|
|
ආදරය පිළිබඳ ඇත්ත කතාවක්
වසූදා මල් කර්මාන්තයක නියැළෙන එක්දරු මවකි. ඇගේ සැමියා පස් වසරක සිට අතුරුදන්ව සිටියි. සම්ප්‍රදාය අගයන ඇය ඔහු එන තෙක් බලා සිටින්නීය. මේ අතර වසූදාට ආරව් මුණගැසේන්නේ ඔහුගේම හෝටලයකදීය. වසූදා එහි මල් සපයන්නියක ලෙස කටයුතු කරන්නීය. ආරව් හෝටලයේ ආරක්ෂක කාර්ය මණ්ඩලය ක්‍රියා කරන්නේ කෙසේද යන්න සේවීමට හෝටලය තුළ කෘත්‍රිම ගින්නක් ඇති කරයි. එහිදී ආරව් ගින්නෙන් බේරා ගන්නේ වසූදා විසිනි. ආරව් වසූදා ගැන පැහැදීමෙන් ඇයට ඔහුගේ ඩුබායිහි පිහිටි හෝටලයක රක්ෂාවක් ලබා දුන්නද වසූදා එය ප්‍රතික්ෂේප කරයි. නැවත නැවතත් සළකා බලන ලෙස ආයාචනා කළද ඇයගේ තීරණය වෙනස් නොවේ. මේ අතර වසූදාට දැනගන්න ලැබෙන්නේ ඇයගේ සැමියා වන හරී අමෙරිකානු ජාතික පුවත්පත් කලාවේදීන් පස් දෙනෙකු මරා දැමූ ත්‍රස්තවාදියෙකු බවයි. හරි යම් ලෙසකින් ඇය හමුවුවහොත් ඒ පිළිබඳ දැනුම් දෙන ලෙස පොලීසිය වසූදාට අවවාද කරයි.
හරී මෙලස වරද පිළිගෙන ඇත්තේ වසූදාට යහපත් පවුල් ජීවිතයක් ගත කිරීමට බව වටහා ගන්නා වසූදා ආරව්ගේ යෝජනාව ප්‍රතික්ෂේප කරයි. නමුත් එය වසූදාට ගෙන දෙන්නේ විශාල සිත් තැවුළකි. හරී වරද පිළිගෙන ඇත්තේ වසූදා සිත් තැවුලට පත් කිරීමට බව දැන ගන්නා ආරව් එම ස්ථානයට යන්නේ කතාවේ සුලමුල සොයා ගැනීමටය. එහි ගොස් නැවත බොම්බායට එන ගමනේදී වසූදාගේ පළමු හමුවේදී දැනුණු මල් සුවඳ යළිත් ආරව්ට දැනෙන්නට වීම සමඟ ඒ ඔස්සේ ඔහු ඉදිරියට ඇදෙයි. එය ඔහුගේ ගමනේ තීන්දුව ගෙනන බව කිසිවෙකත් නොදැන සිටියේය. වසර විසි එකක් පුරා වසූදා සොයන හරී අවසානයේදී ඇයගේ මළගමට පැමිණේ. ඔහු ඇයගේ දේහයේ අළු ස්වල්පයක් ගෙන යන්නේ ආරව් මිය ගිය ස්ථානය වෙතටයි. ආරව්, වසූදා සහ හරීගේ තුන්කොන් ආදර කතාව ගෙන එන්නේ Hamari Aduri Kahani (හමාරි අධුරි කහානි) චිත්‍රපටය යි. හමාරී අධුරි කහානි අධ්‍යක්ෂණය මොහිත් සූරි විසිනි. නිෂ්පාදනය මහේෂ් භාත් සහ මුකේෂ් භාත් ගේය. භාත් පවුල ඉන්දියාවේ සුප්‍රසිද්ධ සිනමා පවුලකි. මොහිත්, මහේෂ් සහ මුකේෂ්ගේ බෑණා කෙනෙකි. කෙටියෙන් කීවොත් හමාරි අධුරි කහානි චිත්‍රපටය පවුලේ චිත්‍රපටයකි.
