|
|
හසන්තට ආචාර්ය උපාධියක්
ලේඛකයකු වශයෙන් කවි, කෙටි කතා, ළමා, යොවුන් සහ ශාස්ත්‍රීය ග්‍රන්ථ කිහිපයක්ම රචනා කොට ඇති හසන්ත වඩාත් ප්‍රකට රූපවාහිනී මාධ්‍යවේදියකු ලෙසිනි. ඔහු විසින් අධ්‍යක්ෂණය කොට ඉදිරිපත් කරනු ලබන දොරමඬලාව, අටපට්ටම යන වැඩසටහන් උදෙසා ජාතික සහ ජාත්‍යන්තර මට්ටමේ සම්මාන හතළිහකට අධික සංඛ්‍යාවක් දිනාගෙන ඇත. ශ්‍රී ලාංකේය විද්‍යුත් මාධ්‍ය ක්ෂේත්‍රයේ විශිෂ්ට දායකත්වය වෙනුවෙන් 2006 වර්ෂයේදී සබරගමුව විශ්ව විද්‍යාලයෙන් සබරගමු කීර්ති ශ්‍රී ගෞරව සම්මාන උපාධිය ද ඔහු මීට ප්‍රථම දිනාගෙන ඇත. 2003 වසරේදී ශ්‍රී ලංකාවේ විශිෂ්ට තරුණ පුද්ගල සම්මානය ද හසන්ත හිමිකර ගන්නා ලදී. කොළඹ විශ්ව විද්‍යාලයෙන් ශාස්ත්‍රපති උපාධියත්, ජපානයේ යේවකෝ විශ්ව විද්‍යාලයෙන් ජාත්‍යන්තර ජනමාධ්‍ය අධ්‍යනය පිළිබඳ පශ්චාත් උපාධියත්, මහජන චීනයේ බෙයිජීං භාෂා සහ සංස්කෘතික විශ්ව විද්‍යාලයෙන් චීන භාෂාව පිළිබඳ ඩිප්ලෝමාවකුත් ලබා ඇති හසන්ත 2009 වසරේදී කැලණිය විශ්ව විද්‍යාලයේ දර්ශනපති යෝග්‍යතා පරීක්ෂණය සමත්ව දර්ශනපති උපාධි පාඨමාලාවට ඇතුළත් වූ අතර නියමිත අධ්‍යයන පාඨමාලා හා පරීක්ෂණ සාර්ථකව නිම කිරීමෙන් පසු 2013 වසරේදී බෞද්ධ සන්නිවේදන සංකල්පය සහ නූතන සන්නිවේදන සංකල්පය සංසන්දනාත්මකව විග්‍රහ කරමින් ඉදිරිපත් කරන ලද ශාස්ත්‍රීය පර්යේෂණ නිබන්දන සඳහා ආචාර්ය උපාධිය පිරිනැමිණ. |
|
||||||||
|
|
||||||||
සියළුම හිමිකම් ඇවිරිණි |
ස්වාධීන රූපවාහිනී සේවයේ කළමනාකරුවකු මෙන්ම වැඩසටහන් අධ්‍යක්ෂවරයකු වන අටපට්ටම හරහා
අතිශය ජනාදරයට පත් නිවේදක හසන්ත හෙට්ටිආරච්චිට ආචාර්ය උපාධිය පිරිනැමේ. ඒ
බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැති හැත්තෑ හත් වැනි කැලණි
විශ්ව විද්‍යාලයේ උපාධි ප්‍රදානෝත්සවයේදීය.
