FEEDBACK
 මිල්ටන් මතකය
ගී අඹරේ සුපුන් සඳක් මෙන් කැළුමන් පෙරා
මියුරු සරින් ගී ගයමින් යුග ගණනක් පුරා
පෙම් හදවත් තුටු කරමින් ගී ලොව සැරි සරා
වෙන් වී ගිය ඔබේ අඩුව ගනු නොහැකිය දරා
තිස්ස කුමාර කෝරළගේ
 හරිම
තාත්විකයි
ප්‍රවේගය චිත්‍රපටයේ පාතාල නායකයාගේ බිරිඳගේ දඩබ්බර චරිතය දමිතා අබේරත්න මැනවින්
වටහා ගෙන ඔබ ඒ තුළ ජිවත්වීම හරිම තාත්විකයි. සැමියාගේ චණ්ඩි උණ ඇඟට ගෙන ජීවත්වන
බිරිඳක ලෙස ඔබ කළ ඒ රංගනය හරිම ලස්සනයි දමිතා.
සුසිලා පතිරාජ
පුබුදුගම, උස්වැටකෙයියාව
සීතල
ගීත
සීතල වතුර ගලයි, සීතල නල වැල් තුරු අතරේ, සීතයි හිම වාගෙම, සීතලයි ජලේ, සීත ගඟුලෙ
සීත හිමේ, සීතල පාළුව ඉකිබිඳ හඬනා, සීතල සඳ එළියේ පිපුණු සුවඳ මලේ, සීත සුනිල් දිය
දහරා, සීත මෝසම් ගීත නාදෙන්, සීත ජලේ මේ නාමු ගිලී, සීතල වතුරේ පෙන බුබුලේ, සීත
සුළං අවට හමන්නේ, සීත අරණේ සුපුල් නාමල්, ජීවේ සීතල දිය දහරාවේ, සීත දිය ඇලි නීල
ගංගා, සීතල රටේ මීදුම වැටේ, සීත දියවැල් දිගේ පිපුණු පියුමක් වගේ, සීත රෑ යාමේ
අඳුරේ, සීත රෑ වසන්තේ.
කල්‍යාණ ජයනෙත්ති
මැටරඹ, උණවටුන
මහරජ
අජාසත්
ප්‍රාතිහාර්යයන් පාමින් දෙව්දත් තෙරුන් පළමුව තරුණ අජාසත් කුමරුන් තමන්ගේ වසඟයට
ගනියි. ඉනික්බිතිව තම අභිප්‍රායයන් ඉතා සූක්ෂමව ඉටු කර ගනියි. පියාට වද හිංසා
පමුණුවන අවස්ථාවේ ගැයුණු ගීතයත්, බිම්බිසාර රජුගේ සිරගෙය තුළම සිදු වූ අවසන්
අවස්ථාවේදී ගැයුණු පියාට වඳින ගාථාවත් ඉෂාක් බෙග් ඉතාම ගැඹුරින් හැඟීම්බරව ගයයි.
ගයාන් වික්‍රමසිංහ, පාලිත සිල්වා, රොෂාන් රණවන යන තිදෙනාගේ රඟපෑම් විශිෂ්ටයි. සෙසු
රඟපෑම් ද හොඳයි. පසුබිම් සංගීතය හොඳයි. කැමරාකරණය ඇතුළු කාර්මික අංශයේ වැඩ කටයුතු
සතුටුදායකයි.
ඩඩ්ලි ගෝමස්
කටුබැද්ද, මොරටුව
 සුබපැතුම්
සුපර්ස්ටාර් ගායක ප්‍රදීප් රංගන ඇරැඹූ යුග දිවියට අපගේ සුබපැතුම්.
