|
|
සිනා අතරින් නාමල් රසිකයන්ට කඳුළු සිතාසි බාරදෙයි
මගේ අලුත් ගීත දෙකක් හැකි ඉක්මනින් එළි දක්වනවා
නාමල් උඩුගම දිගු වෙහෙසකර පරිච්ඡේදයකින් පසුව මෙසේ යළි ගයන්නට සූදානම් වග දැන් වූයේ පසුගිය දිනෙක ය. ඒ ඔහුගේ ‘කඳුළු සිතාසි’ නම් නවතම ගීතය එළි දක්වමිනි. මේ පිළිබඳ අසන්නටත්, ඔහුගේ අලුත්ම තොරතුරු විමසන්නටත් අපි ඔහු සොයා ගියෙමු.
දැන් නම් ඔබට හොඳටම සනීප වගෙයි? ඔව් දැන් නම් මට ගොඩක් දුරට සනීපයි. තවමත් වෛද්‍යවරු නියම කළ බෙහෙත් ගන්නවා. කාලයකට පස්සෙයි ඔබ ගීතයක් එළි දැක්වූයේ ? අවුරුදු හතරකට විතර පස්සේයි මා මේ ගීතයක් එළි දැක්වූයේ. මේ ගීතය මම පටිගත කළේ අසනීප වෙන්න පෙරයි. ඒ සී.ඩී. එකක් කරන අදහසින්. එහෙත් ඒ අදහස ඉෂ්ට කරගන්න නොහැකි වුණා. ඉන්දියාවේ ගිහින් ආවට පස්සේ නැවතත් ගීතය රසිකයන් අතරට රැගෙන එන්න කටයුතු කළා. ඒ අදහසයි මේ ඉෂ්ට වුණේ ? ඇත්තටම ඔව්. මේ වනවිට ගුවන් විදුලි නාලිකා කිහිපයකටම මගේ ‘කඳුළු සිතාසි’ ගීතය දීලා තිබෙනවා. මගේ ගීතවලට ආදරය කරන රසික රසිකාවන්ට ඉදිරියේදී චැනල් ඔස්සේ මේ ගීතය අසන්නට ලැබේවි. මේ ගීතය ඔබට ලැබුණේ කොහොම ද? මේ ගීතය ලියූ රිහාන් මොහොමඩ් තමයි මට ගීතය ගයන්න ආරාධනා කළේ. සංගීතය නිර්මාණය කළේ චතුරංගයි. මේ ගීතය ලියලා සංගීතය දමලා මා ලවා ගයන්නට ඔවුන් කලින්ම අදහස් කරගෙන තිබුණා. ඒ අනුව ඔවුන් මට කතා කළා. ඉදිරියේදි ගීත රැගත් සී.ඩී. පටයක් අපට අසන්නට ලැබේවි ද ? සී.ඩී. එකක් කරන අදහසින් ගීතය ගායනා කළත්, ඒ කාලයේදීම ගීතය චැනල්වලට දෙන්නයි තීරණය කරලා තිබුණේ. ඒත් ඒක කරගන්න බැරි වුණේ කරදර ගොඩක් පැමිණි නිසයි. තවත් ගීත දෙකක් ළඟදීම එළි දැක්වීමට නියමිත බව රසිකයන්ට මා මේ අවස්ථාවේ පවසන්නේ බොහොම සතුටෙන්. ඒ ගීත දෙකත් ආදර ගීතයි. ඊට මා සහභාගි වුණේ ගායනයෙන් පමණයි. ගීත ඇතුළත් සී.ඩී. තැටියක් කළත් කිසිම තේරුමක් නැහැ. මොකද ඒවා ඊළඟ දවස වනවිට වෙළෙඳ පොළේ විකුණන්න තිබෙනවා.
ඊට අමතව මහින්ද බණ්ඩාර, ජයසිරි අමරසේකර, රෝහණ වීරසිංහ, ශාන්ත ජයලත් තිසේරා වගේ අය මගේ කලින් නිර්මාණවලට දායක වෙලා තිබෙනවා. මේ ගීතයෙත් ඒ කටයුතු ඔබටම කරන්න තිබුණා නේද ? ඒ වෙනකොට මගේත් බලාපොරොත්තුවක් තිබුණා අලුත් ගීතයක් කරන්න. ඒ අතරයි මේ ගීතය ගයන්න මට ආරාධනා ලැබෙන්නේ. මම ඒ ආරාධනාව පිළි ගන්නේ මේ ගීතය මගින් යම් වෙනසක් සිදු කරන්න හැකිවේය කියන බලාපොරොත්තුවෙන්. මේ ගීතය ඔබගේ මෙතෙක් පැමිණි ගී ආරෙන් වෙනස් මගක් ගත් ගීතයක් බව පේනවා ? මෙතෙක් මා ගැයූ ගීතවලට වඩා වෙනස්ම ගීතයක්. තනුවටත් වඩා ඒ වෙනස රැඳීලා තියෙන්නේ පද රචනයේ බවයි මගේ හැඟීම වන්නේ. අනෙක් එක මේ පද රචකයා පිළිබඳ මම මීට පෙර අහලා තිබුණා. මේ සියලු කාරණාත් සමඟ ගීතය ගයන්න මා තීරණය කළා. මීට පෙර රසිකයන් උන්මාදනීය ලෙස ඔබගේ ගීත වැලඳ ගත්තා. ‘කඳුළු සිතාසි’ ගීතයටත් ඔවුන්ගෙන් එවැනි ප්‍රතිචාරයක් ලැබේවි ද? ඒක නම් හරියට කියන්න බැහැ. රසිකයන් අතරට ගියාට පස්සේ ගීතය ගැන තීරණය කරන්නේ ඔවුන්. ඔවුන්ට ඒ කාරණය බාරදීලා මම පැත්තකට වෙලා බලාගෙන ඉන්නවා මොකද වෙන්නේ කියලා. ගීතය සාර්ථක වේවි කියන යම් බලාපොරොත්තුවත් සිතේ කොණක නැතිවාම නොවෙයි. මේ ගීතයෙන් කියන සිදුවීම සමඟ ඔබගේ ජීවිතයට යම් සම්බන්ධයක් තිබෙනවා ද? මට නම් එහෙම සම්බන්ධයක් මේ ගීතයට නැති වුණත් පදරචකයාට යම් සම්බන්ධයක් තිබෙනවා ඇතැයි මා සිතනවා. මොකද මීට පෙර නිර්මාණය වූ මගේ ගීත සඳහාත් එවැනි අත්දැකීම් මා සඳහා බලපෑවා. ගීතයේ රූප රචනය නිර්මාණය වුණේ කොහොම ද ? රූප රචනයේ මා සිටින කොටස් තිබෙන්නේ කිහිපයයි. එය කළේ මගේ සැත්කමෙන් පස්සේ ලංකාවට ඇවිත් මා සනීප වෙමින් සිටිය කාලයෙයි. ඒ කාලයේ මගේ රූපය මේතරම්වත් හොඳට තිබුණේ නැහැ. ඒ වුණත් රූප රචනය නිර්මාණය වුණේ ගීතයට අනුව මෙය නිර්මාණය කළ .......... ඔහුගේ අදහසක් අනුවයි.
