මට ඕනෑ දක්ෂ නිළියක් වෙන්න Hollywood එදා සම්මාන උලෙළට සහභාගි නොවීම ගැන පස්සේ දුක හිතුණා ගාමිණී නමින් පරසතු මල් පුබුදවමු ඉහෙන් බහින ලෙඩක් නැහැ සාම විනිසුරු සේකරගේ ගෙදරදී කළ හොරකමක් සිංහල සිනමාහලට ඇමරිකන් සිංහල චිත්‍රපට පොල් තෙල් බීපු නිවේදකයා වීරවර්ණ 18 වැනිදා එයි Fun Music කෙහෙල් කැනම කාලා ඉස්මුරුත්තාවට ආවා අපට නම් ප්‍රශ්නයක් නෑ වික්ටෝරියානුවාදින්ටයි ප්‍රශ්නේ ටෙලිවිෂනයට සංස්කෘතියක් ‘මාරක ළිඳේ සවාරියක්’ යමුද? මට ‘දෙව්ලොව දෝණි’ ලැබුණේ මර්සි නිසා ගීත ගායනයෙන් ලබන මානසික තෘප්තිය ඉතා වැදගත් සිංහල සිනමා විස්තරය අර්ජුන්ගෙන් පිළිතුරු ප්‍රතිචාර යශෝධා කෝච්චියට බෙල්ල තියා වෙන්න ගිය වින්නැහිය Bollywood රතු බත් තිබේ නම් වහාම එන්න මම ‘නටන් නැතිව දින්නා’ ඔයා අද හරි ලස්සනයි අකල් හි මරු දුටු සිනමා ප්‍රාඥයා එෆ්. ඩබ්ලිව්. මර්නෝ මෙගා ටෙලි නාට්‍ය කෙරුවාවේ අලුත් වංචාවක් ගැන හරිඳු වරුණ පෙරේරා කරන හෙළිදරව්ව සමාජ සත්කාර

දෙදහස් දහසය විස්සයි විස්සේ ලෝක කුසලානය වෙනුවෙන් නිර්මාණය වූ ගීත සඳහා මෙවර Fun Music වෙන් වෙයි.

මේ සෑම වීඩීයෝවක්ම www.sarasaviya.lk  ඔස්සේ නැරඹිය හැකිය
 

Fun Music

අලුත් මියුසික් වීඩියෝ ගැන කියවමු

සැනසෙමු අපි හෙට දිනුම ලබා

වසන්තයක රැඳි සෙනෙහස අරගෙන
පිපුනු කුසුම් ලොව දකින දිනේ
ජය ටැඹ වෙත යන මංමාවත් අද
නිසල නෙතින් හිනැහේ හිනැහේ
නංවා ජය ධජ සතර දෙසින්
එන්නේ ගිනි හිරු අඳුර මැදින්
දෙරණ මතින් පැන අහස එකලු කළ
ගිනිසිළුවදැයි සුසුමදවා
සැනසෙමු අපි හෙට දිනුම ලබා

සිසිලස ගෙන එන සොඳුරු පවන්
පැරදුම වෙත කිසි දිනෙක නොයන්
බිඳුණු පැතුම විඳ දුකින් සසලවන
දෙනුවන් අද තුටු කඳුළු රැඳී
රුහිර දහදියේ සුවයෙන්
නංවා ජය ධජ . . .

