|
|
ගාමිණීට වෙනම මේක්අප් බඩු ඕනෑ
සරසවිය හා එක්වුණු අලුත් ම විශේෂාංගය වන ‘හැඩ වැඩ මැද’ ට මෙවර සහභාගි වන්නේ වේශ නිරූපණ ශිල්පී ඩෙරික් ප්‍රනාන්දු ය. පළමුව රජයේ වැවිලි සංස්ථාවේ රැකියාවක නිරත වන ඩෙරික් එය අවසන් වී පැමිණෙන්නේ සිය මාමා වන රෙජී සිල්වාට උදව් කිරීමේ අදහස පෙරදැරිව ය. ඒ පැමිණෙන ගමන ඔහුව දිනෙක වේශ නිරූපණ ශිල්පය කරා රැගෙන යන්නේ ය. ඉන්පසුව ස්වාධීන රූපවාහිනියේ වසර දෙකකුත්, ජාතික රූපවාහිනියේ වසර විසිපහක් පමණ සේවය කළ ඔහු ඉන් ඉවත්ව මේ වනවිට නිවෙසට වී කාලය ගත කරයි. මේ වනවිට සරසවිය සම්මානය මෙන්ම ජනාධිපති සම්මානයෙන් ද පුද ලැබූ ඔහු ඒ අතීතය පිළිබඳ සිය මතකය සරසවියට අවදි කළේ මෙසේයි. වේශ නිරූපණය නිසා ඔබට රජයේ වැවිලි මණ්ඩලය එපා වෙනවා ? මගේ මාමා තමයි ඒ කාලයේ ලංකා චිත්‍රාගාරයේ ප්‍රධාන වේශ නිරූපණ ශිල්පියා. මුලින් ම මා කළේ මාමා ඒ වැඩ කරන විදිය බලාගෙන සිටිය එකයි. ඊට පස්සේ එහි පැමිණෙන නළු - නිළියන්ගේ අත් මේකප් කරන්න, ඔවුන්ව ටච් කරන්න මට භාර වුණා. පසු කාලයේ එළියේ වැඩවලට මාමා මාව යැව්වා. මේ ගමන්වලදි තිබුණු විනෝදය දැක්ක මට මේ වෘත්තිය පිළිබඳ සිතේ දැඩි කැමැත්තක් ලියලනවා. නිතර ම විනෝදයෙන්, විහිළුවෙන් ගෙවෙන දවස් බොහොම සුන්දරයි. අවසානයේ ඒ කැමැත්ත නිසා මම රැකියාවෙන් ඉවත් වෙලා වේශ නිරූපණ ශිල්පය මගේ රැකියාව කර ගන්නවා.
තාත්තා එකහෙළාම විරුද්ධ වුණා. ඒ අයගේ අදහස වුණේ මේ රැකියාව කරන්නේ ගැහැනු අය කියලයි. එත් මම එක ගැන ඒ තරමටම ගණන් ගත්තේ නැහැ. මේ වනවිට චිත්‍රපට කීයක පමණ වේශ නිරූපණ කටයුතුවල නියැළිලා තිබෙනවද? චිත්‍රපට හැත්තෑපහක් වගේ කියලා මට මතකයි. මගේ වෘත්තිය ජීවිතයට වසර පනස් පහක් විතර වෙනවා. මාමාත් සමඟ මුලින් ම වේශ නිරූපණ කටයුතුවල යෙදුණු නිර්මාණය මතක ද? මගේ මතකයේ හැටියට ඒ ‘ටැක්සි ඩ්‍රයිවර්’. ඊට පස්සේ ‘ඉඳුනිල’,‘බයිසිකල් හොරා’ මේ වගේ චිත්‍රපට රැසකම මේකප් කළා. මුලින් ම තනිව ම වේශ නිරූපණ කටයුතුවල යෙදෙන්නේ මොන චිත්‍රපටයේ ද? ‘සත්සමුදුර’ චිත්‍රපටයේ වේශ නිරූපණ කටයුතුවල යෙදෙන්නේ මම තනිවමයි. සිරිගුණසිංහ මහත්තයා අධ්‍යක්ෂණය කළ නිහාල් සිංහ මහත්තයා කැමරා අධ්‍යක්ෂණය කළ මේ චිත්‍රපටයට මට ආරාධනා කරන්නේ නිහාල් සිංහ මහත්තයා. ඒ වනවිට ඔහුගේ බොහෝ නිර්මාණ කටයුතුවලට මම දායකත්වය ලබාදීලයි සිටියේ. ඒ ඇතිවුණු විශ්වාසය නිසා ම ඔහු මට “සත්සමුදුර”ට කතා කළා. ඇග්‍රිමන්ට් එකක් සයින් කරලා දවස් තිහක් විතර එහි කටයුතු සිදුවුණු බව මට මතකයි. වැඩිපුර ම මීගමුව ප්‍රදේශයේයි රූගත කිරීම් සිදුවුණේ. ගෙවුණු වසර කිහිපය ඇතුළේ ඔබ වඩාත් කැමැත්තෙන් වේශ නිරූපණයේ යෙදුණු නිළිය කවුද ? සන්ධ්‍යා කුමාරිට මම බොහොම කැමැතියි.
