සම්මාන දෙන්න අපට කවුරුවත් බලපෑමක් කළේ නැහැ රූපවාහිනි රාජ්‍ය සම්මාන උළෙලේ අප්පච්චිට සම්මාන රැසක් ගාමිණී යනු අටවක මැණිකක් හෙළ ගී අඹරේ පහන් තරුව කුෂ්ලානි කියන්නේ මගේ හොඳම විචාරිකාව සිනමා මණ්ඩලවල ඉන්නේ සුදුස්සෝ නොවේ සිංහල සිනමා විස්තරය “වී. අයි. පී. සුන්දර බණ්ඩා” මුහුරත් දා.... රූපවාහිනි රාජ්‍ය සම්මාන උළෙල මේ වෙන කොට මම කාටවත් පගාවක් දීලා නැහැ අනිල්, අර්ජුන්, බොනී එක් කළ කපූර් පවුලේ වගතුග අගෙයි, රිදී වලාවේ අර්නස්ට් වඩුගේගේ අතීතයෙන් මීබිඳු තාත්තාගේ ගී අදටත් ජනපි‍්‍රයයි මේ සේමිණී එහෙට, මෙහෙට වැනෙන කෙනෙක් නෙවේ මඟදිගට රසකතා මහත්තයා නැතිවුණාට පස්සේ මම දැන් ඉන්නේ දාහතර වැනි ගෙදර අයියා වෙනුවට මල්ලී රඟපෑ චිත්‍රපටය පස්සේ ගිහින් අවස්ථා ඉල්ලන වැඩ මා ළඟ නැහැ මං පළමුවැනියා වූවොත් නැටුම් ඉගෙන ගන්නවා ඇන්ජලිනා ජොලී ලොවට හඬ ගා පැවසූ පණිවිඩය තුෂාරි ශෘංගාර නගරයේ කොටුවෙලා අර්ජුන්ගෙන් පිළිතුරු ගිනි අවි සහ ගිනි කෙළි පාල ඔහුයි නඳුන් උයන ලස්සනම චිත්‍රපටය - සවුන්ඩ් ඔෆ් මියුසික් එදා කට්ටිය අද කොහොමද පද්ම විභූෂණ අමිතාබ් අමාරුම දේ දුවේ නුඹ මගේ ප්‍රාණයයි සල්මන්ට තවත් ලෙඩක් අක්ෂේ වෙනුවට ජෝන් අභිෂේක් හවුලට

හෙළ ගී අඹරේ පහන් තරුව

සුනිල් ශාන්ත ජන්ම ශත සංවත්සරය නිමිත්තෙනි

ලංකා ගීය

ලංකා ලංකා පෙම්බර ලංකා
පිනවමු ඔබ ලංකා
හොබවමු ඔබ ලංකා දිවි දී
සුරකිමු ඔබ ලංකා

බලි තරු රාවණ ගැමුණු විජයබා නිරිඳුන් ලද ලංකා
පුලතිසි දැමි සිරි රහල් කුමරතුඟු පඬුවන් ලද ලංකා
විදු සක්විති මහ පැරැකුම් කිවිසුරු කිවියන් ලද ලංකා
ඔබ රැකුණොත් ලෝ කුඹුවද අප හට සීත ගඟුල ලංකා

මහවැලි කළු කැලැණි වලවේ අත් හතරක් ඇති ලංකා
සමනොළ කිරිගල් පිදුරුතලා නෙක කෙහෙ ගැට බැඳි ලංකා
තේ වතු පොල් වතු කෙත් වතු පෙළ උකුලේ නළවන ලංකා
මුහුදින් අඟලක් ඔබ වැවෙතොත් එහි පනිමු පනිමු ලංකා

හෙළ මුතු මිණි වැල් එකට දමාලා ඔබ සරසමු ලංකා
ගස් වැල්වලැ මල් එකට ගොතාලා ඔබ පලඳිමු ලංකා
රුහුණේ කිරි පැණි එකට අනාලා ඔබ පිනවමු ලංකා
ඔබ වෙනුවෙන් එන වෙඩි සැර මල් පෙති සේ සලකමු ලංකා

ඔබ හට අත පොවනට උන් මුනු හට ඉඩ නොතබමු ලංකා
අවහොත් මෙහි උන් ලුහුබඳවා ගොළු මුහුද ගෙවමු ලංකා
ගොඩ දිය අහසේ හැම තැනැ ඔබ ගේ නම කියවමු ලංකා
අවසනැ ඔබට මැ පොහොරට මේ කය මෙහි මැ හොවමු ලංකා
 

