|
|
වේදිකාවේ සික්සර්ස් ගහන අක්කලා
ප්‍රේමා ගනේගොඩ ප්‍රේමක්කා වුණාට එයාගේ හස්බන්ඩ් ප්‍රියවිජය, ෆොනී. මාලිනී වීරමුනි මාලිනී අක්කා වුණාට නාමෙල් වීරමුනි නාමෙල්. ඩ්‍රාමා ෆීල්ඩ් එකේ සික්සර්ස් ගහන මේ අක්කලා දෙන්නගෙ සමානකම් වගේම අසමානකම් ද තියෙනවා. දෙන්නම පේරාදෙණිය කැම්පස් එකේ. ඩොක්ටර් සරච්චන්ද්‍රගේ ගෝලයෝ. එක්කෙනක් රියලිස්ටික් ඩ්‍රාමා ෆීල්ඩ් එකේ. අනිත් එක්කෙනා ස්ටයිලයිස්ඩ්වලින් පටන් අරගෙන පස්සෙ කාලේ රියලිස්ටික් නැත්නම් ස්වභාවික නාට්‍යවලටත් ඇවිත්. පළමුවෙනි අක්කා තමයි මාලිනී අක්කා. මාලිනී වීරමුනි. දෙවෙනි අක්කා තමයි මාලිනී රණසිංහ. වීරමුණු සුගත්ලගෙ, සුගතපාල ද සිල්වාගේ අපේ කට්ටියේ. රණසිංහ සරච්චන්ද්‍රගේ ටීම් එකේ. සිංහබාහු, වෙස්සන්තර. පස්සේ කාලේ ස්වභාවික නාට්‍යවලට එනකොට කේ. බී. හේරත්ගේ මායාදේවිවල. දෙන්නම ඩ්‍රාමා ෆෙස්ටිවල් එවෝඩ් විනර්ස්ලා. මාලිනී අක්කා (1) නාමෙල්ගේ වංසක්කාරයෝ රඟපාලා රාජ්‍ය නාට්‍ය උළෙලේ හොඳම නිළිය වෙනවා. මාලිනී අක්කා (2) කේ. බී. ගේ මායාදේවි රඟපාලා පළමු වතාවටම හොඳම සහාය නිළිය වෙනවා. දෙන්නම සික්සර්ස්කාරයෝ. මේක්අප් රූම් එකේ මොන වැඩ තිබුණත් මේ දෙන්නගේ සික්සර්ස් බලන්න නම් ස්ටේජ් එක ඉස්සරහට එන එක මගේ පුරුද්දක්.
මාලිනී මාලිනී අක්කාගේ අනෙක් සික්සර් එක මම දකින්නේ කේ. බී. හේරත්ගේ මායාදේවිවල. සුප්පාදේවී විදියට සිංදු කියමින් නටපු මාලිනී රණසිංහ මුළුමනින්ම සංවාද විතරක් තිබුණු නාට්‍යයක රඟපානවා විතරක් නෙවි, ඒ රඟපෑමට සම්මානත් ගන්නවා. මායාදේවිවල දොරගම හාමිනේ මාලිනී අක්කා. මනෝ මිනී පෙට්ටි සාප්පුවේ මුදලාලි. එයාගේ නංගි තමයි මාලිනී. චන්ද්‍ර කළුආරච්චි (මුදලාලිගේ බිරිඳ) මනෝයි ප්ලෑන් කරන්නේ ඒ දෙන්නගේ මානසික ලෙඩක් තියෙන දුව ලක්ෂ්මී (රත්නා ලාලනී) තමන්ගේ නංගිගේ පැවිදි පුතාට දොරගම ජිනරතන හිමි (අජිත් ජිනදාස) සිවුර අරවලා කසාද බන්දල දෙන්න. දොරගම හාමිනේ මනෝගේ සාප්පුවට ආපු වෙලාවක තමයි මාලිනී අක්කගේ සික්සර් එකට ෆුල්ටොස් බෝලෙ වැටෙන්නේ. මුදලාලි (මනෝ) නංගිගෙන් (මාලිනී) අහනවා හාමුදුරු පුතා ගැන විස්තර. ‘කොහොමද නංගියේ දැන් පොඩි හාමුදුරුවෝ එහෙම? මනෝ තමන්ගේ යටි හිත නොපෙන්වා නංගිගෙන් අහනවා. නංගී මාලිනී රණසිංහ හිතන්නේ අයියා ඇත්තටම පුතාගේ සැප සනීප අහනවා කියලා. නංගිගේ උත්තරේ මෙහෙමයි. ‘බලන්න එපායැ අයියේ දැන් කොලු පැටියගේ ලස්සන. ඉගෙන ගන්නත් ගජ හපනා. බණ කියනවා අයියේ මෙලෝ කෙනෙකුට තේරෙන්නේ නෑ’ මාලිනීගේ සික්සර් එක රඟහලින් එපිටට වැටෙන කොට ඕඩියන්ස් එකට හිනාව නවත්ත ගන්න බැරි වෙනවා. බණ කියනවා අයියේ මෙලෝ කෙනෙකුට තේරෙන්නේ නෑ. සුගත් හරි කේ. බී. හරි නාට්‍ය පිටපතේ ලියපු වාක්‍ය කියෙව්වාම අපිට නොදැනෙන හාස්‍යය උපහාසය මතු කරලා අපිට දන්වන්නේ මේ නිළියෝ දෙන්නා. ඒවා ක්‍රිකට් පිටියේ සික්සර්ස් වගේ ප්‍රේක්ෂකයන්ගේ හිත් සතුටින් සිනහවෙන් පුරවන්නේ ඒ නිසා. ග්‍රවුන්ඩ් එකේ සනත් - අරවින්දලා වගේම තමයි ස්්ටෙජ් එකේ මේ මාලිනීල දෙන්නා.