හමාරි අධුරි කහානි දැඩි චිත්‍රපටයක් ලෙස ඇතැමුන් හඳුන්වා ඇත. නමුත් තාක්ෂණික අංශයෙන් විශිෂ්ට නිෂ්පාදනයක් ලෙසත් එහි සංගීතය ඉතා වැදගත් බවත් විචාරකයෝ හඳුන්වා දෙති. ආශික් 2 චිත්‍රපටයෙන් පසු මොහිත් ගෙන එන හමාරි අධුරි කහානි පළමු දිනයේ ඉපැයූ ආදායම ඩොලර් මිලියන 50ක් විය. විද්‍යා බාලන්ටද මෙම චිත්‍රපටයේ විශේෂත්වය වූයේ එය ඇයගේ බොලිවුඩ් සිනමා දිවියේ දසවස් සැමරුම සටහන් කළ චිත්‍රපටය වීමයි. විද්‍යා පවසන්නේ බොලිවුඩ් සිනමාවේ පළමු චිත්‍රපටය වූ පරිනීතා චිත්‍රපටයෙන් පසු ප්‍රේමණීය චරිතයක් හමාරි අධුරි කහානි චිත්‍රපටයේ වසූදා ලෙසින් නිරූපණය කළ බවයි.
|
|
||||||||
|
|
||||||||
සියළුම හිමිකම් ඇවිරිණි |
ආදරය සුන්දරය. විටෙක එය ආත්මාර්තකාමි වත්ම තවත් විටෙක පරාර්ථකාමී වන්නේය. ඇතැමුන්
එහි මිහිරි බව විඳිනවිටදී ඇතැම්හු විඳවති. වසූදා 15 වැනි කිලෝමීටර් කණුවේදී බසයෙන්
බැස ගන්නීය. ඇයට යාමට ලැබෙන්නේ අඩි කිහිපයක් පමණි. පය පැකිලී ඇය ඇද වැටේ. මේ අතර
හරී නම් වයස්ගත පුද්ගලයා සිය ලේලිය විසින් රැගෙන යන්නේ ඔහුගේ බිරිඳගේ අවමංගල්‍ය
සඳහාය. ඔහු බිරිඳගේ දේහය ආදාහනය කළ පසු අළු ස්වල්පයක් රැගෙන පුතු වෙනුවෙන් දිනපොතක්
තබා වෙන්ව යන්නේය. 
මේ අයුරින් ගැටළු පැන නගිනවිටදී වසූදාට තීරණයක් ගැනීමට අවස්ථාව එළැඹේ. එහිදී ඇය තම
දරුවාගේ අනාගතය වෙනුවෙන් ආරව්ගේ ඉල්ලීමට එකඟ වේ. ආරව්ගේ ඉල්ලීම පරිදි ඔහුගේ මව මුණ
ගැසෙන වසූදා ආරව්ගේ ආදරය පිළිගනී. එයින් පසු එළැඹෙන්නේ ආදරබර කාලයකි. වසූදාගේ
ජීවිතයට වසන්තය උදාවන බව දැනෙයි. එහෙත් වසූදා නැවතත් නිවෙසට යන විටදී හරී එහි පැමිණ
සිටියි. ආරව් ගැන පැවසීමත් සමඟ කේන්තියෙන් පිටව යන හරී පොලීසියට කොටු වේ. නමුත් හරී
නිවැරදි බැවින් ඔහු බේරා දෙන ලෙස වසූදා ආරව්ගෙන් ඉල්ලා සිටී. ආරව් ඒ වෙනුවෙන්
මහන්සි වූවද හරී වරද පිළිගෙන ඇති බැවින් එය සාර්ථක නොවේ. 
හමාරී අධූරි කහානි ගෙන එන්නේ පරාර්ථකාමී ආදරයකි. එහි කතාවද භාත් පවුලේ කතාවකි. එය
මහේෂ් සහ මුකේෂ්ගේ පියා නානාභායි භාත් සහ මව ශිරින් මොහම්මද් අලී සහ මහේෂ් සහ
මුකේෂ්ගේ කුඩම්මාගේ ජීවිත කතාව ඇසුරෙන් මහේෂ් භාත් සහ ශගුෆ්තා රෆික් විසින් රචනා
කරන ලද්දකි. මෙහි ඉම්රාන් හෂ්මි ආරව් ලෙසද විද්‍යා බාලන් වසූදා ලෙසද රාජ් කුමාර්
රාඕ හරී ලෙසද චරිත නිරූපණය කරති. ඉම්රාන්ද භාත් පවුලේ සාමාජිකයෙකි. පවුලේ කතාවට පණ
දෙන ඔහු ශිරින් මොහම්මද් අලීගේ සහෝදරිය පූර්ණිමා දාස්වර්මාගේ පුත්‍රයා වන අන්වර්
හෂ්මිගේ පුත්‍රයායි. 
