|
|
ඕස්ට්‍රේලියා ගියත් මම ප්‍රවෘත්ති කියනවාප්රවීණයන්ගෙන් ලැබුණු ප්‍රශංසා මට සම්මානයකට වඩා වටිනවා
සම්පූර්ණ නම - චරිනි බණ්ඩාර භාවිතා කරන්නේ - චරිනි කියලා තමයි ගම් පළාත - බණ්ඩාරවෙල ඉගෙන ගත්තේ - බණ්ඩාරවෙල විශාඛා බාලිකා විද්‍යාලයේ වෘත්තීය - මුලින්ම සිරස නිව්ස් ෆස්ට් අලෙවි අංශයට සම්බන්ධ වුණේ. ඉන් පස්සේ තමයි ප්‍රවෘත්ති නිවේදිකාවක ලෙස කටයුතු කරන්න පටන් ගත්තේ.
ඔබ ප්‍රවෘත්ති නිවේදිකාව මගේ අම්මා. ඇයට ඕනෑ වුණා නිවේදිකාවක ලෙස මාව දකින්න. ඉතින් ඒ පැතුම ඉෂ්ට කරන්න ලැබුණු එක ගැන මම ගොඩාක් සතුටු වෙනවා. මොකද මේ දවස්වල වැඩිය පේන්න නැත්තේ? ගිය අවුරුද්දේ මම විවාහ වුණා. ඔහු වරුණ මෙන්ඩිස්. ඔහුගේ පදිංචිය ඕස්ට්‍රේලියාවේ. ඇගේ කතාවට මගෙන් පුංචි බාධා කිරීමක්. ඒ කියන්නේ ඔබේ වෘත්තියට ඔහු තහංචි පැනෙව්වාද? අනේ නැහැ. වෘත්තියට තියෙන ආසාව ආදරය නිසාම තමයි විවාහ වෙලත් දෙන්නා දෙතැනක හිටියේ. ඒත් විවාහය කියන්නේ මගේ ජීවිතේ අංක එක. ඒ නිසාම තමයි මේ කැප කිරීම කරලා පදිංචියට ඕස්ට්‍රේලියා යන්න හිතුවේ. ඔබට හීනයක් තිබුණේ නැද්ද හොඳම ප්‍රවෘත්ති නිවේදිකාව වෙන්න? ප්‍රවෘත්ති නිවේදිකාවක විදිහට කටයුතු කරන්න ඇවිත් දැන් අවුරුදු තුනක්. ඇත්තටම මේ කාලය තුළ මගේ වෘත්තීය ප්‍රවීණයින්ගෙන් මට ලැබුණු ප්‍රශංසා අගය කිරීම් සියල්ල සම්මානයකට වඩා මට වටිනවා. හා... හා පුරා කියලා ඔබ කිව්ව පළමු ප්‍රවෘත්ති අත්දැකීම මතක් කළොත්? ඒ මොහොත නම් මට ජීවිතේට අමතක වෙන්නේ නැහැ. නිව්ස් එක ලයිව් කියනවා කියන්නේ කිසිම වැරැද්දක් වෙන්න බැහැ කියන එක. කොහොම හරි කිසිම වැරැද්දක් නැතිව වැඩේ ගොඩ දාගත්තා. ඔබට හිතෙන්නේ නැද්ද ඔබ වෘත්තියට සමුදෙන්නේ ඔබේ හොඳම කාලයේ කියලා? ඔව්. එහෙම වෙන්නත් පුළුවන්. නමුත් මේ අවුරුදු තුනට මගේ සේවය මම අකුරටම ඉෂ්ට කළා. අත්දැකීම් ගොඩක් ලබා ගත්තා. මම හිතනවා මම ගත්ත මේ තීරණේ වැරැදි නැහැ කියලා. ප්‍රවෘත්ති නිවේදිකාවක වීමේ සිහිනය ඇති බොහෝ දෙනෙක් අපේ රටේ ඉන්නවා. මේ වෘත්තීයට පිවිසීම හිතන තරම් පහසුයිද? හොඳ හඬක් විතරක් තිබුණට මදි. අපේ ඇඟේ ප්‍රවෘත්තිමය