ගී පද – අරිසෙන් අහුබුදු

කොමළ සොඳුරි

සුවඳ රෝස මල් නෙළා
මාලයක් ගොතාලා
මගේ කොමළ සොඳුරියේ
බඳිමි ඔබ ගෙලේ

එන්නැ සුදෝ එන්නැ අනේ එන්නැ මා වෙතේ
මෙන්න මගේ සුරත ගන්නැ පෙම් දමින් වෙළා
පෙමෙහි මිහිර විඳැ අපේ දිවිය ගෙවමු දෝ
එලොවැ මෙලොවැ සියලු සැපට පෙමමැ කරුණු වේ

පුරා පිපුණු ඔලු මලෙකැ සුවඳ මෙන් අගේ
සරා වැඩුණු සඳෙහි සිසිල් කැලුම් මෙන් අගේ
ලලිත බොළඳ සුරතලී සුවඳ සුකොමලී
මෙ ඔබ බලන බැල්ම අහෝ කොයින් ගෙනාදෝ

ගිරා හඬත් කොබෝ හඬත් කෝකිල නාදේ
සමඟ රැගෙනැ මැවුණු රිදී හඬක් මෙන් අගේ
සොඳුර ඔබ ගෙ කට හඬේ ලලිත සුමිහිරේ
එන්නැ අනේ මා නළවා ලන්නැ පිය බඳේ

එලෝ මෙලෝ දෙලෝ මගේ මිහිරි පෙම්බරී
ඔබයි සුදෝ ඔබෙන් මිදී සැපෙක් නෑ සිරී
මගේ කොමළ කුමරියේ සුසුදු සොඳුරියේ
දිළිඳු වුවද මෙ ඔබ තමා පෙම් බිසෝ මගේ

කෝකිල නාදේ

කෝකිලයන් ගේ කෝකිල නාදේ
හීන හඬින් හීන වගේ එයි නැඟී
ජාති ජාති මලින් සුවඳ උරා බී
වටින් පිටින් සිසිල් සුළං හමන්නේ

සාමදාන සැඳෑ සොබා ඇදෙන්නේ
අන්න අන්න ඉරත් මූදෙ ගිලෙන්නේ
මගේ කුමාරී ආල තොටිල්ලේ පැදෙමු නිදැල්ලේ
සුදෝ සුදෝ අන්න සඳත් එබෙන්නේ

සාදු සාදු ඔබේ දෙසයි බලන්නේ
එපා එපා සඳේ නිකම් තැවෙන්නේ
ඇයි ද මගේ සුදා මටයි ආදරේ
අන්න දෙව්ලියෝ අපේ පෙම් බලා ගීත ගයන්නෝ

සමන් මලක් නෙළා මගේ බිසෝ ගේ
හිසේ ගසම් අන්න මගේ විනෝදේ
එන්නැ අනේ එන්නැ මගේ කුමාරී
‘සාදු’ කියා හාදු දෙකක් දෙන් සිරී

මගේ කිරිල්ලී හඬින් සුමීරී ගයන් අමා ගී
බෝමැ ඇතත් සුදෝ මැණික් සාගරේ
ඔබයි මගේ මැණික මගේ ආදරේ
ඉතින් එපා සැකක් මගේ සුන්දරී

මෙලෝ එලෝ ඔබයි මගේ පෙම්බරී
මගේ අසෝකා මගේ විසාකා මගේ මල්ලිකා
 

ගී පද - හියුබත් දිසානායක

කුකුළු හැවිල්ල

දුදනො’ ද බිඳ
බඳ තෙද කඳ
කඳ දෙව් රද සාමිනේ
මගෙ කුකුළා නැසූ එකා
දදය ඔබගෙ පාළු යකා
තව එක බුද දිනක් තකා
ඉන්නට ඉඩ නොදී මකා
බලා එල්ල
හෙළුව හෙල්ල
මුල මැ බෙල්ල මරු තැනේ
කතරගමට රුහුණු රටේ
හිඟා කකා ලබන විටේ
පයින්මැ ගොස් ඇවිද වටේ
පොළොවැ උළා නළල් ඇටේ
දිගට ඇදී
නැඟැ පැහැදී
මහ හඬ දී ‘දෙවියනේ’
රනින් කුකුළු රුවක් පුදමි
රිදියෙන් බිජුවටක් පුදමි
රන් දුනු හී දෙකක් පුදමි
රුවට රිදී රුවක් පුදමි
කතරගමේ
බලමහිමේ
දුටු ද එ මේ හැම තැනේ
කියමින් නම’කුරු ඔබගේ
බොළඳුන් ගෙ ද කිරි කුඩ’ගේ
රඟ දෙන්නට වඩමි අගේ
එකතින්හිමි සඳනි මගේ
දුදනො’ද බිඳ
මට කළ මේ විපත අනේ
බලාගන්නැ දෙවියනේ
වැජඹෙන නා මෙ විමනේ
බලන්නැ නා සාමිනේ
 

