දිළිඳු පැලක උපන් සුජාත පුත්‍රයෙක් අම්මාගේ උපන්දිනයට මට ලැබුණු තෑග්ග සරසවිය සම්මානයයි SARASAVIYA MODEL BANK EDITORS CUT සුමීගෙන් අහන්න ඇගැයීමක් නැහැ, ඒත් මං රඟපානවා Bollywood රටම කළඹන “උසාවිය නිහඬයි” 6 වැනිදා තිරයට කවීශාගේ උපන්දිනය දා ‘සදාදරණීය කුමරුනි! ඔබට සුව නින්දක්’ ටෲෆෝ ගැන සටහනක් සායක් ඇන්ද වූ ඩි ලා ‘මට බලපෑවේ බ්‍රැන්ඩෝ නොව පෝල් මුනියි’ ආදරණීය තරුවකගේ සැබෑ ජීවිත අන්දරය රැලා අපේ කට්ටිය සහ මම සිංහල සිනමා විස්තරය අක්කා නඟාලා එකට කාජල් පුංචි කාලේ මට මතකයි පී. යූ. ඩී. ගේ ළමා දින චිත්‍රපටය ජාතික නාළිකාවේ මම සිනමා විචාරයට පමණක් කොටු වී නැහැ සමන් පි‍්‍රයංකරගේ මල්හීන 3දා එළිදකී තනියට හේතුව නිවේදනයට පෙම් බැඳි රුවන් තොටගමුව සඳා ටෙලි නාට්‍යයෙන් කලා ලොවට ආ මංගලිකා කිරිබත් උපන් දිනයක් බැරැක් ඔබාමාගේ පෙම්කතාව Southside with You නාට්‍යකරුවන් සහ ඔවුන්ගේ නිර්මාණ අවුරුදු 12 ක් නොකඩවා කළ පූජාවක් දුර ප්‍රශ්නයක්ද?

‘ගයිඩ්’ නවකතාවසිංහලට නැඟුණාද?

මත්තේගොඩ අජිත් ජෝතිය කරසිංහ

ප්‍රශ්නය - ආර්. කේ. නාරායන්ගේ 'ගයිඩ් (දේව් ආනන්ද් රඟපෑ චිත්‍රපටයට අදාළ නවකතාව) සිංහලට පරිවර්තනය වී තිබේද?
පිළිතුර - ඔව්. ආරියදාස සෝමතිලක එය 'වීදුරු බිත්ති' නමින් ද, නිහාල් රාජකරුණානායක 'මඟ පෙන්වන්නා' නමින් ද එය සිංහලට නඟා තිබෙනවා.

අත්තනගල්ලේ විමලසේන හපුතන්ත්‍රි

ප්‍රශ්නය - ක්ලැරන්ස් විජේවර්ධන 'දිලීප පොඩි පුතු', 'දිල්හානි දුවනි', 'සිහින පැතුම් විමනේ', 'කිරි මුහුද කලඹාලා ගෙනා' ගීත නිර්මාණය කළේ කාගේ දරුවන් වෙනුවෙන්ද?
පිළිතුර - පිළිවෙළින් කරුණාරත්න අබේසේකර, සඟබෝ කොරයා, ශානක හා ලාංකිකා පෙරේරා, විජය කොරයා යන අයගේ දරුවන් වෙනුවෙන්.

මූදුකටුවේ මිල්ටන් ප්‍රනාන්දු

ප්‍රශ්නය - මනික් සන්ද්‍රසාගර අධ්‍යක්ෂණය කළ චිත්‍රපට මොනවාද?
පිළිතුර - කළු දිය දහර, කොළඹ සන්නිය, රැම්පේජ් (ඉංග්‍රීසි).

වතුරුගම සුමිත් සුදර්ශන

ප්‍රශ්නය - ශ්‍රී ලංකා - ඉන්දීය හවුල් නිෂ්පාදන මොනවාද?
පිළිතුර - පයිලට් ප්‍රේම්නාත්, නැංගුරම්, රත්තතින් රත්තමේ, මෝහන පුන්නගෙයි, වසන්ත විල්ඔරු වානවිල්.

කඩවත පහළ බියන්විල භද්‍රා බියංකා මධු

ප්‍රශ්නය - ප්‍රවීණ නාට්‍යවේදී සයිමන් නවගත්තේගම රඟපෑ චිත්‍රපට මොනවාද?
පිළිතුර - 'හෙවණැලි ඇද මිනිස්සු', 'තුන්වැනි යාමය', 'බවදුක', 'බවකර්ම', 'ප්‍රේමවන්තයෝ', 'බඹර සැණකෙළි', 'සළුපට අහසට', 'ඩොරින්ගේ සයනය', කිණිහිරියා මල්'.