ශෛලිය තිබිය යුතුමයි. ඒ වගේම එදිනෙදා සමාජයේ සිදුවන සංසිද්ධි ගැන හොඳ දැනුමක් තිබිය යුතුයි. එක පාරටම ප්‍රවෘත්ති නිවේදිකාවක් වෙන්න බැහැ. ඒ වෙනුවෙන් ලොකු කැප කිරීමක් වගේම ඉවසීමත් තියෙන්න ඕනෑ. ඔබේ විනෝදාංශ ගැන කතා කළොත්? මම පොත් කියවන්න ගොඩක් කැමැතියි. ඒ වගේම පරණ චිත්‍රපට නරඹන්නත් අමතක කරන්නේ නැහැ. ළඟදී බැලුව පැරැණි චිත්‍රපටයක් දෙකක් කියන්න බලන්න? නිධානය, ගඟ අද්දර. ඔබ හඬින් වගේම රූපයෙනුත් හරි හැඩයි. රංගනයට එහෙම ආරාධනා ලැබුණේ නැද්ද? ආරාධනා ලැබුණා. නමුත් ප්‍රතිපත්තියක් විදිහට රංගනයට යොමු වෙන්න මට ආසාවක් උනන්දුවක් තිබුණේ නැහැ. ‘මගේ කාර්යභාරය ප්‍රවෘත්ති නිවේදිකාවක ලෙස කටයුතු කිරීම’ කියන මතයේ තමයි මම හිටියේ. මෙතෙක් කල් ප්‍රවෘත්ති මැදිරියේ ඔබත් සමග වැඩිම වාර ගණනක් පුවත් කියූ සගයා කවුද? ගොඩ දෙනෙක් පුවත් කිව්වා. වැඩියෙන්ම කිව්වේ වසන්ත ප්‍රදීප් මාසිංහගේ අයියත් සමඟ. ඔහු අපේ ජ්‍යෙෂ්ඨයෙක්. ඉගෙන ගන්න තිබෙන දේවල් බොහොමයි. ඒ වගේම ඔමායා අක්කා, රොෂාන් වටවල අයියා ඇතුලු සිරස කාර්ය මණ්ඩලයේ සියලුම දෙනාත් හෘදයාංගමව මතක් කරනවා. ඔබේ පවුලේ අය ගැනත් මතක් කරමු? මගේ සැමියා වරුණ මෙන්ඩිස්. අම්මයි, තාත්තයි, අයියලා දෙන්නයි, මල්ලිලා දෙන්නයි තමා මගේ පවුලේ ඉන්නේ. ඔබේ හෙට දවස? මම පදිංචියට ඕස්ට්‍රේලියා ගියත් ප්‍රවෘත්ති නිවේදිකාවක විදිහට මම දිගටම රැඳී ඉන්නවා. ඕස්ට්‍රේලියාවේ ක්‍රියාත්මක වන සිංහල නාලිකාවකට සම්බන්ධ වෙන්න මේ වන විටත් මට අවස්ථාව උදා වෙලා තියෙන්නේ. ඒ නිසා මගේ ගමන මෙතනින් නතර වෙන්නේ නැහැ. ඇය අමතනවා නම්... [email protected]
|
|
||||||||
|
|
||||||||
සියළුම හිමිකම් ඇවිරිණි |
කට ඇති පුතෙක් රුව ඇති දුවෙක් කියලා කතාවට කිව්වට ඒ ගුණාංග දෙකම එක්තැන් වූ ඈ සිරස
නාළිකාවේ ප්‍රධාන ප්‍රවෘත්ති නිවේදිකාවක්. රාත්‍රී 7 සහ 10 සිරස ප්‍රධාන ප්‍රවෘත්ති
සමඟින් අපේ ආලින්දයට එන චරිනි මේ දවස් ටිකේ වැඩිය පේන්න හිටියේ නැහැ. ඒ නිසාම
Fresh & Beauty ඔස්සේ ඇගේ අලුත්ම තොරතුරු විමසන්නට අපි සිතුවා.
ක් වීම නිසා වැඩියෙන්ම සතුටු වුණේ?
