|
|
ඩූම් 4ට බච්චන්?
බිග් බී හෙවත් බොලිවුඩයේ සුපිරි තරුව අමිතාබ් බච්චන් ‘ඩූම් – 4’ චිත්‍රපටයෙන් ඔබ හමුවට එන බවට කටකතාවක් පසුගියදා බොලිවුඩය පුරා පැතිරි ගියා. මේ කටකතාව හැදෙන්න හේතුව වුණේ, ඩූම් චිත්‍රපට මාලාවේ නිෂ්පාදකවරුන් වන ආදිත්‍ය චොප්රා සහ විජේ ක්‍රිෂ්ණ පසුගිය දවසක අම්තාබ් හමුවෙන්න ඔහුගේ නිවෙසට යාමයි. ඒ විතරක් නොවෙයි මේ දෙදෙනා රිතික් රෝෂන්වත් හමුවෙලා තිබුණා. ඩූම් චිත්‍රපට මාලාවේ පළමු වැන්න තිරගත කෙරුණේ 2004 වසරේදීයි. අභිෂේක් බච්චන්, උදය චොප්රා, ඊෂා ඩියෝල් එහි ප්‍රධාන චරිත නිරූපණය කළා. දෙවැන්න නිකුත් වුණේ 2006දීයි. එහි රංගනයෙන් දායක වුණේ, රිතික් රෝෂන්, අභිෂේක් බච්චන්,ඓෂ්වර්යා රායි, උදය චොප්රා සහ බිපාෂා බාසු. 2013 වසරේදී තිරගත කෙරුණු ඩූම් 3 චිත්‍රපටයට එක් වුණේ, අමීර් ඛාන්, අභිෂේක් බච්චන්, කත්‍රිනා කායිෆ්, උදය චොප්රා සමඟින් ජැකි ශරොෆ්. ඩූම් චිත්‍රපට නිෂ්පාදක කණ්ඩායම තවමත් හතරවැන්නට දායක වන නළු නිළියක් ගැන ප්‍රකාශයක් කරලා නැහැ. නිෂ්පාදක විජේ ක්‍රිෂ්ණා පැවසුයේ, අමිතාබ්ගේ හමුව වෙනත් අරමුණකට සිදු වූවක් බවයි. රිතික් රෝෂන්ගෙ දායකත්වයත් තවමත් තහවුරු කරලා නැහැ. ඒ වගේම යෂ්රාජ් ෆිල්ම්ස් නිල නිවේදනයක් නිකුත් කරන තෙක් වැරදි කටකතා පතුරුවන්න එපා කියලත් ඩූම් නිෂ්පාදක කණ්ඩායම ඉල්ලා සිටිනවා. |
|
||||||||
|
|
||||||||
සියළුම හිමිකම් ඇවිරිණි |
