චිත්‍රපට සංස්ථා සභාපති ධුරයට තිස්ස බණ්ඩාරනායක සිසිර සමුගත් දා මේ ලෝකේ නවාතැන වේ දෙදිනයි මෙහි වාසේ 'මගේ යාළු මාළු' හි සූකිරි වූ ලිතුම් මාරසිංහ මග දිගට රස කතා ආචාර්ය ලෙස්ටර් පුදුම සිනමා ගුරුවරයෙක් අහිංසක සමන් මල හැංගෙමින් ගොමුව තුළ ඉන්නවා ඔබේ සුවඳමයි සිත දැවටෙන්නේ අනේ දෙවියනේ මට වුණු වියෝයා ලක්ෂ හයසිය අසූවක් වතුරේ ගියෝයා සමකාලීන දේශපාලනයට අයිති චිත්‍රපටයක් නෙවේ ඉන්දීය සිනමාවේ තවත් කපූර් පෙළපතක් විජය මියුරු ගී ‘සාදය මාරයි - සල්ලි හමාරයි දැන් ගුටි කෑමට නියමිතයි’ කලාකරුවන් දේශපාලනය නොකළ යුතුයි ලැන්ටින් සිංඤ්ඤෝ අලියට බ්‍රේක් නෑ FEED BACK නාමල් වෙනුවෙන් එකතු වෙමු විජය චිත්‍රපට උළෙල 14, 15, 16 දා Bollywood News ළමා විය අළලා දොළොස් වසරක් රූ ගත කළ චිත්‍රපටය කැන්ගරු රටේ හදන චිත්‍රපටයක වැඩ අද ඇරැඹේ පෙම්වතුන්ගේ දිනයේ බොර දිය පොකුණ කැළඹේ සිංහල සිනමා විස්තරය දිනෙන් දින අලුත්වන කෞතුකාගාරයේ කතාව

අමාරුවෙන් ලබා ගත් දේ

අමාරුවෙන් ලබා ගන්නා දේවල්වල වටිනාකම වැඩි කියලා කියනවානේ. බොලිවුඩ් තරුවකුත් අද එහෙම කියන්නේ තමන්ගේම ජීවිතය දෙස ආපසු හැරී බලමින්. ඔහු රිතික් රෝෂන්.

ඔහු කියන්නේ තමා අද මේ තත්ත්වයේ ඉන්නේ අමාරුවෙන් වෙහෙසිලා කළ කටයුතුවල ප්‍රතිඵලයන් නිසා කියලයි. බාධා මැඩගෙන ඉදිරියට යන ජීවිතය ගොඩක් ශක්තිමත් බවත් රිතික් පවසනවා.

ඔහු ඒ සඳහා උදාහරණයකට ගත්තේ ඔහුගේම පුංචි කාලය යි. කුඩා කාලයේදී කතා කරනවිට තිබූ තරමක ගොත ගැසීම සමඟින් සටන් කර එය පරාජයකර දමා අද වනවිට හොඳින් කතා කරන්නට පුරුදු පුහුණු වූ බව මේ සුපිරි තරුව පවසනවා.

නිවැරදි ආකල්පයන්ගෙන් අතට වැටෙන මාංචු වුවද පියපත් බවට පත් වන බව රිතික්ගේ අදහසයි.

තරමක ගැටළුකාරී වාතාවරණයක් නිමාකර රිතික් ජීවිතය වෙනස්ම ලෙසින් ආරම්භ කළේ පසුගිය වසරේදීයි. එම වසරේ තිරගත වූ Bang Bang චිත්‍රපටයේ රිතික්ගේ රංගනය ගැනත් බොහෝ දෙනා ප්‍රශංසාවෙන් කතා කළා. එහිදී ඔහුගේ වේගවත් නැටුම් සහ අංග චලන නරඹන්නන් වශී කළා කිවහොත් එයද බොරුවක් නොවේ.

ඉන්දු- පාකිස්ථාන ක්‍රිකට් විචාරයට අමිතාබ්

බිග් බී කියන්නේ බොලිවුඩයේ කාගේත් ගෞරවයට පාත්‍ර වූ ජ්‍යෙෂ්ඨතම රංගන ශිල්පියා. බිග් බී හෙවත් අමිතාබ් පසුගිය කාලයම විවිධ වැඩසටහන් සමගින් කාර්ය බහුල වුණා. ඒ අතරේ ඔහු රංගනයෙන් දායක වූ Shamithab චිත්‍රපටයත් තිබුණා.

මේ දිනවල ඔහු මීළඟ චිත්‍රපට දෙක වන Piku සහ Wazir චිත්‍රපටවල වැඩ කටයුතු ආරම්භ කරලා. මේ චිත්‍රපට දෙකෙහි බිග් බි එකිනෙකට වෙනස් චරිත නිරූපනය කරනවා.