ඇගේ මේකප් එක දාන්න ගියාට පස්සේ මේකප් කරන්න ඕනත් නෑ වගේ. ඇයට තිබුණේ ඒ තරමට ම ලස්සන මුහුණක්. ඇයත් මා සමඟ ගොඩක් චිත්‍රපටවල වැඩ කරලා තියෙනවා. මුලින් ම මා ඇයට මේකප් දමන්නේ ‘බයිසිකල් හොරා’ කියන චිත්‍රපටයේ දී. ඒ වගේ ම අනෙක් නිළියන් සමඟ වැඩ කරද්දි වුණත් මට කිසිම කරදරයක් තිබුණේ නැහැ. ඊට පස්සේ ඔබ වැඩියෙන් ම මේකප් දාන්න කැමැති මුහුණ කාගෙ ද ? රැක්මණී දේවි, මාලිනී ෆොන්සේකා, නීටා ප්‍රනාන්දු, ක්ලැරිස්, සුමනා කියන මේ හැමෝටම මම කැමැතියි. පුණ්‍යා හීන්දෙණියගේ පටන් සියලු ම දෙනාත් සමඟ මම වැඩ කරලා තියෙනවා. විශේෂයෙන් ම රුක්මණි දේවිගෙන් ඉගෙන ගන්න බොහෝ දේවල් තිබුණා. මේ අතර වේශ නිරූපණයේ දී කරදර කාර නළු - නිළියොත් මුණ ගැසුණ ද? ගීතා කුමාරසිංහට හැම දෙයක් ම වෙන ම ඕනෑ. එයා ගැන දැන ගත්තට පස්සේ ඒ විදියට මමත් හැඩ ගැසුණා. ගාමිණී ෆොන්සේකාටත් එහෙමයි. ගාමිණී ෆොන්සේකාත් ඒ වගේ තදින් සිටිය නළුවෙක් ද? ඔහුත් සමඟ වැඩ කරනවා නම් බොහොම ප්‍රවේශම් වෙන්න ඕනෑ. එයාට වෙනම බඩු සෙට් එකක් තිබුණා. ස්පොන්ච් එක පවා වෙනම ම තිබුණා. ඒ බඩු වෙන කිසිම කෙනෙකුට පාවිච්චි කරන්න බැහැ. ඉල්ලන ඕනෑම දෙයක් දෙන්න ළඟ තියෙන්න ඕනෑ. නැත්නම් ගාමිණීට හරියට කේන්ති යනවා. එහෙම ඕනෑතරම් මම බැණුම් අහලත් තියෙනවා. මේ සිද්ධිය සිද්ධ වුණෙත් ජෝදේව් ආනන්දගේ චිත්‍රපටයකයි. එදා මට ගාමිණිට පාවිච්චි කරන ස්පොන්ච් එක ගේන්න අමතක වුණා. වෙන එකක් හොඳට සබන් දමලා හෝදලා දුන්නත් ඒ ගැන දැන ගත්තා. “ඔය ස්පොන්ච් එකෙන් තමයි ගොඩක් මුහුණට ලෙඩ බෝවෙන්නේ. තමුසේ දන්නේ නැද්ද මගේ මේකප් බඩු ටික වෙනම තියා ගන්න කියලා තියෙනවා නේද?” කියලා ඔහු ඇසුවා. එතැනින් ඒක අවසානයි. ඊට පස්සේ ඔහු ආයෙත් හොඳයි. ටිෂු පෙටිටිය පවා අලුත් එකක් තැබිය යුතුයි. මුළු ප්‍රඩක්ෂන් එක ම ඔහු ඉන්න විට හැම දෙයකදි ම සැලකිලිමත්. අනෙක් අය එහෙම නැද්ද? විජය, ටෝනි වගේ අය එහෙම නැහැ. අනෙක් එක ගාමිණී කෑම ගත්තේත් වෙනම බව මට මතකයි. ඔබ වැඩ කරන්න කැමැති ම නළුවොත් සිටිය ද? ටෝනි රණසිංහට මගේ විශේෂත්වයක් තිබෙනවා. බොහොම හොඳ හිතවත්කමක් අප අතර වර්ධනය වෙලා තිබුණා. ඔහු බොහොම විහිළුවෙන් තමයි දවස ගෙව්වේ. මේකප් කරන අතරතුරදිත් එහෙමමයි. රූගත කිරීමකදි මට හරි තවත් කාටහරි ලණුවක් දෙන්න නම් ඔහු අමතක කරන්නේ නැහැ. විජය, ජෝ, ෆ්‍රෙඩී, රෝයිටත් මම කැමැතියි. ඔවුන් බොහොම විහිළුවට බරයි. ඒ වගේ කළ ඇස්රතුවන විහිළුවක් ඔබට මතක ද? එක්තරා චිත්‍රපටයක බෝට්ටු සීන් එකක් තිබුණා. ඒකට මමත් ගියා. හදිසියේ ම ෆ්‍රෙඩී මාව වතුරට තල්ලු කළා. මට පීනන්නත් බැහැ. බෝට්ටුවේ මනුස්සයා පැනලා ගත්තේ නැත්නම් එදා මාව ගිලෙනවා.
