|
|
අමරණීය ජෝති
එදා ජෝති සිනමාවට අවතීර්ණ වූයේ, 'සුදු සඳේ කළු වලා' චිත්‍රපටයෙනි. ඔහු ගායනයෙන් පමණක් නොව රංගනයෙන්ද රිදී තිරයේ රසික රසිකාවන් පිනවූයේය. 'සුමිතුරෝ', චිත්‍රපටය නිෂ්පාදනය කළේය. ජෝති වරෙක පෙම්වතෙක් විය. තවත් වරෙකි දුෂ්ටයෙකි. පොලිස් පරීක්ෂකවරයෙකි. එපමණක් නොව රහස් පරීක්ෂකවරයෙක්ද විය. වැඩිම වාර ගණනක් පෙම්වතිය වුයේ සුමනා අමරසිංහ ය. ජෝතිගේ හොඳම රංගනය මා දුටුවේ 'දමයන්ති' චිත්‍රපටයේ ය. ජෝති ඔබ අමරණීය යි. ඊ දයානන්ද ද සිල්වා සීනිගම හික්කඩුව
මළත් නොමළ ජෝති
60 දශකයේදී ගුවන් විදුලියේ ගීයක් ගායන විටදී මම අවු: 10 පමණ කුඩා ළමයෙක්මි. මා ඒ ගීය ගයා ආපසු එද්දී ජෝති හා කරු අයියලා ගුවන් විදුලියට එමින් සිටියා. ඒ කාලයේ ජෝතිගේ කටහඬට වශී වී උන්මාදයට පත්ව සිටි අවස්ථාවක ජෝති එකරම ජීවමානව දැකීමෙන් මා උන්මාදයට පත්වුණෙමි. මා එකවරම ආපසු හැරී ඇවිත් ජෝතිට මගේ තියෙන දැඩි ළෙන්ගතු බව ඔහුට ප්‍රකාශ කර සිටියෙමි. එදා ජෝති මට කොස්වත්ත තලංගම කියන ලිපිනයක් දී ලියුමක් එවන්න මල්ලි කිව්වා. එදා සිට මියෙන තුරුම ජෝති බොහෝ සේ ඇසුරු කරන්නට ලැබුණා. මගේ ජීවිතයේ සතුටට පත්වුණ දවස එයයි. ජෝතිගේ වැඩිම ඉතාම පැරැණි දුර්ලභ පිංතූර හා තොරතුරු වැඩියෙන්ම ඇත්තේ මා ළඟ බව මගේ දැඩි විශ්වාසයයි. ජෝති තරම් මගේ හදවත සැනසූ, පින වූ කෙනෙක් තවත් නැත. මගේ ජීවිතයේ නොයෙක් පීඩාකාරී අවස්ථාවලදී ජෝතිගේ පැරැණී ගීයක් ඇසීමෙන් මා ලැබූ ලබන මානසික සතුට සුවය අනන්තය, අප්‍රමාණය. ජෝති හා මා අතර ඇත්තේ පෙර ආත්මීය බැඳීමක් බව මගේ දැඩි විශ්වාසයයි. මේ ජෝති නැති සොවින් තවමත් හඬා වැළපෙන ජෝතිගේ ලැබැඳි සහෘදයා අජිත් ජෝතිය කරසිංහ මත්තේගොඩ
මිනිසත්බව පිරි ජෝතිඅසහාය ගායන ශිල්පී එච්. ආර්. ජෝතිපාලයන් දැයෙන් සමුගෙන තිස් වසරක් ගෙවී ඇත. අද ඔහු සිටියා නම් අසූවියත් සපුරනු ඇත. අද සිටින යොවුන් පරපුර ද රියැලිටි වේදිකාවේ ජෝතිගේ ගී ගයති. එදා සිනමාවේ ජනප්‍රිය චිත්‍රපට රැසක් ඔහු හඬින් ගීතවත් විය. සිනමාව සහ ජෝති රැල්ලයි වෙරළයි මෙන් විය. සිනමා නළුවකු ලෙසින් පමණක් නොව නිෂ්පාදකවරයකු ලෙසින්ද කළ දායකත්වය අගෙයි. මිනිසත් බවෙන් සපිරුණු ජෝති එදා අද මෙන්ම හෙටත් ජෝතිමත්ය. සරත් ලියනගේ රන්මුතුගල කඩවත
