එදා නවකයන් වූ අපට සරසවිය දුන් සවිය ඉමහත් ඒ සුනිල්, මේ සුනිල් හැර තවත් සුනිල්හු සිටිත් ද? ගාමිණී නිසා චිත්‍රපට සංස්ථාවේ රැකියාව නැති වෙයි “සපරමාදු මිස්” යන්නට ගියාය දෙහිපිටිය සමුගෙන තිස් හතර වසරයි ඔබේ නමින්... මල්ලි සින්දු නම් සින්දු ඩෝලේ නම් ඩෝලේ උපාලි කීර්තිසේන තවමත් අතුරුදන් පිංපොං ස්ත්‍රී වෙස් ගනියි තරු උන්මාදයේ අරුමය සොමි සබඳ සෝමේ ‘සෝලා එක්ලිප්ස්’ චිත්‍රපටයෙන් ලංකාවට විශාල ජාත්‍යන්තර ප්‍රසිද්ධියක් ලැබෙනවා අද පරපුරේ ජවය මදි ඊළඟ ඉඩියට් සිංහල සිනමා විස්තරය එස්. එම්. එස්. වලින් මගේ ආදරය ඉල්ලන්න එපා Hollywood මම කවදාවත් රඟපෑම අතහැරියේ නෑ Fun Music නිරන්ජන් ඔයාගේ හැමදේම දන්නවා Bollywood කෝලමක් නොවුණු නාට්‍යයක් ගැන මතවාදයක් “ෂාරුක්” පුළුවන්නම් ජූලි 7යි හදමු මට ලැබෙන හැම දේම අභියෝගයක්

මේ සෑම වීඩීයෝවක්ම www.sarasaviya.lk  ඔස්සේ නැරඹිය හැකිය

Fun Music

අලුත් මියුසික් වීඩියෝ ගැන කියවමු

සත්‍ය සිදුවීමක්

මගෙ චූටි දූ බලන්න මා ගියදා
මහ වැස්සක් ඇද වැටුනා ඇයි මන්දා
වට පිට බැලුවත් කවුරුත් නැති හන්දා
මගෙ ආදරේ කිව්වා කෑගහලා

ඇයි සුදු දෝණි නුඹ තනියෙන් ඉන්නේ
ඇයි නුඹ මා හට එන්නට නොකියන්නේ
මා මෙහි ආවත් නුඹ දුරකයි ඉන්නේ
ඇයි මට නුඹගේ හඬවත් නෑසෙන්නේ

මල් ගස්වල මල් පිපිලා පරවන්නේ
ඒ මල් විතරද නුඹ තනියට ඉන්නේ
නිහඬව හිටියත් ඇස් නැහැ උහුලන්නේ
ඒවා මකන්ද මහ වැසි ඇද වැටුණේ
 

ගායනය - ඉඳුනිල් අන්ද්‍රමාන

පද රචනය - ජානක ප්‍රභාත්

සංගීතය - ගිහාන් නිශාන්

මියුසික් වීඩියෝවේ අධ්‍යක්ෂ - ගිහාන් නිශාන්

කැමරා අධ්‍යක්ෂ - ෂර්මිත්

මියුසික් වීඩියෝවේ රඟපෑ නළු නිළියන් - විරාජ් පෙරේරා, නිශානි බණ්ඩාර, කුමා ප්‍රනාන්දු, ඉරේෂාන් අනුරාධ ඇතුළු පිරිස.

මීගමුව අවට ප්‍රදේශයන්හි රූගත වූ මෙය සත්‍ය සිදුවිමක් ඇසුරෙන් නිර්මාණය වූ ගීතයකි. එක් දිනක් පුරා ගීතය රූගත කොට ඇත. මීගමුවේ සුසාන භූමියක රාත්‍රී දර්ශන කිහිපයක් රූගත කොට තිබේ. එහිදී නිෂ්පාදන කණ්ඩායමේ කිහිප දෙනෙකුව අධ්‍යක්ෂවරයා විසින් බියගන්වා ඇත්තේ මෙතන ඇත්තටම හොල්මන් තිබෙනවා යැයි පවසමින්. ඔවුන් ද එදා රූගත කිරීමට සහභාගී වී ඇත්තේ ද බියෙනි. මෙම ගීතය ලියූ ජානක රිදම් ගුවන් විදුලියේ ජනප්‍රිය නිවේදකයෙක්. ඔහු තමයි රිදම්හි සින්දු හැන්දෑව වැඩසටහන ගෙන එන්නේ. ඉඳුනිල් අන්ද්‍රමාන වැඩිපුරම ඔබට හමුවන්නේ පර්පල් රේන්ජ් සංගීත කණ්ඩායමේ නිත්‍ය ගායකයා හැටියට. එමෙන්ම මෙය සංගීතවත් කළ ගිහාන් ගායකයකු ද වෙනවා. සඳවත වැසුනාවේ (බේබි ශානිකා සමඟ) රුවන් තරුමල් ආදී ගීත ඔහු ගැයූ ගී අතර වෙයි.

අමිලගේ පළමුවැන්න

මේ හිතින් වෙන් වී
සතුට මගෙ උදුරා
ගියේ කොහොමද රවටලා මා
තවත් හිතකට සැනසුමක් දීලා

දැනුණොත් කවදා හෝ පෙර මාගෙ ආදරේ
එන්න යළි පියඹා හෝ ඔබ මගේ ජීවිතේ
සිහින බිඳිලා කඳුළු පිරුණා
ඔයා ගියදා මා දමා
ලොවට නොකියා රහසෙ හැඬුවා
රාත්‍රියේ මා තනි වෙලා

දැනුණොත් . . .

හුස්ම වගේ ළඟම උන්නේ
යන්නෙ හද හඬවා තියා
වැරැදි කරලා රිදවලා මා ගියේ
ඔබමයි මා දමා

දැනුණොත් . . .
 

ගායනය - අමිල අතුකෝරාල

පද රචනය - සුජිත් ප්‍රියාත්

සංගීතය - චන්දන වල්පොල

මියුසික් වීඩියෝවේ අධ්‍යක්ෂ - චමීර හෙට්ටිආරච්චි

කැමරා අධ්‍යක්ෂ - අජන්ත ඒකනායක

මියුසික් වීඩියෝවේ රඟපෑ නළු නිළියන් - ගිවන්ත අර්ථසාද් සමඟ සචි වික්‍රමසිංහ

පන්නිපිටිය අවට ප්‍රදේශයන්හි රූගත වූ මෙම ගීතය අමිලගේ තෙවැනි ගීතයයි. එහෙත් මේ ඔහුගේ පළමු මියුසික් වීඩියෝව. මීට ප්‍රථම අමිල නෙතුපිය නොසැලී සහ නීලනෙත් පතුලේ නම් වූ ගීත දෙකක් ගැයුවා. අමිලගේ ගම බදුල්ලේ. වර්තමාන පදිංචිය කොළඹ. කලක් සංගීත කණ්ඩායමක ලීඩ් ගිටාර් වාදකයකු ලෙස කටයුතු කළ ඔහු ගුවන් විදුලියේ බී ශ්‍රේණියේ ගායකයෙකි.

සටහන් - ප්‍රසාද් සමරතුංග