ශාරුක් ට 24 යි
ශාරුක් ට 24 යි
 ජනප්‍රිය නළු ශාරුක් ඛාන් ලබන අප්‍රේල් මාසයේ නවතම ආකාරයේ චිත්‍රපටයකින් රසිකයින්
වෙත ඒමට නියමිතයි. ඒ මනීෂ් ශර්මාගේ 'ෆෑන්' (Fan) චිත්‍රපටයෙන්. ශාරුක් එහි ද්විත්ව
චරිත නිරූපණයක යෙදෙනවා. එක චරිතයක් ජනප්‍රිය සිනමා තරුවක්. අනෙක් චරිතය ඔහුගේ තරුණ
රසිකයෙක්. චිත්‍රපටයේ මේ තරුණ චරිතයේ වයස අවුරුදු 24 යි. චිත්‍රපටය ගැනත්, රූගත
කිරීම් වලදී තමන් ලැබූ අත්දැකීම් ගැනත් ශාරුක් දරන්නේ මේ වගේ අදහස් :
“මාව වයස 24 ක තරුණයෙක් කරන්න රූපලාවන්‍ය ශිල්පීන්ට අභියෝග රැසකට මුහුණ දෙන්න
සිදුවුණා. පැය 4ක් තිස්සේ ඔවුන් ඒ දේ කළා. චිත්‍රපටයේ මේ තරුණ චරිතය තරුව ගැන වහ
වැටිලා ඔහුව අනුගමනය කරනවා. ඒ මතු දිනෙක ඔහුටත් ඒ තරුව වගේ වෙන්න පුළුවනි යන
සිතුවිල්ලෙන්. චිත්‍රපටයේ එන තරුව මගේ සමාජ ප්‍රතිරූපයේම ටිකක් සෞම්‍ය සංස්කරණයක්”.
චිත්‍රපටයේ ප්‍රධාන නිළි චරිතය සිනමාවට හඳුන්වාදීමක්. ඇය වාලුස්චා දී සවුසා.
යතේජා ඥානරත්න
|