ආදර ජෝති තවමත් සුපිරි තරුව ඔබයිගී ලොව සක්විති ජෝති, ඔබගේ හඬට ප්‍රිය නොකරන එකදු සවන් යුගලක්වත් මේ දිවයිනේ සොයා ගත නොහැක. ඒ ඔබේ ආශ්චර්යයේ මහිමය යි. ගායන ශිල්පියකු පමණක් නොව නළුවකු ලෙසින්ද අවංක, නිහතමානි මහත්මයකු ලෙසින්ද ඔබ ප්‍රකටය. මේ තරම් ඔබ ජනප්‍රියවීමේ රහස ද එයම වේ. ඔබ අපෙන් වෙන් වී වසර තිහක් ගත වුව ද තවමත් සුපිරි තරුව ඔබමයි. ආනන්ද වික්‍රමආරචිචි ඉහළතල්දූව
මා දුටු සොඳුරුතම සංවේදී ගායකයා
ජෝතිපාල කියන්නේ එදා මෙදාතුර සිටිය ගායකයින් අතර ගීත ක්ෂේත්‍රයේ අති දැවැන්තයෙක්. ඒ වගේම ගායන සම්පත්තියෙන් ද, රූප ස්වභාවයෙන් ද ජෝති පිරිපුන් අයෙකි. මේ නිසා එළිමහන් සංදර්ශන වේදිකාවේදී ජෝතිගේ ගායනය හා රූපය යන දෙකම එකට සංකලනය වී මැවෙන ආකර්ෂණයෙන් ශ්‍රාවකයන් ඇද බැඳ තබා ගැනීමට හේතුවක් වුණා. ජෝතිපාලට ශාස්ත්‍රිය අධ්‍යයනයක් නොතිබුණත් ශාස්තී‍්‍රය අධ්‍යාපනය ලැබූ අයට වඩා ඉතා දක්ෂ අන්දමින් ගායනා කිරීමේ හැකියාව තිබුණා. ජෝතිපාලට කොතරම් අපූර්ව හැකියාවක් ඇති ගායකයෙක් ද කියලා ශ්‍රාවකයන් ඔහුව හොඳින් හඳුනා ගත්තේ චිත්‍රපට ගීත පටිගත කිරීමේදී රඟන නළුවාගේ විලාසයට සරිලන පරිද්දෙන් ගායනය පවත්වාගෙන යාමේ අපූර්ව හැකියාව ඔහු තුළ තිබුණ නිසයි. ජෝතිපාල මුදල් මත යැපුන පුද්ගලයෙක් නම් නොවේ. ඔහුට අවශ්‍ය වුණේ කෙනෙකුගේ අවශ්‍යතාවයට පිහිටවීමයි. චිත්‍රපට ගීතයකට, සංදර්ශන ගීතයකට කොපමණ මුදලක් අවශ්‍යද කියා ඔහුගෙන් විමසුවහොත් ඔහු පවසන්නේ වැඩේ ඉවර වුණාම සල්ලි තිබුණොත් මට දෙන්න කියායි. එතරම් ඔහු හිතවතුන්ට සංවේදී පුද්ගලයෙක්. ඔහුට පොහොසතුන් දුප්පතුන් කියා පංති භේදයක් නැහැ. ඔහු සැම දෙනා සමඟ සුහදශිලී බැඳුණු මිත්‍රත්වයකින් ජිවත් වූ අයෙකි. මියගොස් වසර 30 ක් ගතවීත් අදත් ජෝති අමරණීයයි, ජීවමානයි. ඩබ්ලිව්. හෙන්ඩ්‍රි 89/38, කැටවලමුල්ල පෙදෙස කොළඹ 06. මිනිසා ඔබය හදවත රත්තරන් වුණුවරුසාවකින් නෙත් දිය ගැලු සතඟ මනු කලාභූෂණ, කිවිපති, කවිධජ දයාබර ජෝතිසුමිහිරි හඬින් ගැයු ගී තවමත් මතකයි කලාභූෂණ චන්ද්‍රා මාලිනී ද සිල්වා ගී ලොව කෝකිලයාටමධුර හඬකින් සවන් පිනවා රවින්ද්‍රාල් අතුකෝරල ආදරණීය ජෝතිතිස් වසරකුත් ගතව ගියේ අද ඊයේ මෙනි චිත්‍ර ශිල්පී හෙළ සිනමාවේ ජෝතිගේ හඬ ලද නළුවන්ආනන්ද ජයරත්න සමන් රවීන්ද්‍රලාල්
|
|
||||||||
|
|
||||||||
සියළුම හිමිකම් ඇවිරිණි |