නන්දා ලියනගේ, දුලානි, ඉන්දු
මහවැව
එරංග
සේනාරත්න
එරංග සේනාරත්න මෙතෙක් කල් අධ්‍යක්ෂණය කළ චිත්‍රපටවලට වඩා හාත්පසින්ම වෙනස්
චිත්‍රපටයක් වූ ඔහුගේ ප්‍රථම ප්‍රහසන චිත්‍රපටය වූ නෝනේ මගේ සුදු නෝනේ චිත්‍රපටය
අති සාර්ථකයි. මට හැඟෙන පරිදි අඩු පිරිසක් සමඟ ස්ථාන කිහිපයක රූගැන් වී තිබුණ ද එහි
හාස්‍ය හා අපට පණිවිඩයන් ද ලබා දෙයි. එය ඔබගේ සුවිශේෂී හැකියාවක් සේ මට සිතෙයි.
අලුත් නළුවෙකු රිදී තිරයට හඳුන්වා දී ඇත. එය ද සාර්ථක උත්සාහයකි. ඔබගේ ටෙලි නිර්මාණ
ද ඉතා රසවත් අතර එවැන්නකින් ද අප හමුවට එන ලෙස ඉල්ලමි. 'යර්ස් මැඩම්' අපි ඔබේ
නැරැඹූ එවැනි ප්‍රහසන ටෙලියකි. නැවතත් ප්‍රහසන චිත්‍රපටයකින් ඔබ අප හමු වනු ඇතැයි
සිතමි. ඔබට ජයවේවා.
ශ්‍රියා කාරියප්පෙරුම
නීලම්මහර පාර, මහරගම
තුති
පුදමි
පුරා හෝරා දෙකක් ශ්‍රී එෆ් එම් වෙතින් පිදෙන ශ්‍රී සිනමාව නියම වැඩ සටහනක්. දන්න
නොදන්නා සියලු තොරතුරු කැටි කොට ගෙන එන ශ්‍රී සිනමාව බොහෝ කලක් කරගෙන යාමට මම
සුබාසිරි පතමි.
ප්‍රේමසිරි නාරසිංහ
වල්පල, මාතර
කාරුණික
ඉල්ලීමකි
වෙළෙඳ ගුවන් විදුලි සේවය ඔස්සේ පෝය දින උදේ 8 - 9 දක්වා කාලය තුළ බොදු බැති ගී ගීත
ඉල්ලීම් තීරයක් විකාශනය කරන මෙන් වෙළෙඳ ගුවන් විදුලි සේවයේ පාලක මණ්ඩලයෙන් කාරුණිකව
ඉල්ලා සිටිමි.
එච්. එල්. තිලකසිරි ද සිල්වා
මරදානවත්ත, මීටියාගොඩ
හතර
ලද චිත්‍රපට
හතර මහා නිධානය
හතර කේන්දරේ
හතර පෙරළිය
හතර දෙනාම සූරයෝ
හතර වටේ
හාරත හතර
සතර පෙරනිමිති
සතර දිගන්තය
බිත්ති හතර
සමන් ගාල්ලගේ
කැටපල, ගනේගොඩ
නෙත්
යොමනු මැන
ගුවන් විදුලියේ පිහිටුවා තිබූ ආධුනික ගීත රචකයින්ට ගීත රචනා සැපයීමට තිබූ අවස්ථාව
දැන් ගිලිහී ගොස්ය. එම බැංකුවට ගීත රචනා සපයා ප්‍රකට ගීත රචකයින් බිහි විය. එම නිසා
එම ආධුනික ගීත රචනා බැංකුව නැවත පිහිටුවන ලෙස අදාළ බලධාරීන්ට දන්වා සිටිමි.
එල්. එම්. ප්‍රේමසේන පෙරේරා, ඥානා කුමාරි පෙරේරා, මධු සුරංගි පෙරේරා
කළුබෝවිල
S.M.S.
මොන යම් මාධ්‍යයක් හරහා හෝ පැරැණි සිංහල කලාකරුවන් වෙනුවෙන් වැඩ සටහනක් ඉදිරිපත්
කරනවා නම් අගය කරමි.