ගායනය - මිහිඳු ආරියරත්න

පද රචනය - විරාජ් කනිෂ්ක මදනායක

සංගිතය - ඉසුරු විජේසේකර

තනුව - තිසර ද සිල්වා

මියුසික් වීඩියෝවේ අධ්‍යක්ෂ - රජිත රත්නසිරි

මියුසික් වීඩියෝවේ රංගනයෙන් දායක වනුයේ - තිවංක ජයසුන්දර ඇතුළු පිරිස

මෙම ගීතය ගායනා කරන මිහිඳු වායෝ සංගීත කණ්ඩායමේ රිදම් ගිටර් වාදන ශිල්පියාය. ඔහු ගැයූ ගීත අතර ක්‍රිකට් ක්‍රීඩකයින් දිරිමත් කිරීමට ගැයූ එකම ගීතය මෙයයි. මිහිඳුගේ හිත මිතුරන් වූ කනිෂ්ක, ඉසුරු සහ තිසර එක්ව නිර්මාණය කළ මෙම ගීතය මෑතකදී පටිගත කොට මාධ්‍යයට මුදා හැරිය ද එහි පදනම වැටී ඇත්තේ අදින් වසර කිහිපයකට පෙරය. තවත් අයුරකින් කිවහොත් මිහිඳු පසුගිය 20 - 20 ලෝක කුසලානය පැවැත්වෙන සමයේදීි මෙය නිර්මාණය කිරීමට අපේක්ෂා කරනු ලැබුවේ. දිනයක් පුරා රූගත කිරීම් පැවැත්වුණු මෙහි රූගත කිරීමට අවැසි කෙනෙකු නැතුව මිහිඳු ඇතුළු පිරිසට සෑහෙන වෙලාවක් බලා සිටීමට සිදු වී තිබේ. අවසානයේදී ඔහු සිටින එම දර්ශන කිහිපය රාත්‍රී කාලායේදී රූගත කොට ඇත.

සබකෝලේ නැති බෝලේ

මේ විස්සයි විස්සේ කොයි කවුරුත් ගැස්සේ
ජය ඝෝෂා අස්සේ සික්සර් සැනකෙළියට
යමු දැන් අප සිත් සේ
යෝකර් පෙළ ගැස්සේ ලෝකෙම දණ ගැස්සේ
නෑ වංචා කෙරුවේ ක්‍රිකට් මහත්වරු කියලයි දන්නේ

සබකෝලේ නැති බෝලේ ඉහට උඩින් යවලා
පැල් බැඳගෙන බැට දේවී සිංහ ගතිය පෙන්නා
ඔය කෝලම් වැලි සෙල්ලම් හරි යන් නෑ ඒවා
සිංහ විසේ පෙන්වන්නට කාලෙ තමයි
ශ්‍රී ලංකා නාමේ වසයි
පිටිය මැද්දේ
රතු පාවඩ මත්තේ කුසලානේ අරගෙන
යන්නමයි බැස්සේ
ලකුණු ලකුණු පස්සේ හඹා යාවි සිත් සේ
කෝපි බිබී රස්සේ ටීවී වට කරගෙන බලන්නමයි
ඇත්තෙ

සබකෝලේ නැති බෝලේ . . .
ස්කෝර් බෝඩ් එක පැත්තේ වැඩ ඇති හැම තිස්සෙ
තුන් ඉරියව් ඔස්සේ දිනුමට ළං වෙන්නේ අප සික්සර්
වැස්සේ
කයිවාරු පස්සේ වැඩ පෙන්වමු විස්සේ
නිසැකයි අවසානේ සිංහ ධජය ලෙළ දෙයි
වැහි පිට වැහි මැද්දේ
සබකෝලේ නැති බෝලේ...
 

ගායනය - රයිනි චාරුකා, නදිනි ප්‍රේමදාස, ලන්ත්‍රා පෙරේරා, සඳුන් පෙරේරා, ෆන්කි ඩර්ට් සංගීත කණ්ඩායමේ පිරිවර සමඟ මාධව වර්ණපුර, චාමර කපුගෙදර, දිනේෂ් චන්දිමාල්, නිරෝෂන් දික්වැල්ල, මිලින්ද සිරිවර්ධන,

දුෂ්මන්ත චමීර, දසුන් ගමගේ, කිත්රුවන් විතානගේ යන ක්‍රිකට් ක්‍රීඩකයන් සහ යෂාන්.