‘කඳුළු සිතාසි’ ගීතය එළිදැක්වීමේ කටයුත්තට බිරියගෙන් ලැබුණු සහයෝගය මොන වගේ ද? මේ කටයුත්ත ගැන දැන ගත්දා පටන් ගීතය කරන්න යැයි කියමින් මාව උනන්දු කළේ ඇයයි. ඒ වගේම මම අසනීප වෙලා රෝහලේ සිටිය කාලෙත් මගේ රසිකයන් බොහෝ දෙනෙක් කතා කරලා කිව්වේ සනීප වුණාට පස්සේ අලුත් ගීත කිහිපයක් කරන්න කියලයි. මේ සියලු අදහස්වල ප්‍රතිඵලයක් මතයි ‘කඳුළු සිතාසි’ ගීතය මේ තරම් ඉක්මනට රසිකයන් අතට පත් වන්නේ. මේ වනවිට ඒ ගීතවල වැඩකටයුතු තිබෙන්නේ කුමන තත්ත්වයේ ද ? එක් ගීතයක නම් සියලු වැඩකටයුතු අවසානයි. එහෙත් අනෙක් ගීතයේ කටයුතු තවමත් අවසන් නැහැ. දිගටම ආදර ගීත ගයන්නද සිතාගෙන සිටින්නේ ? ගොඩක් වෙලාවට මට ගයන ගීත ගියන අය ලියන්නේ ඒ පැත්තට බරවයි. ඊට වෙනස් ගීත මේ වනවිට ගායනා කරලා තිබුණත්, ඒවා චැනල්වලට ලබාදීලා තිබුණත් ප්‍රචාරය වන්නේ නැහැ. මේ ගැටලුව මට විතරක් නොවෙයි මේ කාලයේ ඉන්න අනෙක් ගායක ගායිකාවන්ටත් පොදුයි. එමෙන්ම මා මේ පවසන්නේ සෑම නාලිකා ගැනම නොවෙයි. සමහර නාලිකා අපේ ඒ ගීත ප්‍රචාරය කරනවා. දැන්ම ප්‍රසංග වේදිකාවේ ගී ගයන්න ඔබගේ සූදානමක් තියෙනව ද? තවත් මාස දෙකක් පමණ යනතුරු ඒ වගේ කාර්යයන්වල නිරත වීමට මට අවසර නැහැ. එහෙම කරන්නේ වෛද්‍ය උපදේශය අනුවයි. සමහර විට විෂබීජ ඇතුල් වෙන්න පුළුවන් නිසයි ඔවුන් එහෙම පවසන්නේ. දෙසැම්බර් මාසයේ දී විතර ප්‍රසංග සඳහා සහභාගි වීමට මා අදහස් කරගෙන සිටිනවා. ඔබගේ රසිකයන්ට අවසාන වශයෙන් යමක් කියමු ? ඉස්සලේලාම මගේ ගීතය අහන්න කියලා මම ඔවුන්ගෙන් ඉල්ලනවා. ඒ වගේම මට සිද්ධ වුණු කරදරයේ දී මාත් සමඟම සිටි සියලු දෙනාටම මම ස්තූති කරන්න මෙය අවස්ථාවක් කර ගන්නවා. විදේශ ගතව සිටි බොහෝදෙනා මට උදව් කළා. ඒ අයටත් බොහොම ස්තූතියි. විශේෂයෙන්ම මාධ්‍ය නිසා තමයි මා පිළිබඳ සියලුදෙනාම දැන ගත්තේ. ඒ විදියට මට උදව් කළ විද්‍යුත් හා මුද්‍රිත මාධ්‍යවල සියලු දෙනාටම බොහොම ස්තූතියි.
|
|
||||||||
|
|
||||||||
සියළුම හිමිකම් ඇවිරිණි |
“ ඔබ මුසා අසාවී 
මීට පෙර ඔබ ගැයූ බොහෝ ගීතවල ගීත ලියා තිබෙන්නේත්, සංගීතය යොදා තිබෙන්නේත් ඔබමයි.