මෝදර එම්. ආර්. සී. ඩයස්

ප්‍රශ්නය - ටෙලි නිර්මාණවේදීන්ගේ සංසදය පළ කර ඇති 'ටෙලි නිර්මාණවේදී වත' නම් වූ පොතේ ටෙලි නාට්‍ය නිෂ්පාදකවරුන් යටතේ ප්‍රවීණ ටෙලි නාට්‍ය නිෂ්පාදක උපුල් ජයසිංහගේ ලිපිනය සඳහන් නොවන්නේ ඇයි? එය වරදක් නොවේද?
පිළිතුර - ඔබ කියන දේ ඇත්ත නම් එය බරපතළ වරදක්. ඔහු ලංකාවේ ජනප්‍රියම ටෙලි නාට්‍ය නිෂ්පාදකවරයා ලෙස සම්මානයන්ට පවා පාත්‍ර වූ අයෙක්. එවැන්නකුගේ ලිපිනය මෙහි සඳහන් නොවීම ඔහුට කරන අසාධාරණයක්.

මාතලේ ධර්මා ඒකනායක

ප්‍රශ්නය - ජනප්‍රිය දකුණුු ඉන්දීය නිළි ජයලලිතා ලංකාවට පැමිණ සිටිනවාද? එක්තරා සිනමා පොතක එම්. ජී. ආර්. හා ජයලලිතා ලංකාවට ආ බව ඡායාරූපයකින්ම පළකර තිබෙනවා?
පිළිතුර - ඒ ඡායාරූපයේ ඉන්නේ බී. සරෝජා දේවි. ජයලලිතා ලංකාවට ඇවිත් නැහැ.

දෙදියවල වස්කඩුව ගාමිණී ගුණතිලක

ප්‍රශ්නය - 'ආරාධනා' හින්දි චිත්‍රපටයේ මුලින්ම රඟපාන්ට සිටියේ රාජේෂ් ඛන්නා නොව ශම්මි කපූර් යැයි කියන්නේ ඇත්තක්ද?
පිළිතුර - ඔව්. ශම්මිට දින නොතිබුණු නිසා නිෂ්පාදක අධ්‍යක්ෂ ශක්ති සාමන්තා ඒ වන විට චිත්‍රපට දෙක තුනක රඟපෑ ආධුනික නළුවකුව සිටි රාජේෂ්ට මේ චරිතය බාර දුන්නා. කිසිවකු නොසිතූ විදියට 'ආරාධනා' ජනප්‍රිය වුණා. රාජේෂ් එයින්ම සුපිරි තරුවක් වුණා.

උතුරු කළුතර තොටුපළ පාරේ සිරි අබේසේකර

ප්‍රශ්නය - මහා විද්වතෙකු වූ ආනන්ද කුමාරස්වාමිගේ දූ දරුවන් කවුද?
පිළිතුර - ඔහුට නාරද නමින් පුතෙකුත් රෝහිණි නම් වූ දුවෙකුත් සිටියා. නාරද දෙවැනි ලෝක මහා සංග්‍රාම අවදියේ අහස් යානා අනතුරකින් මිය ගියා. දුව රෝහිණි ඇමෙරිකාවේ ප්‍රකට ගායිකාවක්ව සිටියා. ඒ ගැන මා දන්නේ එපමණයි.

මීගමුව මහහුණුපිටියේ යොහාන් කුමාර් ද සිල්වා

ප්‍රශ්නය - කොළඹ යුගයේ කවීන් ලේක්හවුස් ආයතනයේ සේවය කළාද?
පිළිතුර- මා දන්නා තරමින් තුන් දෙනෙක් සේවය කළා. ඒ පී. බී. අල්විස් පෙරේරා, එච්. එම්. කුඩලිගම හා කපිල ඊ. සෙනෙවිරත්න.

කළුතර දොඩංගොඩ එන්. ඩී. ඉසෙඩ් සිරිවර්ධන

ප්‍රශ්නය - රොබින් තම්පෝ හා ඩබ්ලිව්. එම්. එස්. තම්පෝ සොහොයුරන්ද?
පිළිතුර - නැහැ. රොබින්, ඩබ්ලිව්. එම්. එස්. ගේ පුතා.

මේ අයත් ප්‍රශ්න එවා තිබුණා. කෑගල්ලේ තිලකරත්න විල්වල, මැණිකේ විල්වල, වත්තල හේකිත්තේ ලක්ෂ්මන් රණසිංහ, කොටුගොඩ යාගොඩමුල්ලේ සුනිල් චන්ද්‍රසේකර.

ඔබේ ප්‍රශ්න පහත ලිපිනයට යොමු කරන්න

‘සුමිගෙන් අහන්න’
‘සරසවිය’ ලේක්හවුස්, කොළඹ 10.