පද රචනය - සඳුන් පෙරේරා

සංගීතය සහ සංගීත සංයෝජනය - ශෙනාල් මද්දුමගේ

මියුසික් වීඩියෝවේ අධ්‍යක්ෂ - ගාමිණී චාමර

කැමරා අධ්‍යක්ෂණය - උපුල් චන්දන

නව පරපුරේ ගායන ශිල්පී යෂාන්ගේ සංකල්පයකට අනුව නිම වූ මෙම ගීතය ඔහුගේ නිෂ්පාදනයක් වශයෙනුයි ඉදිරිපත් වන්නේ. නුගේගොඩ ලීෆ් ආයතනය තුළ ඉදි කළ දැවැන්ත පසුතලයක් මධ්‍යයේ මෙය රූගත කොට තිබේ.

මෙම ගීතයෙහි ශිල්පී සම්බන්ධීකරණය ද යෂාන් විසින් සිදු කොට ඇත. එහිදී මේ සියලු දෙනා එක දිනයක් තුළදී ගෙන්වා ගැනීමට යෂාන්ට අපමණ වෙහෙසක් ගැනීමට සිදුවුණාලු. යෂාන් පවසන පරිදි මෙය ගැයූ ක්‍රීඩකයන් ඉතාම හොඳින් තම රාජකාරිය ඉටු කළාලු. ඒ වගේම පොඩි කාලේ ඉඳලා ක්‍රිකට්වලට ළැදි යෂාන් දිගින් දිගටම ක්‍රිකට් වෙනුවෙන් ගීත ඉදිරිපත් කරනු ලැබුවා. එක් දිනක් තුළදී මෙම ගීිතයෙහි රූගත කිරීම් නිම වී තිබේ.

මේ අපේ කිරුළයි විස්සයි විස්සේ

දිනමු අපි ජය කිරුළ ලෝක මේ
නගමු අපි අප සිංහ නාමේ
ගැහෙන හදවත් අප මේ රහමේ
පතන පැතුමයි දිනුම අප මේ
මේ අප මේ කිරුළයි විස්සයි විස්සේ
දැන් හදවත ගැස්සෙයි විස්සයි විස්සේ
අතන මෙතන කොතන ගියත් විස්සයි විස්සේ
ශ්‍රී ලංකා නාමය රැවුදේ රැවුදේ

විසි ගුණයක් වේගෙන් දඟ පන්දු යැවෙනවා
විසි ගුණයක් ඈතේ යළි හැරවී යනවා
විස්සයි විස්සේ බය අපි පන්නවා
හැමදාමත් මුලු ලෝකේ අපි රජ වෙනවා

මේ අපෙ කිරුළයි විස්සයි විස්සේ
දැන් හදවත ගැස්සෙයි විස්සයි විස්සේ
අතන මෙතන කොතන ගියත් විස්සයි විස්සේ
ශ්‍රී ලංකා නාමය රැවුදේ රැවුදේ

ගායනය - නියෝ, කයිසර්, ටෙහානි සමඟ ෂර්මන් විල්ස්

පද රචනා - සඳුන් ලක්මාල්

සංගීතය - පසන් ලියනගේ

මියුසික් වීඩියෝවේ අධ්‍යක්ෂ - ප්‍රියංග

වීඩියෝවේ නිෂ්පාදනය - ඉරාජ් ප්‍රඩක්ෂන්

ඉරාජ් වීරරත්න කාලෙන් කාලෙට එකිනෙකට වෙනස් නිර්මාණ ඉදිරිපත් කරනවා. මෙයත් ඔහු කලානුරූපීව නිර්මාණය කළ ගීතයක්. හැබැයි තමන් නිෂ්පාදනය කරනු ලැබුවට ඔහු මෙයට ගායනයෙන්වත් සංගීත අධ්‍යක්ෂණයෙන්වත් දායක වෙලා නැහැ. මෙය සම්පූර්ණයෙන්ම රූගත කොට ඇත්තේ ජනාකීර්ණ වූ මාර්ග කිහිපයක. අතරමඟදී හමු වූ නළුවන් කිහිප දෙනෙකු ද මෙම වීඩියෝවේ සිටිනවා.

සටහන් - ප්‍රසාද් සමරතුංග