|
|
සිනමාව බැබළ වූ බෙනඩික්ට් සිසුවෝ සොයා දෙන්නරවීන්ද්ර රන්දෙණිය ඉල්ලා සිටියි
දේශීය සිනමාව සඳහා වැඩිම පුරෝගාමී ශිල්පීන් දායාද කළ පාසල් යුගළය ලෙස සැලකෙන කොටහේන ශාන්ත බෙනඩික්ට් සහ මීගමුව මාර්ස්ටෙලා යන විදුහල් අතරින් ශාන්ත බෙනඩික්ට් විද්‍යාලයට මේ වසරේ 150 ක් සපිරෙයි. ඒ නිමිති කොටගෙන විදුහලෙන් බිහි වූ සියලු කලාකරුවන් පිළිබඳ තොරතුරු රැස් කෙරෙන බව එහි සංවිධායක කමිටුව වෙනුවෙන් විද්‍යාලයේ කීර්තිමත් ආදි සිසුවකු වන ප්‍රවීණ රංගධර රවීන්ද්‍ර රන්දෙණිය සරසවියට පැවසීය. එබැවින් ශාන්ත බෙනඩික්ට් විද්‍යාලයෙන් බිහි වූ කලාකරුවන් සහ ඔවුන්ගේ තොරතුරු ද ජිවතුන් අතර නොසිටී නම් ළඟම ඥාතියකු හෝ ඒ පිළිබඳ තොරතුරු සරසවිය කර්තෘ වෙත යොමු කරන ලෙස රවීන්ද්‍ර රන්දෙණිය ඉල්ලා සිටියි. මුල්ම සිංහල කතානාද චිත්‍රපටය වූ කඩ වුණු පොරොන්දුව නිෂ්පාදනයෙන් මෙන්ම මෙරට මුල්ම සිනමා චිත්‍රාගාරය වූ කඳානේ සුන්දර සවුන්ඩ් චිත්‍රාගාරය ගොඩ නැං වූ එස්. එම්. නායගම්ගේ සිට අසහාය ජනකාන්ත නළු විජය කුමාරණතුංග, රොබින් ප්‍රනාන්දු, එල්සන් දිවිතුරුගම, ග්‍රැන්විල් රොද්‍රිගෝ, පීටර් අල්මේදා, සුදේශ් ගුණරත්න, වනසරා චිත්‍රපටයේ රඟපෑ රෝයි හඳපාන්ගොඩ, ගායක ඔල්බන් පෙරේරා, නැටුම් අධ්‍යක්ෂ රොනල්ඩ් ප්‍රනාන්දු, සංගීත අධ්‍යක්ෂවරුන් වන එම්. කේ. රොක්සාමි, පැට්‍රික් දෙණිපිටිය, මෙල්රෝයි ධර්මරත්න, ජනප්‍රිය සිනමාකරුවන් වූ ලෙනින් මොරායස්, ජේ. සෙල්වරත්නම්, ජේ. රාසරත්නම්, ප්‍රේමනාත් මොරායස් මෙන්ම දකුණු ඉන්දියාවේ සිනමාකරුවකු සහ සිංහලෙන් ඩිංගිරි මැණිකා අධ්‍යක්ෂණය කළ ඒ. එස්. ඒ. සාමි ශාන්ත බෙනඩික්ට් සිසුවන් අතර වේ. රන්මුතු දූව, ගැටවරයෝ, සාරවිට ආදී චිත්‍රපට නිෂ්පාදනය කොට සරසවිය සම්මාන දිනූ අධ්‍යක්ෂවරයකු මෙන්ම අංග රචනා ශිල්පියකු සේම ජනප්‍රිය නළුවකු වන ශේෂා පළිහක්කාර සහ දැන් තිරගත වන ප්‍රවේගය චිත්‍රපටයේ නිෂ්පාදක සදේශ් කුමාර් ශාන්ත බෙනඩික්ට් විද්‍යාලයේ ආදි සිසුන් ය.