Piku චිත්‍රපටයේ මධ්‍යම පාන්තික බෙංගාලි පියෙකුගේ චරිතයක් නිරූපණය කරන ඔහු Wazir චිත්‍රපටයේ රෝද පුටුවකට කොටු වූ චෙස් ක්‍රීකයෙකුගේ චරිතයක් නිරූපණය කරනවා.

ඒ විතරක් නෙවෙයි අමිතාබ්හට තවත් භාරදූර කාර්යයකට ආරාධනා ලැබිලා. ඒ ලෝක කුසලාන ක්‍රිකට් තරඟාවලියේ ලබන 15 වැනිදා පැවැත්වෙන ඉන්දියාව සහ පාකිස්ථානය අතර පැවැත්වෙන තරගයේ විස්තර විචාරක කටයුතු සඳහායි.

සිනමාව තුළින් දකින බිග් බී ක්‍රිකට් විස්තර විචාරයෙනුත් ප්‍රේක්ෂකයන්ට සමීපවීමෙන් ඔවුන්ගේ සතුට දෙගුණ තෙගුණ වේවි.

සනී ලියෝන් කුමාරිකාවක්

සනී ලියෝන් බොලිවුඩ් සිනමාවේ ජනප්‍රිය නිළියක් වගේම අනෙකුත් අය අතරේ ටිකක් විශේෂයෙන් කැපී පෙනෙන චරිතයක්. සරාගි රංගනයන් වගේම අඩනිරුවත් දර්ශන නිසා තමයි ඇයට වැඩි ජනප්‍රියත්වයක් හිමි වන්නට හේතු වුණේ. මේ වන විට සනි ලියෝන් වෙනස්ම චරිතයකින් ඔබ හමුවට එන්න සූදානම්.

ඒ බොබී ඛාන් අධ්‍යක්ෂණය කළ Ek Paheli Leela චිත්‍රපටයෙන්. සනී එහි ලීලා නම් කුමාරිකාවකගේ චරිතය නිරූපණය කරනවා. ඒ වුණත් ඇයට ඒ චරිතය නිරූපණය කිරීම අභියෝගයක් වූ බවයි ආරංචි වෙන්නේ.

Ek Paheli Leela චිත්‍රපටයේ පිටපත ලැබුණු අවස්ථාවේදීම සනී මේ චරිතයට ගොඩක් කැමැති වෙලා. පිටපත කියවන විටදී ඒ කැමැත්ත තව තවත් වර්ධනය වුවත් ප්‍රථම වරට ලීලා නම් චරිතයට ප්‍රවිෂ්ඨ වීමට ඇයට පැය හය හමාරක් ගත වෙලා.

ඉන් පසුවත් රූ ගත කිරීම්වලදී ඇයට ලීලා වෙන්න පැය දෙකකටත් වැඩි කාලයක් ගත වෙලා. එහෙම වුණත් චිත්‍රපට කණ්ඩායමේ හැමෝම සනීට ඒ වෙනුවෙන් සහයෝගය ලබාදී තියෙනවා.

තමන් මේ චරිතය වෙනුවෙන් මොන තරම් කැප වෙලා තියෙනවාද කියලා චිත්‍රපටය නරඹනවිටදී තේරුම් ගන්න හැකි වේවි කියලා සනී පසුගිය දවසක පැවසුවා. කොහොම වුණත් ලීලා වෙන්න සනී කළා වූ මේ කැපවීම දැක ගන්න මේ අවුරුද්දේ මැද භාගය විතර වෙනකල් බලා සිටින්න වෙනවා.

රාම්පාල්ට පොලිස් ප්‍රශ්නයක්

අර්ජුන් රාම්පාල්හට පසුගියදා පොලීසියේ ප්‍රශ්න කිරීම් රැසකට මුහුණ දෙන්න සිදු වෙලා. සිරගතව සිටින රැඳවියෙකු හමුවී කතාබහ කිරීම සම්බන්ධයෙන් අර්ජුුන්හට බොම්බායේදී පොලිසිය විසින් ප්‍රශ්න කිරීමට ලක් කරලා. මේ සිදුවීම චිත්‍රපටයක සිදුවූවක් නම් නෙවෙයි.

සිරභාරයේ සිටින පුද්ගලයෙකු හමුවීම සාමාන්‍ය පුද්ගලයෙකුට කළ නොහැකි දෙයක්. ඒ සඳහා විශේෂ උසාවි අවසරයක් අවශ්‍ය වෙනවා.

ඒ වුණත් අර්ජුන් පසුගියදා බොම්බායේ රෝහලකට ගිය අවස්ථාවේදී එහි සිටි අරුන් ගවුලි සමගින් කතා කර තියෙනවා. දාමරික ජීවිතයක් ගත කළ අරුන් පසුව දේශපාලනයටද පිවිසියා.