තනුක්ෂ
යක්කල
දෙරණ චැම්පියන් ස්ටාර්ස් අන්ලිමිටඩ් පේසල මනෝජ් ඉතාමත් ලස්සනට වැඩ සටහන කරනවා. හරිම
විමෝදයි. පේසල ඇතුළු සැමට මගේ ප්‍රණාමය.
සුනිල් බී. වේහැල්ල
ගෝනපල
මහරජ අජාසත් චිත්‍රපටයේ ජීවන් කුමාරතුංගගේ රඟපෑම විශිෂ්ටයි. බිම්බිසාර රජු ජීවමානව
දුටුවා හා සමානයි.
පී. වයි. අනුලාවතී
අවිස්සාවේල්ල
ආදර වැස්සේ ටෙලියේ සංකේත් වික්‍රමගේ රඟපානවා බලාගෙන ඉන්න හරිම ආසයි.
නිලූකා
අවිස්සාවේල්ල
මිහිරි කටහඬින් අපට ශ්‍රී තිළිණ කරන මංජුලා දිල්රුක්ෂි ඔබ ප්‍රසංග වේදිකාවට නැතුවම
බැරි ගායිකාවකි. ඔබගේ ඉදිරි ගමනට මගේ උණුසුම් සුබපැතුම්.
මංජුල උදය කුමාර
ගෝනපල
ස්වාධීන රූපවාහිනියේ විකාශය වුණු සුපිරි හපනා වැඩ සටහන නැවත විකාශනය කරන්න.
ගයානි
අවිස්සාවේල්ල
දිමන්ත අයියේ ඔයාගේ ගීත හරිම ලස්සනයි. හරිම මිහිරියි. මම හිතන්නේ ඔයාගේ කටහඬ
දෙවියන් විසින් ඔයාට දුන්නු තෑග්ගක් කියලයි. ඔයාගේ ඉදිරි වැඩ කටයුතු
සර්වප්‍රකාරයෙන්ම සාර්ථක වෙන්න කියලා මම මගේ හදවතින්ම සුබපතනවා.
හේෂාදි
රත්නපුරය
කාවිංග පෙරේරා අයියේ ඔයා උතුම් පැතුම් නාට්‍යයේ රඟපානවා තාත්ත්විකයි. ඔබගේ කතා
විලාසය, මුහුණෙන් පෙන්නුම් කරන ඉරියව් පවා ඉතාමත් තාත්ත්විකයි. ඔබ වැනි දක්ෂ රංගන
ශිල්පියෙකු අපගේ කලා ලොවේ සිටීම සැබැවින්ම භාගය්‍යකි.
මදුෂිකා සඳරුවනි
කඩුවෙල
 දිනක්ෂි අක්කේ ඔයා ගොඩක් රඟපාන්නේ අහිංසක චරිත. නපුරු චරිතයකින් ඔයාව දකින්න ආසයි.
නිමේෂා කල්පනී
හේනෙගම
ස්වර්ණවාහිනියේ විකාශය වන මොනර කඩදාසි ටෙලියේ මේනක රාජපක්ෂ, ශිරෝෂි රොමේෂිකා ගේ
රංගනයන් ඉතාම විශිෂ්ටයි.
යූ. ජී. පාලිත කුමාරසිංහ
ගඩලාදෙණිය
මාධවගේ නිවේදන හා රංගනය අති විශිෂ්ටයි.
මල්ෂා
රත්නපුරය
උතුම් පැතුම් ටෙලියේ රංගනයෙන් දායක වන සෑම රංගන ශිල්පියෙකුගේම කැපවීම විශිෂ්ටයි.
පී. ඩී. හර්ෂ විරාජ්
මාකඳුර
සතියේ දවස් පහේම ලක්හඬින් ගෙන එන 'නිකමට වගේ' වැඩ සටහනේ සමීර අයියේ ඔයාගේ කටහඬ මරු.
ඔබට හා අනෙක් සැවොමටත් මගේ සුබපැතුම්.