කොළඹ දෙවැනි ජාත්‍යන්තර උළෙලටමග පියවිලි ඇතිරේජපාන ප්‍රහසන දැක්මක් 04 දා
මෙම වසරේ නොවැම්බර් මාසයේ කොළඹදී පැවැත්වීමට නියමිත කොළඹ දෙවැනි ජාත්‍යන්තර
චිත්‍රපට උළෙලේ ප්‍රධාන අනුග්‍රාහකයා වන ජපානයේ යොෂිමෝටෝ කෝගියෝ සමා ප්‍රහසන නිෂ්පාදන පිළිබඳ වසර සියයකටත් වඩා කීර්තිමත් ඉතිහාසයකට හිමිකම් කියන යොෂිමොටෝ කෝගියෝ සමාගමේ වේදිකාව සහ රූපවාහිනිය ඉලක්ක කරගත් විනෝදාශ්වාදය මූලික කරගත් දේශිය සහ විදේශීය වෙළෙඳපොළ සඳහා කෙරෙන නිෂ්පාදනවල සේවය කරන නළු නිළි පිරිස 800 කට අධිකය. මෙම ප්‍රහසන ශානරය ජපානයේ සහ ආසියාවේ එක සේ ජනප්‍රියව ඇති අතර සමාගමේ ශාඛා අමෙරිකා එක්සත් ජනපදය, චීනය, තායිවානය හොංකොං, මැලේසියාව සහ තායිලන්තය යන රටවල පිහිටුවමින් දේශීය විනෝදාශ්වාද නිෂ්පාදන සමාගම් සහ හවුල්කාරීව චිත්‍රපට සහ රූපවාහිනී නිෂ්පාදන ඉදිරිපත් කරයි. යොෂිමෝටෝහි සාර්ථකත්වයට හේතු වී ඇත්තේ වේගවත් නූතන සමාජයේ මිනිසුන්ට මානසික සැහැල්ලුව සහ සතුට ලබා දෙමින් උණුසුම් මානුෂික හැඟීම් ආමන්ත්‍රණය කිරීමයි. 1959 වර්ෂයේදී යොෂිමෝටෝ සමාගම විසින් සමාජ ගැටළු විනෝදාත්මක ලෙස සමාජයට ඉදිරිපත් කිරීම සඳහා ෂින්කිගෙකී රඟහල ආරම්භ කරන ලදී. මෙම ප්‍රහසන ඔසාකාහී වෙළෙඳ ප්‍රජාව පදනම් කරගත් ඔසාකා සංස්කෘතික නියෝජනය කරන අතර ෂින්කිංග්කි රඟහල ඔසාකා නගරය පිළිබඳ සංකේතයක් බවට පත්ව ඇත. අන්තර් ජාතික මට්ටමේ නළු නිළියන් විසින් ඉදිරිපත් කරන මෙම විශිෂ්ට ප්‍රහසන නිෂ්පාදනය ශ්‍රී ලංකාවේ ප්‍රථම වරට ඉදිරිපත් කරන අවස්ථාවට සහභාගි වන මෙන් ශ්‍රී ලංකා චිත්‍රපට අධ්‍යක්ෂවරුන්ගේ සංසදය ප්‍රහසනයට ළැදි රසික ප්‍රජාව වෙත ආරාධනා කරයි. ලකී - ශ්‍රියාණි කලකට පසු එක් වෙයි
මේඝා 8 දා
පුංචි තිරයට
ශාන්ත සොයිසා අධ්‍යක්ෂණ්‍ය කළ ඔහුගේ නවතම ටෙලි නිර්මාණකරණය මේඝා මෙම මස 08 වැනිදා සිට සතියේ සෑම දිනකම රාත්‍රී 8 ට ස්වාධීන රූපවාහිනිය ඔස්සේ විකාශය වේ. ලකී ඩයස්, ශ්‍රියාණි අමරසේන, ප්‍රියන්ත සෙනෙවිරත්න, උදිත අබේරත්න, මහේෂි මධුසංකා, පැතුම් රුක්ෂාන්, නෙතලි නානායක්කාර, සෙනුල්යා දන්තනාරායන, සමන් සොයිසා, දිමුතු චින්තක, ධම්මික අලුත්ගෙදර, අනුර ජයසේකර, අනිල් ජයසිංහ සමග පුංචි තිරයට හඳුන්වා දෙන කාවින්ද්‍යා දුල්ෂානි මේඝා රංගනයෙන් හැඩ කරති. රොෂාන් පෙරේරා කැමරාව මෙහෙයෙවා ඇත. චන්දන විජේකෝන්ගේ සහාය අධ්‍යක්ෂණයකි. කොට්ටාරමුල්ලේ චමිල කලා අධ්‍යක්ෂවරයාය. අකිල සුදේශ් ජයසේකර අංග රචනයෙන් එක් වෙයි. වික්ටර් කුරේ නිෂ්පාදන කළමනාකරුය. මේඝා හි කතාව දෙබස් තිර රචනය මහේෂ් රත්සර මද්දුමආරච්චිගෙනි. මෙය සිනෙත්මා වෙනුවෙන් අසංක පුෂ්පකුමාර නිෂ්පාදය කරයි. මේඝා ශාන්තගේ හත්වැනි ටෙලි නාට්‍ය අධ්‍යක්ෂණයයි. අතිශය ජනප්‍රියත්වයට පත් පබා, පබළු, අමා, සඳා ශාන්ත අධ්‍යක්සණය කළ නාට්‍ය අතර වේ.
