ඕස්ට්‍රේලියා ගියත් මම ප්‍රවෘත්ති කියනවා කත්‍රිනාගේ හොඳම රඟපෑම Phantom සිනමාව බැබළ වූ බෙනඩික්ට් සිසුවෝ සොයා දෙන්න වේදිකාවේ සික්සර්ස් ගහන අක්කලා ජීවිත කාලයක මතක අකුරු බවට පත් වෙලා කළු සුදු ජීවිතවල මැකී ගිය වර්ණ නමක් අමතක වුණා නම් සොරි අපි රට හැර ගියා... “සසර වසනතුරු නිවන් දකින තුරු” සිනා අතරින් නාමල් රසිකයන්ට කඳුළු සිතාසි බාරදෙයි මම හතර පද සහ දෙපද ගී ලියලම නැති තරම් පොඩි පුතෙකු නොව පියෙකු ගැන තැනුණ චිත්‍රපටය දයාබර මවකගේ ශෝකාන්තය පිරිමිකම යනු කාන්තාව නොතකා සිටීම ද... ජයසිරිට පිස්සු හසන්තට ආචාර්ය උපාධියක් නිහඬවම දිවි රඟමඬලෙන් නික්ම ගිය පෙරමුණේ රණසිංහ.. උපන් දිනේට මාස එකහමාරක්ම සුබ පතලා තෑගි ලැබුණු සරම කපලා කමිසයක් මහගෙන දීපු කෙනාගෙම මඟුල් ගෙදර ගිහින් විනාඩි දොළහක් රිහසල්ස් කරලා දන්සල් කන්න ගිහින් සිරිල්, ටෝනිට ලණුවක් කවලා මේ මොහොතේ නිහාල් ප්‍රනාන්දුට ඔබේ සහාය අවශ්‍යයි උතුම් පැතුම් ‘ෆේස් බුක්’ හෙවත් තිලක් පුෂ්පකුමාර දැන් ගොඩක් ජනප්‍රියයි සිංහල සිනමා විස්තරය FEEDBACK මධුරි - රන්බිර් අයෙමත් හමුවෙලා පණ වාගේ හිටියාට වෙන්වීලා ගිය දාට මේ ශ්‍රී දේවි වෙනුවෙන්මයි මට නම් අදහසක් නෑ කරීනාට බෙන්ස් බැණුමක්

දන්සල් කන්න ගිහින් සිරිල්, ටෝනිට ලණුවක් කවලා

විශිෂ්ට රංගවේදියකු වන නැසීගිය ටෝනි රණසිංහයන් කළ කී දෑ කල්පයක් ගියත් කතා කරලා ඉවර කරන්න බැහැ. ඒ තරම්ම ඔහුගේ වැඩ කිඩ අපරිමිතයි. සැබෑ ජීවිතයේ ටෝනි හරිම විනෝදකාමියෙක්. ඒ වගේම දිරව ගන්න බැරි ලණු දෙන්නත් හපනෙක් කියලා හොඳටම ප්‍රසිද්ධයි. ටෝනිගෙන් ලණු කෑව අය නම් අනන්තයි අප්‍රමාණයි. නමුත් ඔහු ඒ වගේ වැඩ කළේ හුදෙක්ම විනෝදය සඳහා පමණක් කියලා කියන්න ඕනෑ.

ටෝනි ගැන කතා කරගෙන ආවෙ ටෝනි ගැන මෙතෙක් නොලිය වෙච්ච කතාවක් කියන්න. මේක හෙළි කළේ ප්‍රවීණ රංගධර සිරිල් වික්‍රමගේ. මේක ටෝනි, සිරිල්ට කළ දෙයක් නෙවෙයි. සිරිල් තමයි ටෝනිට මේ වැඩේ කරලා තියෙන්නේ. ටෝනි රංගනයට පිවිසුණු මුල් යුගයේම ඔහු සමස්ත රසික ජනතාවගේ ආකර්ෂණය දිනා ගත්තා. ඒ ඔහුගේ කඩවසම්කම නිසා. මේ ජනප්‍රියත්වයත් එක්ක ටෝනිට පාරේ බැහැලා යන්න බැරි වුණා. මේ අතරේ කුරුණෑගල පැත්තේ තිබුණලු ටෝනි ඉන්න චිත්‍රපටයක රූගත කිරීමක් හරියට වෙසක් පෝය දවසේ. සිරිලුත් මෙතන ඉඳලා තියෙනවා. සිරිල්ට හදිසියේම දන්සලක් වඳින්න දොළ දුකක් පහළ වුණාලු.

ඔහු මේ බව ටෝනිට කියලා. ටෝනි ගත්කටටම බැහ් . . . කිව්වලු. ඒ වෙන හේතුවකට නෙවෙයි දන්සලක් වගේ ප්‍රසිද්ධ ස්ථානයකට ගියොත් තමන් වටේ මිනිස්සු පිරේවි කියලා. එතකොට නිදහසේ බත් කටක්වත් කන්න බැහැනෙ. එහෙම කිව්වට සිරිල් ටෝනිට දැඩි ලෙස පෙරැත්ත කරලා. අන්තිමේ සිරිල්ගේ කරදරයෙන් බේරෙන්න බැරිම තැන ටෝනි බලවත් අකැමැත්තෙන් මේ ගමනට එකතු වෙලා. දැන් දෙන්නම නිෂ්පාදන කණ්ඩායමේ වෑන් එකක නැගලා දන්සැලක් ළඟට ගියාලු.

එතන කට කපලා සෙනඟ. ටෝනි බැහැ කියලා එතන සෙනඟ වැඩි හින්දා. ඔහොම දන්සල් පහකටම ගිහිල්ලා. ඒ හැම තැනම පුරවලා සෙනඟ. අන්තිමේ ටෝනි නැතුව තමන්ට විතරක් ඒ තැන්වලින් කන්න බැරි නිසා ආපහු එන්න හැරුණලු. මෙන්න බොලේ එන මගදි සෙනඟ නැති දන්සලක් හමු වෙලා. දෙන්නම දඩි බිඩි ගාලා එතනින් බැහැලා. සිරිල් ටෝනිට බත් කන්න කියලා ටිකක් එළියට ගියාලු. ටෝනි බත් කන්න පටන්ගෙන.

ඔන්න එතකොට ලවුඩ්ස්පීකර් ක්‍රියාත්මක කරලා කෙනෙක් කතා කරන්න පටන් අරන්. 'ජනකාන්ත නළු ටෝනි රණසිංහ දැන් මෙතන දන්සලේ බත් කනවා, එන්න ඇවිත් ඔහු හා කතා කරන්න' කියලා යකඩ කටින් මුළු ගමටම ඇහෙන්න කියලා. මේක කරලා තියෙන්නේ වෙන කවුරුවත් නෙවෙයි සිරිල්. සිරිල් ඒක කියලා ඉවර වෙන්නත් කලින් සෑහෙන්න පිරිසක් එතන වට වුණාලු. ටෝනිට තරු පෙනිලා. බත් එක එහෙන් මෙහෙන් කාලා ටෝනි වෑන් එකට නැගලා. සිරිල් මුකුත් දන්නේ නෑ වගේ එතන ඉන්නවලු. කොහොම හරි එදා ඉඳලා දවස් කිහිපයක් යනකම් සිරිල් එක්ක ටෝනි කතා කරලත් නැහැ.

ඡායාරූප - මාලන්