ඒවා නම් පුදුම විහිළු තමයි. ජෝදේව් ආනන්දගේ චිත්‍රපටයකදී. දවසක් ෆ්‍රෙඩී ඇවිත් ඩේවිඩ් ධර්මකීර්තිට වයසක මනුස්සයෙකුගේ මේකප් එකක් දාන්න කියලා කිව්වා. මමත් ඉතිං අනෙක් අයට කලින් ඔහුට මේකප් එක දාන්න පටන් ගත්තා. මුළු කොණ්ඩය ම සුදු කළා. ලොකු රැවුළක් දැම්මා. මුහුණ සම්පූර්ණයෙන් ම වයසක කෙනෙක්ගේ වගේ මේකප් කළා. මෙන්න ටික වෙලාවකට පස්සේ ජෝදේව් ආනන්ද ආවා. එවිටයි ෆ්‍රෙඩී දුන්න ලණුව ගැන දැන ගත්තේ. මොනව කරන්න ද මේකප් එක අයින් කරන්නත් ගොඩක් වෙලාවක් ගියා. අන්තිමට නළුවට නාන්නත් වුණා. ඒ කොණ්ඩයේ තිබුණ මේකප් ඉවත් කරන්නයි. නිතර ම වගේ ෆ්‍රෙඩී ඔය වගේ දේවල් කරනවා. විජයගේ ඔබ දුටුව විශේෂත්වය මොකක් ද? ඔහු බොහොම සාමාන්‍ය නළුවෙක්. කෑම වුණත් අපිත් එක්ක එකට කන වෙලාවල් තිබෙනවා. සමහර වෙලාවට අතරමගදි බඩගිනි හැදුණොත් මොනවා හරි කෑමක් අරන් දෙන්නත් අමතක කරන්නේ නැහැ. ඒ වගේ වෙලාවකදි මගේ නම විකුණලා අනෙක් අය කෑම ගත්ත වෙලාවල් තිබුණා. විජය කියන්නේ අනෙක් අය ගැන ගොඩක් හිතන නළුවෙක්. ඔබ වේශ නිරූපණයේ යෙදුණේ චිත්‍රපටවල පමණක් ද? මම වේදිකා නිර්මාණවලටත් වේශ නිරූපණයෙන් දායක වෙලා තියෙනවා. ඒ සුගතපාල ද සිල්වාගේ නාට්‍යවලටයි. රූපවාහිනියේ වේශ නිරූපණයට යොමුවුණේ ඇයි? සමහර වෙලාවකට චිත්‍රපටවලින් මුදල් ලැබුණෙත් නැහැ. ඒ නිසා ස්ථිර රැකියාවක අවශ්‍යතාව තිබුණා. ඔබගේ වෘත්තියට දරුවන් යොමු නොවුණේ ඇයි ? දියණියක් දෙදෙනාම සැලුන් එකක් කරනවා. ඒත් මම නම් කිව්වේ නැහැ ඔවුන්ට මේ වෘත්තිය තෝරා ගන්න කියලා. නමුත් මගේ හුරුව ඔවුන්ට තියෙනවා.
|
|
||||||||
|
|
||||||||
සියළුම හිමිකම් ඇවිරිණි |
ඩෙරික් ප්‍රනාන්දු
මේ වෘත්තියට යොමු වෙද්දි නිවෙසින් ලැබුණු ප්‍රතිචාර කොහොම ද?
ඇගේ තිබුණු විශේෂත්වය මොකක් ද?
ෆ්‍රෙඩී සිල්වාගේ විහිළු සැබෑ ජීවිතයේදිත් තිබුණා?