ඒ වුණත් මිනී මැරුමකට වරදකරු වූ ඔහු දැන් සිටිනනේ බොම්බායේ තලාජා සිරගෙදර. ප්‍රතිකාර ගැනීමට පැමිණ සිටි අරුන් හමු වූ අර්ජුන් වෙත දැන් පොලිසියේ උකුසු ඇස් යොමු වෙලා.

ඒ වුණත් අර්ජුන්ට අරුන් හමුවීමේ විශේෂ අවශ්‍යතාවයකුත් තියෙනවා. ඒ ඔහුගේ මීළඟ චිත්‍රපටය වන  Daddy වෙනුවෙන්.

ගව්රව් බව්දන්කර් විසින් අධ්‍යක්ෂණය කෙරෙහි එය අරුන්ගේ ජීවිතය ගැන කියවෙන්නක්. කොහොම වුණත් ඒ වෙනුවෙන් අරුන් හමුවීමට අර්ජුන් සහ ගව්රව් බලාපොරොත්තුවෙන් ඉඳලා තියෙන්නේ.

ඊට කලින් අහම්බයෙන් අරුන් මුණගැසුණාම වචන කිහිපයක් කතා කරන්න අර්ජුන් අමතක කරලා නැහැ. ඒක දැන් වරදක් වෙලා අර්ජුන්ට පොලිසියට කටඋත්තර දෙන්නත් සිදු වෙලා.

නරක හීනයක් නිසාවෙන්

අනුෂ්කා ෂර්මා නිරූපිකාවක් ලෙසින් බොලිවුඩයට පැමිණ සාර්ථක වූ රංගන ශිල්පිනියක්. පසුගිය වසර කිහිපය පුරා තම රංගන හැකියාව දක්වමින් මේ වන විට ඇය බොලිවුඩය තුළ තම ස්ථාවරය ගොඩනඟාගෙන අවසන්. පසුගිය වසර අග භාගයේදී තිරගත වූ PK චිත්‍රපටයෙන් ද ඇය ලබා ගත් ප්‍රතිචාර ඉහළයි.

නව වසර ආරම්භයේදි අනුෂ්කාගේ සිනමා ජීවිතයේ තවත් සුවිශේෂ සන්ධිස්ථානයක් සනිටුහන් වීමට නියමිතව තිබෙනවා.

නිරූපනයෙන් මෙන්ම රංගනයෙන් ඉදිරියට පැමිණි ඇය මේ වසරේදී චිත්‍රපට නිෂ්පාදනයටත් දායක වෙන්න තීරණය කරලා. ඒ කියන්නේ ඇය දැන් සිනමා තරුවක් විතරක්ම නෙවෙයි, බොලිවුඩ් චිත්‍රපට නිෂ්පාදකවරියක්.

ඒ වුණත් ඇය කියන්නේ කිසි දිනෙක තමා නිෂ්පාදකවරියක් වෙන්න හිතුවේ නැහැ කියලයි. කොහොම හරි අද ඇය NH10 චිත්‍රපටයට නිෂ්පාදන දායකත්වය ලබා දෙනවා. ඒ විතරක් නෙවෙයි එහි රංගනයෙන් දායක වෙන්නෙත් ඇය යි.

ත්‍රාසජනක චිත්‍රපටයක් වූ NH10 චිත්‍රපටයේ වැඩකටයුතු ආරම්භ කර ටික කලක් ගත වූ පසුවයි ඇය මෙම තීරණය අරගෙන තියෙන්නේ. මෙම චිත්‍රපටය බෙහෙවින් සිතට දැණුනු නිසාම රංගනයෙන් දායක වෙනවාට වඩා වැඩි දායකත්වයක් ලබා දෙන්නයි ඇය නිෂ්පාදිකාවක වෙලා තියෙන්නේ.

සැබෑම සාර්ථකත්වය කියන්නේ ඒක තමයි. කිසි කෙනෙක් එකම තැනකට කොටු වෙලා හිටියොත් මේ වගේ සාර්ථක වෙන්න ලැබෙන්නේ නැහැ.

NH10 චිත්‍රපටයේ අනුෂ්කා සමගින් නීල් භූපලන් මෙහි ප්‍රධාන චරිත නිරූපනය කරනවා. අධ්‍යක්ෂණය නවුදීප් සිං විසිනි. තරුණ යුවළකගේ ප්‍රේමණීය විනෝද චාරිකාවක් නරක හිනයක්ව අවසන්වන අයුරු NH10 චිත්‍රපටයෙන් ගෙන එනවා.

යතේජා ඥානරත්න