මහාචාර්ය ඩී. බී. නිහාල්සිංහයන්ගේ ප්‍රධානත්වයෙන්
ටෙලිනිස - ටෙලි නාට්‍ය නිර්මාණ
පාඨමාලාවේ සමාරම්භය ඉරිදා
අතීතයේ මෙරට පැවති ආකාරයෙන් රුව - ගුණ - තේජසින් සපිරි පරිපූර්ණ ටෙලි නාට්‍ය කාලවක් යළි ගොඩ නැඟීම උදෙසා පරිපූර්ණ නිර්මාණෟවේදීින් සමූහයක් බිහි කරලීම අරමුණු කර ගනිමින් ටෙලි නිර්මාණවේදීන්ගේ සංසදය මෙහෙයවනු ලබන ටෙලිනිස ටෙලි නාට්‍ය නිර්මාණ පාඨමාලාවේ සමාරම්භක උත්සවය දේශීය ටෙලි නාට්‍ය කලාවේ පුරෝගාමියකු වන මහාචාර්ය ඩී. බී. නිහාල්සිංහ මහතාගේ ප්‍රධානත්වයෙන් සැප්තැම්බර් මස 06 වන ඉරිදා පෙ.ව. 9.30 ට කොළඹ 07, විද්‍යා මාවතේ පිහිටි සිංහ සමාජ මූලස්ථාන රැස්වීම් ශාලාවේදී පැවැත්වේ. සාම්ප්‍රදායික පාඨමාලා ව්‍යුහයෙන් ඔබ්බට ගොස් පූර්ව නිෂ්්පාදන අවදියේ සිට ටෙලි නාට්‍යයක් නිර්මාණය කිරීමට අදාළ සියලුම ක්ෂේත්‍ර න්‍යායාත්මක හා අසීමිත ප්‍රයෝගික අභ්‍යාස ඔස්සේ අධ්‍යයනය කිරීමටත් ක්ෂේත්‍රයේ ප්‍රවීණතම නිර්මාණකරුවන්ගේ නිර්මාණයන් පෙන්නුම් කරනු ලබන දක්ෂතා සහ හැකියාව මත දායක වෙමින් ක්ෂේත්‍රයට පිවිසීමට පාඨමාලාවට එක් වන අභ්‍යාසලාභීන්ට මඟ පාදා දීමත් ටෙලිනිස මෙම පාඨමාලාව මගින් සිදු කිරීමට නියමිතය. මෙම සමාරම්භක උත්සව අවස්ථාවට දේශීය ටෙලි නිර්මාණ ක්ෂේත්‍රයේ ප්‍රවීණ්‍යන් වන සෝමවීර සේනානායක, සුදත් රෝහණ, අනුර මාධව ජයසේකර, සතිස්චන්ද්‍ර එදිරිසිංහ, ශ්‍රියාණි අමරසේන, බන්දු වීරක්කොඩි ඇතුළු ටෙලි නිර්මාණවේදීන්ගේ සංසදයේ විධායක සභිකයන් ප්‍රමුඛ පාඨමාලාවේ සම්පත් දායකයන් හා මෙම පාඨාමාලාව හැදෑරීම සඳහා දැනට තෝරා ගෙන සිටින අභ්‍යාසලාභීන් එක්වීමට නියමිතය. ඔබ නැතුව ඔබ එක්කඅද සිට යාපනයේ හෙට සිට
සම්මානනීය සිනමා අධ්‍යක්ෂ ප්‍රසන්න විතානගේ ගේ විශිෂ්ටතම සිනමාපටය ඔබ නැතුව ඔබ එක්ක අද සිට රීගල් ප්‍රමුඛ සී. ඊ. එල්. මණ්ඩලයේ සිනමා ශාලාවන්හී තිරගත වීම ඇරැඹේ. විදෙස් සිනමා උළෙලයන් රැසක සම්මානයට පාත්‍ර වූ මෙහි රඟපෑ අංජලී පාටිල් ඉන්දීය අන්තර් ජාතික සිනමා උළෙලේදී හොඳම නිළිය ලෙස රජත මයුර සම්මානය අභිෂේක ලැබුවේය. ඔබ නැතුව ඔබ එක්ක හෙට සිට යාපනය මැජෙස්ටික් සිනමාහලේ ද තිරගත වීම ඇරැඹීම විශේෂත්වයකි. අද සවස රීගල් සිනමාහලේ දර්ශනයට අංජලී ද සහභාගි වනු ඇත. |
|
||||||||
|
|
||||||||
සියළුම හිමිකම් ඇවිරිණි |
ගම චිත්‍රපට
උලෙළට පූර්ව ප්‍රචාරක අවස්ථාවක් ලෙස ජපානයේ ජනප්‍රිය සිය රූපවාහිනී ප්‍රහසන
නිෂ්පාදනයක් මෙම මස 04 වැනි සිකුරාදා සවස 04 ට ජාතික චිත්‍රපට සංස්ථාවේ තරංගනී
ශාලාවේදී ශ්‍රී ලාංකේය ප්‍රේක්ෂක ජනතාව වෙත ඉදිරිපත් කිරීමට කටයුතු යොදා ඇත.
යොෂිමෝටෝ කෝගියෝ සමාගම විසින් ජපානයේ දෙවැනි විශාලතම නගරය වන ඔසාකාහී පිහිටුවා ඇති
කීර්තිමක් ෂින්කිගෙකි රඟහල මඟින් නිෂ්පාදිත මෙම ප්‍රහසන නිෂ්පාදන නූතන ජපාන සමාජ
ජීවිතය පිළිබඳ සිනහ සපිරි දැක්මක් ඉදිරිපත් කරයි.