ආනන්ද
උඩුගම්පොල, ගම්පහ
සිංහල කලා කෙත අස්වැද්දූ පෙරකදෝරු බෑණා, සිරියලතා, අසෝකා, දොස්තර වැනි පැරැණි
සිනමාපට අද අපට නැරඹීමට නොහැකි වීම අපගේ අවාසනාවකි.
ගාමිණී මහබාලගේ
පිළියන්දල
ආදර වැස්සේ තෙමෙන පබෝධාගේ හා අමිලගේ රඟපෑම් හරිම ලස්සනයි.
සෝමා එච්. පතිරණ
කහවත්ත
ප්‍රදීප් රංගන අයියේ අලුත් ජීවිතය සාර්ථක කර ගන්න මම හදවතින්ම සුබපතනවා.
තිලිනි
රදාවාන
 උද්දික ප්‍රේමරත්න අයියේ මහරජ ගැමුණු චිත්‍රපටයෙහි ඔබගේ රංගනය විශිෂ්ටයි. ඔබගේ
ඉදිරි ගමනට සුබපැතුම්.
නදීෂා
හොරණ
කාංචනා මෙන්ඩිස් අක්කේ ඔබ ටෙලිවිෂනයේ දීප්තිමත් රැජනකි. ඔබ විදේශගතව සිටීම බරපතළ
පාඩුවක්. අපට දුකක්.
සුපුන් ප්‍රභාත්
පහළගම, ගම්පහ
නිළි රැජන මාලිනී මීදුම් අම්මා ලෙසත්, මහේන්ද්‍ර පෙරේරා ගොළු තාත්තා ලෙසත් අති
ප්‍රබල රංගනයක යෙදී ඇත. බොහෝ තැන්වල හරිම සංවේදීයි.
වික්‍රම
මිද්දෙනිය
පහළොස් වැනි උපන් දිනය සමරමින් නවක නිවේදක පිරිසකට නව මං පෙත් විවර කර දුන් ශ්‍රී
එෆ්. එම්. ගුවන් විදුලි නාළිකාවට අපෙන් සුබපැතුම් එක් කරනවා.
ගීතානි ජයසිංහ
කුලියාපිටිය
සිරස ගුවන් විදුලියේ ප්‍රචාරය වන සති අග සාදය වැඩසටහන මම අගය කොට සලකමි.
දිල්මිනි
එල්ලාවල
දෙරණ නාළිකාවේ විශ්ව ලංකා ඉදිරිපත් කරන පිට පිට බාධක වැඩ සටහන ගොඩක් විනෝද ජනකයි.
මහේශි, රොෂාන්, විශ්ව ඒ අයව ගෙන්වන්න.
එල්. කේ. චලනි
අවිස්සාවේල්ල
සිරිමලී, පිරිමියෙක් නිසා චිත්‍රපටවල ප්‍රධාන චරිතයන් නිරූපණය කළ සුජාතා විජේසේකර
ශිල්පිනියට නිරෝගී සුවය පතමි.
ආර්. එම්. එච්. රත්නායක
කිරිඳිවැල
උතුම් පැතුම් ටෙලියේ උත්පලාගේ චරිතයට සුදුසුම කෙනා ඉෂාරා අක්කි. ඔයා ඒකේ හොදට
රඟපානවා. මම සුබපතනවා ඔයාගේ රංගන ජීවිතය සාර්ථක වෙන්න කියා.
නදීකා
දමුනව, කටුපොත
ප්‍රතිචාර සැකසුම -
තිස්ස ධම්මික
0773042834 ඔබේ ප්‍රතිචාර SMS
මඟින් ඉහත අංකයට එවන්න. ප්‍රතිචාර තැපැල් හෝ සටහන්පත් මඟින් නම්
ප්‍රතිචාර, සරසවිය,
ලේක්හවුස්,
කොළඹ 10
යන ලිපිනය විවෘතය.
|
