ජනප්‍රිය වෙන්න මට කිසි හදිස්සියක් නැහැ Hollywood ප්‍රථම රංගනයෙන්ම හොඳම නිළිය වුණා Fun Music විජය සහ ජෝති සමාජයේ අපි ඔක්කොම සුමානයයි ආචාර්ය ලෙස්ටර් ජේම්ස් පීරිස් සරසවිය සිනමා සම්මානයේ මුල්ම හිමිකරු කවුද? මෝහය දුරු කරන තරමට නිර්මාණය ලස්සනයි ඕනෑම නිර්මාණයක ආරම්භකයා රචකයා යි එන්න පේ‍්‍රමය ගැන කතා කරන්න දුවට මවක මිස ජීවිතයට වෙන කවුදෝ සින්ඩ්‍රෙල්ලා’ මංගල දර්ශනය දා නළු නිළියන්ට මූඩ් ගන්න මම මියුසික් ට්‍රැක් දැම්මා මේ සතියේ බලනවා නම් චිත්‍රපට ප්‍රතිචාර අර්ජුන්ගෙන් පිළිතුරු ජෝතිපාලයන් ගැන අප්‍රකට තොරතුරු විජය කුමාරතුංගගේ සිතුවමක් bollywood ඇමැති ප්‍රේමදාස නිසා රංජිත් විජයවර්ධන මහතා මුණ ගැසීමි NEWS මගේ පුතාගේ තුන්වැනි උපන්දිනය අදයි මගේ ජීවන පරමාදර්ශය තාත්තාගේ ඒ ඔවදන් වයිෆ් සෙකට්‍රි චන්නගේ බාල දුව තිරයට සරමේ අගය කැඩුම් බිඳුම් ඩිරෙක්ටර්ගෙන් අධ්‍යක්ෂණයක් සිනහව අතරින් කතාව මගේ සිංහල සිනමාව බෑ කියන්න නම් එපා කෙල්ලේ

ආචාර්ය ලෙස්ටර් ජේම්ස් පීරිස්

සරසවිය සිනමා සම්මානයේ මුල්ම හිමිකරු කවුද?

නූතන සිනමාවේ පෙරගමනට අභිමානවත් සම්මානයක් තරුණ සිනමාකරුවන්ට අභියෝගයක්

දේශිය සිනමා වංශ කතාවේ අතිශය කීර්තිමත් හා අභිමානවත් සිනමා සම්මානය ලෙස සැලකෙන සරසවිය සම්මාන ඉතිහාසයේ නවතම සිනමා සම්මානයක් මෙවර හඳුන්වා දෙනු ලබයි. මෙරට මහා සිනමා වංශයේ පීතෘවරයාණන් වූ ආචාර්ය ලෙස්ටර් ජේම්ස් පීරිස් නමින් පිදෙන මෙම අභිමානවත් සම්මානය පිරිනැමෙනුයේ මෙතෙක් තිරගතවීමට වරම් නොලද අධ්‍යක්ෂවරයකුගේ මුල් සිනමා කෘතිය වෙනුවෙන්. මෙවර මුල්වරට එම සම්මානය දිනා ගැනීම සඳහා තරග වැදීමට සුදුසුකම් සපුරනුයේ 2015 වසරේ ජනවාරි පළමුවැනිදා සිට එම දෙසැම්බර් 31 දා දක්වා කාලය ඇතුළත ප්‍රසිද්ධ රැඟුම් පාලක මණ්ඩලයේ අනුමැතිය ලබා ගන්නා ලද මෙතෙක් මෙරට වාණිජ මට්ටමෙන් ප්‍රදර්ශන වරම් නොලැබුවා වූ අධ්‍යක්ෂවරයකුගේ මුල්ම සිනමා කෘතිය වෙනුවෙනි.

