|
|
තෑගි ලැබුණු සරම කපලා කමිසයක් මහගෙන දීපු කෙනාගෙම මඟුල් ගෙදර ගිහින්
අපේ මේ මිත්‍රයට රට ඉඳන් ආව යාළුවෙක් තෑග්ගක් දීලා. රැපින් පේපර් කඩලා බලපුවම කමිසයකුයි සරමකුයි. මේ මෑන් පුරුද්දක් වශයෙන් සරම් අඳින්නේ නැහැ. ඒ හින්ද සරම පැත්තකින් තිබ්බා. ඒත් ඒ සරම හරිම ලස්සනයි. වෙන කාටත් දෙන්නත් ලෝබයි ඒ ලස්සනට. ඉතින් මොකද කළේ මිනිහා ගියා ළඟපාත තියෙන අඳුනන කෙනෙකුගේ ට්‍රේලර් ෂොප් එකකට. ගිහින් කිව්වා මේ සරම කපලා කමිසයක් මහලා දෙන්න කියලා. ට්‍රේලර් උන්නැහෙත් සතියකින් විතර වැඩේ කරලා දුන්නා. අපේ යාළුවටත් ෆුල් හැපි. ඔන්න දැන් තමයි කතාවේ හොඳම හරිය. මේ මිත්‍රයට සරම දුන්නු හාදයාගේ වෙඩින් එකට අපේ මිත්‍රයාටත් ආරාධනා ලැබුණා. මෙයාට අමතක වෙලා ඇඳගෙන ගියේ සරම කපලා මහපු කමිසයයි. මනමාල මහත්තයා යාළුවට කිව්වලු මේ කමිසයේ ඩිසයින් එක හොඳට දැකලා පුරුදුයි කියලා. එතකොට තමයි අපේ මිත්‍රයට තරු පෙනිලා තියෙන්නෙ. කියන්න උත්තරත් නැහැ. කමිසය ගැන කිව්වොත් වස ලැජ්ජාවනෙ . 'පොඩ්ඩක් ඉන්න' කියලා අපේ මිත්‍රයා වෙඩින් එකෙන් ගියාලු කෑමත් නොකා. කෙළින්ම නතර වෙලා තියෙන්නේ ගෙදර. |
|
||||||||
|
|
||||||||
සියළුම හිමිකම් ඇවිරිණි |
සරමක් කපලා කමිසයක් මස්ස ගත්තු පොරක් ගැන අහලා තියෙනවද. එහෙම කෙනෙක් මට හම්බ වුණා.
මිනිහා ඡායාරූප ශිල්පියෙක්. නම නම් අහන්න එපා. නම මෙතන ලිව්වොත් මෑන් මාව හොයාගෙන
ඇවිත් මේ දවස්වල ගුවන් විදුලි නාළිකාවල ප්‍රචාරය වෙන විරහ ගීත අහන්න දීලම මගෙ සිහිය
නැති කරයි. නම් ගම් ඕනෑ නැහැ. අහගන්නකො කතාව.
