|
|
සුනිල් සර්ගේ චිත්‍රපටයක රඟපෑමේ සිහිනයක් තිබුණාරුවි ලක්මාලි
* ඇයි ඔබට රාධා විශේෂ? හේතු කිහිපයක්ම තියෙනවා. කාලයක් තිස්සේ මට හීනයක් තිබුණා සුනිල් සර්ගේ චිත්‍රපටයක රඟපාන්න. ඒත් එක්කම තවත් හීනයක් තිබුණා ඓතිහාසික චිත්‍රපටයක හොඳ චරිතයක් කරන්න. ඒ හීන දෙකම එක සැරේම ඉටු වුණා. ඒකයි මට රාධාගේ චරිතය මෙතරම්ම විශේෂ. * කොහොමද ඔබට යශෝධරා චිත්‍රපටයට සම්බන්ධ වෙන්න අවස්ථාව හිමි වන්නේ? මට සුනිල් සර් පැවැත් වූ තිර පරීක්ෂණයකට සහභාගී වන්නට ලැබුණා. ඒ වන විටත් බහුතරයක් නළු නිළියන්ව ඔහු තෝරාගෙන. ඒත් සුනිල් සර් මගේ පෙනුමට කැමැති වෙලා මට රාධාගේ චරිතය දුන්නා. * සුනිල් ආරියරත්නයන් අධ්‍යක්ෂණය කළ චිත්‍රපට අතරින් ඔබ අවසන් වතාවට නැරඹූ චිත්‍රපටය මොකක්ද? පත්තිනි තමයි. * ඔබට වැඩිපුරම රඟපාන්න තිබුණේ ඉන්දීය නිළි පල්ලවි සුභාෂ් එක්ක. කොහොමද ඇයත් සමඟ කළ රංගනය ඔබට දැනුණේ?
* පල්ලවීට ඔබ සිංහල උගන්වන්න හැදුවේ නැතිද? අයියෝ නැහැ. සිද්ධාර්ථ චරිතය කළ නළුවා නම් සිංහල සිංදු කිය කිය හිටියා. පල්ලවී නම් එහෙමවත් කළේ නැහැ. * මේ දිනවල ඔබ සිටින ටෙලි නාට්‍ය විකාශය වනවාද? ඔව්. ඒක තමයි ප්‍රදීප් ධර්මදාසගේ දෙයියන්ගේ රටේ. ඒ වගේම හරස් පාර කියලා නාට්‍යයක් විකාශයවීමට නියමිතයි. * ඔබ රඟපාන්න ඇවිත් කොපමණ කල්ද? වසර අටක් විතර ඇති. * මේ කාලය අතරතුර ඔබ ලැබූ ජනප්‍රියත්වය ගැන සෑහීමකට පත් වන්නට පුළුවන්ද? අනිවාර්යයෙන්ම. මේ කාලය අතරතුරදී මං නාට්‍ය තෝරා බේරා ගෙන රඟපෑවේ. ජනප්‍රියත්වය පස්සේ ගියා නම් මට තව නාට්‍ය බොහොමයක ඉන්න තිබුණා. ඒ හින්දා මාගේ ජනප්‍රියත්වයත් මීට වඩා වැඩි වේවි. නමුත් මට ඕන කළේ ජනප්‍රියත්වය තකා වැඩ කරන්න නෙවෙයි. හොඳ නිර්මාණවලට දායකවීම පමණයි. * නිළියක් වීම ගැන ඔබ සතුටුද?
* ඔබව මෙගා නාට්‍යවල දක්නට නැත්තේ ඇයි. ඒ මෙගා නාට්‍යවලට ඔබ අකැමැති නිසාද? කැමැති අකැමැතිකමට වැඩි වෙන දෙයක් එතැන තියෙනවා. මං ආස නැහැ එකම දර්ශන තලයක දිගු කාලයක් කොටු වෙන්න. එතකොට ඒකාකාරී වෙනවා. ඒකයි මෙගාවලට යන්නේ නැත්තේ. * ඉදිරියේදී රඟපාන්න කැමැත්තෙන් සිටින චරිතයක් තියෙනවාද? පොලිස් කාන්තාවක හෝ මෙහෙණින් වහන්සේ කෙනකුගේ චරිතයක් රඟපාන්න ආසයි. ඒ චරිත දෙකෙන් එකක් හෝ ඉදිරියේදී රඟපාන්න ලැබේවා කියා පතනවා. * ඔබේ සැමියා ක්ෂේත්‍රයෙහි කෙනෙක්. ඔහු ගැනත් මතක් කරමු? ඔහු ප්‍රසාද් නාකුළුගම. සහාය අධ්‍යක්ෂවරයකු සහ අධ්‍යක්ෂවරයකු විදිහට ඔහු වැඩ කරනවා. මට නිළියක් විදිහට ඉදිරිය දකින්න ඔහු ලබාදෙන සහාය අපමණයි. අපි දෙන්නා දැන් මාලඹේ පදිංචි වෙලා ඉන්නේ. * නව පරපුරේ රංගන ශිල්පිණියක විදිහට ෆේස්බුක් ගැන මොන වගේ මතයකද ඉන්නේ? ෆේස්බුක් කියන්නේ හොඳ මාධ්‍යයක්. ඒ හරහා මට විදෙස් රටවල ෆෑන්ස්ලා ගණනාවක් ඉන්නවා. ඔවුන් මට ප්‍රතිචාර දක්වන්නේ ෆේස්බුක් හරහා. මට නම් ෆේස්බුක් අත්‍යවශ්‍ය දෙයක් වෙලා.
|
|
||||||||
|
|
||||||||
සියළුම හිමිකම් ඇවිරිණි |
ඇය යශෝදරාගේ හොඳම යෙහෙළිය වූ රාධාය. එලෙස මේ සුරූපිණිය රංගනයේ යෙදෙන්නේ මහාචාර්ය
සුනිල් ආරියරත්නගේ බිම්බා දේවි හෙවත් යශෝදරා සිනමාපටයේය. ඒ ඇගේ දෙවැනි සිනමා රංගනය
විය. හඳුනා ගනිමු මේ නව පරපුරේ රංගන ශිල්පිනියව. ඇගේ නම රුවි ලක්මාලි වන්නීය. ටෙලි
සිතුවම් ගණනාවක් ඔස්සේ ඔබේ ආලින්දයට ගොඩ වූ ඇය ප්‍රකට වෙළෙඳ දැන්වීම් කිිහිපයකටම
පෙනී සිටියාය. රුවී අද සරසවියට පැමිණියේ විශේෂයෙන්ම රාධා ගැන කතා කිරීමටය.
ඇයට සිංහල බැහැ. ඒත් අමාරුවෙන් සිංහල වචන කියන්න හැදුවා. කොහොම නමුත් ඇයත් එක්ක
රඟපාද්දී කිසිම අපහසුවක් දැනුණේ නැහැ. පුදුම විදිහට සහයෝගය දුන්නා. ඒක වෙනස්ම
අත්දැකීමක්.
නිළියක් කියන්නේ තවත් එක වෘත්තියක් නෙවෙයි. මේක විඳින්න හැකි තෘප්තිමත් ජොබ් එකක්.
අපි රඟපාන ගමන් ඒ චරිතය විඳිනවා. ඊට පසුව ටී. වී. එකේ හෝ සිනමා ශාලාවේ එම නිර්මාණය
නරඹන ගමන් සතුටක් ලබනවා. ඒ හින්දා මං බෙහෙවින් සතුටු වනවා නිළියක් වීම ගැන.
