැබූ Aimmatwala හි රංගනය කා අතරත් ජනප්‍රිය විය. බොනී සමඟ විවාහයෙන් පසු වසර පහළොවක් පමණ රංගනයෙන් දුරස්ව සිටි ශ්‍රී යළි English Vinglish චිත්‍රපටයෙන් සිනමාවට සමීප වූවාය.

එය සාර්ථක පුනරාගමනයක් විය. 2013 වසරේදී ඉන්දිය රජයෙන් පිරිනමන ඉහළම සම්මානය වන පද්ම ශ්‍රී සම්මානයෙන් පිදුම් ලැබූ ශ්‍රී දේවි ෆිල්ම්ෆෙයාර් සම්මාන පහකටද හිමිකම් කියන්නීය.

බොනී සහ ශ්‍රී දේවිගේ දියණියන් දෙදෙනා ජාන්වි සහ කුෂී තවමත් උසස් අධ්‍යාපනය හදාරති.

අනිල් කපූර් සුරින්දර් – නිර්මාල් යුවළගේ දෙවැනි පුත්‍රයා වේ. ඔහු බොලිවුඩයේ ජනප්‍රිය නළුවෙකු මෙන්ම ජාත්‍යන්තර වශයෙන්ද තම අනන්‍යතාව ගොඩනඟා ගත්තේය.

1979 වසරේදී උමේෂ් මෙහෙරා අධ්‍යක්ෂණය කළ Hamare Thumhare චිත්‍රපටයෙන් අනිල්ගේ රංගනය ආරම්භ විය. 1980 වනවිට ප්‍රධාන චරිතයක් ප්‍රථමයෙන් නිරූපණය කළේ තෙළිගු චිත්‍රපටයකිනි.

යාෂ් චොප්රාගේ Mashaal (1981) චිත්‍රපටයේ රංගනය වෙනුවෙන් ෆිල්ම්ෆෙයාර් සම්මාන උළෙලේ ලද හොඳම නළුවාට හිමි සම්මානය ඔහු ලද ප්‍රථම සම්මානය විය. ඔස්කාර් සම්මාන ලාභී Slumdog Millionaire චිත්‍රපටයේ රංගනය ජාත්‍යන්තර මට්ටමෙන් ඔහුගේ ප්‍රථම රංගනය විය.

ලොව පුරා ජනප්‍රිය අමෙරිකානු රූපවාහිනි වැඩසටහන් මාලාවක් වූ 24හි අටවැනි අදියරේදී අනිල් එය සමඟ සම්බන්ධ විය.

My Whife’s Murder, Gandhi My Father වැනි චිත්‍රපට සමඟින් ඔහු නිෂ්පාදනයටද පිවිසියේය.

1984 වසරේදී සුනීතා සමඟ විවාහ දිවියට පත් වූ අනිල්ගේ ජීවිතය හැඩ කළ දියණියන් දෙදෙනෙකි.

වැඩිමහල් දියණිය සෝනම් මෙන්ම බාල දියණිය රීහා ද සුරින්දර් කපූර් පවුලෙන් සිනමා ගමනේ යෙදෙති.

සෝනම් කපූර් සිය සිනමා දිවිය ආරම්භ කළේ සන්ජේලීලා බන්සාලිගේ Black චිත්‍රපටයෙනි. ඒ සහාය අධ්‍යක්ෂවරියක ලෙසිනි.

ඇය සිය කුළුඳුල් රංගනය ඉදිරිපත් කළේ බන්සාලි අධ්‍යක්ෂණය කළ Saawariya චිත්‍රපටයෙනි. එහිදී ඇය ෆිල්ම්ෆෙයාර් සම්මාන උළෙලේ හොඳම නැගී එන නිළිය ලෙසින් නාමයෝනා ලැබීය.

I Hate Lve Stories, Raanjhanaa, Bhag Milka Bhaag, Khoobsurat, Dolly Ki Doli චිත්‍රපට සඳහා වූ ඇයගේ රංගනයන් සුවිශේෂ විය.

අනිල්ගේ බාල දියණිය රීහා කපූර් සිනමාවට සම්බන්ධ වන්නේ නිෂ්පාදකවරියක ලෙසිනි. Aisha, Khoobsurat. ඇයගේ නිෂ්පාදන දායකත්වයෙන් නිම වූ සිනමා නිර්මාණ වේ.

සන්ජේ කපූර් සුරින්දර් කපූර්ගේ බාල පුතු වේ. ඔහු සිය සිනමා දිවිය ආරම්භ කරන්නේ 1995 වසරේ Prem චිත්‍රපටයෙනි.

Raja, Mohabbat, Sirf Tum, Soch, Shakti, Darna Msns Hai වැනි චිත්‍රපට රැසක් සඳහා ඔහු රංගනයෙන් දායක විය. මහීප් සින්ධු සන්ජේගේ ආදරණීය බිරිඳයි.

සන්ජේ – මහීප් යුවළට දරුවන් දෙදෙනෙකි.

වර්තමාන බොලිවුඩ් සිනමාවේ ඉහළ ජනප්‍රියත්වයක් හිමි අර්ජුන් කපූර් බොනී කපූර් සහ මෝනා කපූර්ගේ පුත්‍රයා වේ.

සහාය අධ්‍යක්ෂණයෙන් සිනමාවට පිවිසි ඔහු ජනප්‍රිය වූයේ නළුවෙකු ලෙසිනි.

නිඛිල් අද්වානිගේ Kal Ho Naa Ho චිත්‍රපටයේ ඔහු සහාය අධ්‍යක්ෂවරයා ලෙසින් කටයුතු කළේය. 2 Syayes, Gunday, Finding Fanny  චිත්‍රපටවල මෙන්ම මේ වසරේ තිරගත වූ Fugly හි රංගනයද විශේෂ කතාබහට ලක් විය.

අර්ජුන් බොලිවුඩ් සිනමාවේ දිගු ගමනක යෙදෙනු ඇතැයි සිනමා විචාරකයන් මත පළ කර තිබේ.

රංගන ශිල්පියෙකු වන මොහිත් මාර්වාහ් සුරින්දර් කපූර්ගේ මුණුබුරෙකු වේ. මොහිත් සුරින්දර්ගේ එකම දියණිය රීනා සහ නෝඩියා ෆිල්ම්ස් හිමිකරු වන සන්දීප් මාර්වාහ්ගේ පුත්‍රයා වේ.

මොහිත් සිනමාවට පිවිසියේ කබීර් සදානන්ද් අධ්‍යක්ෂණය කළ ජ්භඨතර චිත්‍රපටයෙනි.

රන්වීර් සිං වර්තමාන බොලිවුඩයේ ඉහළ කතාබහකට ලක් වූ නළුවෙකි.

Band Baaja Baaraat චිත්‍රපටයෙන් රංගනය ආරම්භ කළ ඔහුගේ රංගනය Lootera, Gunday, Finding Fanny, Raam Leela වැනි චිත්‍රපට වල සුවිශේෂ විය.

රන්වීර් සිං, කපූර් පවුලට නෑකම් කියන්නේ අනිල්ගේ බිරිඳ සූනිතාගේ ඥාතීත්වයෙනි.

රනිවීර්ගේ පියා ජග්ජිත් සිං භවනානි සුනීතාගේ මස්සිනා කෙනෙකි.

රන්වීර් සිං භවනානි නම වෙනුවට ඔහු රන්වීර් සිං ලෙසින් භාවිත කරන්නේය.

යතේජා ඥානරත්න