ගී පද රැයිපියල් තෙන්නකෝන්

උපන් බිම

සිතෙහි දිරි වඩා කයෙහි වැර නඟා
හෙළය නඟනු පිණිසැ පෙරට යන්නැ හෙළ පුතා
මවට මෙන් මැ පෙම් නඟා ජනිත බිමට වැඩ වඩා
එලොවැ මෙලොවැ ඒ ඉහළ

පුද මැ ලබන සේ
නැඟෙනු මිතුරු ඇදෙනු පෙරට ගීත ගය ගයා
ලොවමැ මවිත කරන මේ පරම මිහිරි හෙළ බිමේ
උපත ලැබුම සේ ඉහළ

වාසනා නොවේ
ඕලු නෙළා මාල ගොතා සරසමු ලංකා
බලනු මිතුර ලොව පුරා සියලු දෙසමැ පුබුදු වේ
ඉවත හෙළනු මේ අපට

නුහුරු මැළි සොබා
ගැමුණු පියා ගුණ සමරා නැඟෙනු හෙළ පුතේ
නැටුම් ගැයුම් වැයුම් ඈ කලා නැවැත පණ පොවා
ගිගිරි වළලු හා මිහිරි

කිකිණි හඬ දෙවා
ලකෙහි සිරිය පාමු ලොවට හොඳට හැඩ ගසා
පොළොන්නරුව දෙසැ බලා පැරැණි මහිම ගැනැ සිතා
සිතට සිරි දෙවා නැඟෙනු

දරුව දැන් වහා
ගයමු වයමු නටමු මෙ අප ලක් මවුන් වටා
 

ගී පද - සුනිල් සාන්ත හා හියුබත් දිසානායක

පාසල් ගුරුවරිය

මිහිකත නළවාලා
මඟ මල් ගන්වාලා
පාසල වෙත යන මේ
පිටිසර හෙළ ගුරු ලිය සැරදේ

සුදු හෙළ සාරිය හැඳලා හැඩ කොටැ ඉඟ වට රැළි ලෙළවා
දිගු නිල් වරලස පීරා නිසි ලෙසැ මල් ගවසා බැඳැලා
ගෙල වට මුතු මාලේ දෝතේ වළලු සැලේ
සිරියා සපුරා පිරියා පතුරා යන සුරතල් ලීලා

බෝවිටියා හා බාලොලියා හා ඈ වන මල් සපිරී
මේ හුදු පිටිසර හෙළ ගම්මානේ ඔබ දෝ සීදේවී
කෝකිලයන් නාදේ අන්න නැඟී එන්නේ
සුදු හෙළ පිටිසර තුරුණු විනාවිය ඔබටයි ඒ ගීතේ

ඕලු නෙලුම් ඈ නෙක මල් පිබිදී අහෝ විලේ සිරියා
ජය මැ මලක් ඉන් නෙළා ගනී ඕ හා හා කුමටද ඒ
බාල ලියේ ඔබ ගේ සුහදා හට වෙද ඒ
සුරතලියේ ඔබ හදවත පතුලේ පෙම් මල කා සතු දෝ

හෙළ පැටියන් හට ගී රස දෙන්නට පෙළ සිටුවා වටයේ
වීණා නාදේ නංවා ඔබ උන් හා ගී ගයන සඳේ
සරසවි බැසැ ඒ වී ලක් ළද නැළැවේ වී
ඈත එපිටැ ඒ සීගිරි සීනය සිතේ ඇඳී යා වී
 

ගී පද – හියුබත් දිසානායක

තනුව - සුනිල් සාන්ත

එම්බා ගංගා

එම්බා ගංගා
නවතිනු නවතිනු නවතිනු නවතිනු ගංගාවේ

එම්බා ගංගා
නවතිනු නවතිනු නවතිනු නවතිනු ගංගාවේ

එම්බා ගංගා
නවතිනු නවතිනු නවතිනු නවතිනු ගංගාවේ

එම්බා ගංගා ගංගාවේ
කන්ද කපවු ගල් පෙරළවු

වේලි බඳිවු ගමන බිඳිවු - ගංගාවේ
දිය හරවවු වැව් පුරවවු

කෙත් කරවවු කුස පුරවවු - ගංගාවේ
හිටු එම්බා ගඟ පුම්බා

දිය ලම්බා පරැකුම්බා - ගංගාවේ
වැඩට අපේ දිය නොම දී

මුහුද කරා යනු වරදී – ගංගාවේ
ගී පද – අරිසෙන් අහුබුදු

සැකසුම - අසංක දේවමිත්‍ර පෙරේරා