|
|
වර්ණ සමඟ අලුත් අධ්යක්ෂවරයෙක්රවීන්ද්ර - සිරිල් - ඩග්ලස් ජයසිරි – වීණා - වසන්ති එක් වෙති
වර්ණ නම් වූ සිනමාපටයක් අධ්‍යක්ෂණය කරමින් තවත් අධ්‍යක්ෂවරයකු සිනමාවට එක් වෙයි. ඔහු ෂාහිරු රණසිංහයි. ධවල වසන්තය, සීදේවි මනමාලි ආදී ටෙලි සිතුවම් අධ්‍යක්ෂණය කළ ෂාහිරුගේ මෙම සිනමාපටයේ මුහුරත් උළෙල පසුගියදා බස්නාහිර පළාත් සෞන්දර්ය නිකේතනයේදී පැවැත්විණ. සිරිල් වික්‍රමගේ, රවීන්ද්‍ර රන්දෙණිය, ඩග්ලස් රණසිංහ, ඩබ්ලිව්. ජයසිරි, වීණා ජයකොඩි, වසන්ති චතුරානි, රංජිත් රූබසිංහ, ඉමේෂාන් නෙල්ලිගහවත්ත, මල්ෂි මද්දුමගේ, සංකල්ප රණසිංහ, පෙමිත රන්දිය, හිමංස ගුණවර්ධන, ප්‍රභාශි සෙනෙවරත්න ඇතුළු පිරිස වර්ණ හි නළු නිළියන් පිරිවරයි. මෙය රන්දිය ක්‍රියේෂන් හි නිෂ්පාදනයකි. අධ්‍යක්ෂණය මෙන්ම තිර රචනය ද ෂාහිරුගෙනි. මහේන්ද්‍ර සේනාරත්නගේ සංස්කරණයකි. හේමන්ත ගමගේ අංග රචනයෙන් එක් වෙයි. නිමල්සිරි ද සිල්වා කලා අධ්‍යක්ෂවරයාය. ඉන්දික රත්නායක සහාය අධ්‍යක්ෂණයෙන් ද, සුනිල් කස්තුරි සහ නාමල් සේනානායක නිෂ්පාදන කළමනාකරණයෙන් ද එක් වෙති. යාපා බණ්ඩාර සෙනෙවිරත්න සහ විමල් ලොකුලියන ගීත රචකයෝය. උපාලි කන්නංගර වර්ණ සංගීත අධ්‍යක්ෂණය කරයි. |
|
||||||||
|
|
||||||||
සියළුම හිමිකම් ඇවිරිණි |