ශ්‍රී ලාංකේය සිනමාවේ සිය මුල්ම කෘතිය හරහා ස්වකීය අනන්‍යතාව සලකුණු කරන ලද චිත්‍රපටයක් තැනුව ද මෙතෙක් ප්‍රදර්ශනය කිරීමට වරම් නොලද අලුත් සිනමාකරුවකුට මෙම අවස්ථාව විශිෂ්ට වරප්‍රසාදයක් වනු ඇත. පසුගිය වකවානුව පුරා නව පරපුරේ සිනමා කරුවන්ගේ අභිමානය පිළිබඳ සරසවිය දීර්ඝ වශයෙන් කරුණු හෙළිදරව් කරන ලදී. මේ බොහෝ සිනමාකරුවන්ට තවමත් මහජන ප්‍රදර්ශන අවස්ථාව ලැබී නැත.

ලාංකේය සිනමා ඉතිහාසයේ මුල් දශකය නිමා කරමින් තිරගත කරන ලද ආචාර්ය ලෙස්ටර් ජේම්ස් පීරිස්ගේ මුල්ම වෘත්තාන්ත චිත්‍රපටය වන රේඛාව මෙරට සිනමාකරුවකු විසින් මුල්ම කෘතිය මත ස්වීය අනන්‍යතාවය හා හාපුරා කියා සලකුණු කරන ලද චිත්‍රපටය ලෙස සැලකේ. රේඛාව තිරගත කොට මෙම වසරට වසර 60 ක් සපිරේ. එමෙන්ම එතැන් පටන් මෙරට සිනමාව බිහි කළ විශිෂ්ට සිනමාකරුවන්ගේ පරම්පරාවට පීතෘවරයා වූයේත්, ගුරුවරයා වූයේත් ආචාර්ය ලෙස්ටර් ජේම්ස් පීරිස් බැව් ලාංකේය සිනමා විචාරකයන්ගේත්, ඉතිහාසඥයන්ගේත්, සිනමාකරුවන්ගේත් පිළිගැනීමයි. 1964 වසරේ පවත්වන ලද මුල්ම සරසවිය සම්මාන උළෙලේ හොඳම චිත්‍රපටය ලෙස සම්මාන දිනූ ගම්පෙරළිය චිත්‍රපටය නිර්මාණය කරමින් මුල්ම හොඳම අධ්‍යක්ෂ ලෙස සම්මාන දිනුවේ ද ආචාර්ය ලෙස්ටර් ජේම්ස් පීරිස්ය. මෙරට අන්තර් ජාතික සම්මාන දිනූ මුල්ම චිත්‍රපටය ලෙස ගම්පෙරළිය ඉන්දියානු අන්තර් ජාතික උලෙළේ දී හොඳම චිත්‍රපටයට හිමි රණමයුර සම්මානය දිනා ගත්තේ සරසවිය සම්මානය දිනාගත් පසුවය.

මෙවර නව පරපුරකට මඟ පෙන්වන සරසවිය සම්මානය ආචාර්ය ලෙස්ටර් ජේම්ස් පීරිස් නමින් නම් කරන්නට තීරණය වූයේ ද එහෙයිනි.

ආචාර්ය ලෙස්ටර් ජේම්ස් පීරිස් සම්මානය සඳහා සිය චිත්‍රපට ඉදිරිපත් කිරීමට බලාපොරොත්තු වන සියලුම සිනමාකරුවන් 2016 පෙබරවාරි 25 දාට පෙර සරසවිය කර්තෘ, ලේක්හවුස්, කොළඹ යන ලිපිනයට හෝ [email protected] විද්‍යුත් ලිපිනයෙන් හෝ ජංගම දුරකතන අංක 0773675299 මඟින් සිය චිත්‍රපටය පිළිබඳ තොරතුරු දන්වන ලෙස සරසවිය ඉල්ලා සිටී. විද්වත් විනිශ්චය මණ්ඩලයක් මඟින් අදාළ සිනමා කෘතියට හිමි සම්මානය පිරිනමනු ඇත. චිත්‍රපටයේ ඩී. සී. පී. පිටපතත් රැඟුම් පාලක මණ්ඩලයේ සහතිකයත් අදාළ අවස්ථාවලදී ඉදිරිපත් කිරීම අත්‍යාවශ්‍ය වේ.

ඉල්ලුම් කළ හැකි අවසාන දිනය 2016 පෙබරවාරි 25