|
|
||||||||
|
|
||||||||
සියළුම හිමිකම් ඇවිරිණි |
වේදිකාවේ සික්සර්ස්? ක්‍රිකට් ක්‍රීඩාවේ නම් සික්සර්ස් ගැන කියවෙනවා අපට ඕනෑ තරම්
ඇසී තිබෙනවා පමණක් නොවෙයි දෑසින් දැක ද තිබෙනවා. අපේම කට්ටිය ගැන මතක් කළොත් එහෙම
සනත්ලා, අරවින්දලා ග්‍රවුන්ඩ් එකට ගියාම අනිත් පැත්තේ බෝල් කරන්නේ මහා බ්‍රහ්මයා
වුණත් නෙළන්න පටන් ගන්න විදිය අපට අමතක කරන්න පුළුවනෑ. ඒත් ඒ සික්සර්ස් ක්‍රිකට්
ගේම් එකේදිනේ. අද මගේ බැක්ස්ටේජ් කතාවෙ ඉන්නෙත් සික්සර්ස් ගහපු දෙන්නෙක්. පොඩි
අප්සෙට් එකකට තියෙන්නේ දෙන්නම ලේඩිස්ල වෙච්ච එක. අපේ ඩ්‍රාමා ෆීල්ඩ් භාෂාවෙන්
කියනවා නම් අක්කලා දෙන්නෙක්. අනිත් පුදුම වැඩේ තමයි දෙන්නම මාලිනී අක්කලා වීම.
ඒකෙත් හැටි බලන්නකො, ඩ්‍රාමා ෆීල්ඩ් එකේ අක්කලා හිටියට ඒ’ගොල්ලන්ගේ හස්බන්ඩ්ලට අපි
අයියා කියන්නේ නෑනේ.
අක්කගේ සික්සර් එක දකින්නේ සුගතපාල ද සිල්වාගේ දුන්න දුනුගමුවෙ. ඒකෙ මාලිනී
අක්කා දිළිඳුවතී. එයාගේ හස්බන්ඩ් දයා තෙන්නකෝන් බැගෑසේන. බැගෑසේන දිළිඳුවතීට කියනවා
‘අනේ මන් දන්නේ නෑ අපිට කවදා හිනාවෙන්න පුළුවන් ද කියලා.’ දිළිඳුවතීට මාලිනී අක්කට
ෆුල්ටොස් එක වැටෙන්නේ එතකොට. මෙන්න එයාගේ උත්තරේ. ඕඩියන්ස් එකට තමයි කියන්නේ. ‘මං
ළමිස්සි කාලේ බලාගෙන හිටියා සුදු අශ්වයා පිට නැගපු කුමාරයෙක් ඇවිත් මාව පැහැරගෙන
යනකං. ඒත් මගේ කුමාරයා ආවේ කුලී කාරෙකක. අතේ කඩුවක් තිබුණේ නෑ. සාක්කුවේ පෑනක්
තිබුණා. පෑන කඩුවට වඩා බලගතුයි කියන හන්දා මං හිතුවා මගේ හොඳ කාලේ ලැබුවයි කියලා’
මෙන්න මාලිනී අක්කගේ සික්සර් එක. ඒ්ත් පස්සේ බැලින්නම් ඒක බෝල්පොයින්ට් පෑනක්. ඕවර්
ද ෆෙන්ස් ගහන සික්සර් එකට ඕඩියන්ස් එක බඩ අල්ලගෙන තමයි හිනා වෙන්නේ.
