|
|
FUN MUSICඅලුත් මියුසික් වීඩියෝ ගැන කියවමුදයාසිරි - සජාඩ් සුසංයෝගය
සිත හඬවලා ඔබ දුර ගියා ඉතින් දර්ශන් ධර්මරාජ්ව අප සාමාන්‍යයෙන් මියුසික් වීඩියෝ තුළින් දක්නට ලැබෙන්නේ නැහැ. දර්ශන් නම් කියන්නේ ඔහුට ඒවා සඳහා ආරාධනා ලැබුණ මුත් ඒ ගැන දෙවරක් සිතා බලන බවයි. ඔහු මෙම වීඩියෝවට එකතු වුණේ නිෂ්පාදන ආයතනයේ දැඩි ඉල්ලීමක් පිට. ඒ වගේම මේ දර්ශන්ගේ දෙවැනි වීඩියෝව. බත්තරමුල්ල ප්‍රදේශයේ රූ ගැන්වුණ මෙම ගීතය සජාඩ් සහ දයාසිරි එකමුතුවෙන් නිර්මාණය වූ පළමු ගීතයයි. සජාඩ් තමයි දයාසිරිට මේ ගීතය ගැන කියලා තියෙන්නේ. වරක් දෙවරක් නොව කිහිප වරක්ම දයාසිරිට සිත හඬවලා ගැන කිව්වත් දයාසිරිගේ කාර්යබහුලත්වය නිසා වැඩේ මඟහැරිලා. නමුත් දයාසිරි ඉතාම කැමැත්තෙන් ඉඳලා තියෙන්නේ මේ ගීතයට හඬ මුසු කරන්න. කොහොම හරි නොපසුබට උත්සාහය නිසා සජාඩ්ට හැකි වෙලා බොරැල්ල ජොනෙත් ශබ්දාගාරයට දයාසිරිව ගෙනල්ල මෙයට හඬ මුසු කරගන්න. වීඩියෝව නිර්මාණය කරනදා අධ්‍යක්ෂවරයාට අවශ්‍ය වෙලා තියෙනවා කෘත්‍රිමව දුමක් නංවන්න. ඒ සඳහා අයිස් කැට භාවිත කරලා කොහොම හරි ඒ දර්ශන ටික නිම වෙද්දී අයිස් කිලෝ හත අටක් ගේන්න වුණාලු. අමුතුම තේමාවක් යටතේ නිර්මාණය වූ මෙම වීඩියෝව සඳහා අන්තර් ජාලය හරහා ඉහළ ප්‍රතිචාර ලැබෙන බව සජාඩ් සරසවියට සඳහන් කළා.
|
|
||||||||
|
|
||||||||
සියළුම හිමිකම් ඇවිරිණි |
