|
|
වැරදුණ තැන් හදාගත් හැටි
බිපාෂා බාසු හැඳීන්වෙන්නේ බොලිවුඩ් සිනමාවේ සරාගීම නිළියක ලෙසින්. අවුරුදු දහහතරක් පුරා චිත්‍රපට තිහක රඟපාලා ක්ෂේත්‍රයේ සාර්ථකවීම් අසාර්ථක වීම් පිළිබඳ හොඳ අත්දැකීමක් තමන්ට තිබෙන බව බිපාෂා පවසනවා. තිස් හය හැවිරිදි බිපාෂා රංගනට අවතීර්ණ වුණේ 2001 වසරේ තිරගත වූ අජ්නබී චිත්‍රපටයේ සහයක චරිතයකින්. ඒ රංගන ඇය ෆිල්ම් ෆෙයාර් සම්මාන උලෙළේ හොඳම නැගී එන නිළිය ලෙසින් සම්මානනීය කළා. බිපාෂාට ප්‍රධාන චරිතයක් ලැබුණේ වික්‍රම් භාත් අධ්‍යක්ෂණය කළ රාස් චිත්‍රපටයේදීයි. ඒ රංගනයත් ෆිල්ම් ෆෙයාර් සම්මාන උලෙළේ හොඳම නිළිය ලෙසින් නිර්දේශ වුණා. නමුත් එතැනින් වසර දහයකට පමණ පසුව ඇයට වෘත්තීය ජීවිතය ගැන බියක් දැනිලා තියෙන්නේ රාස් - 3 චිත්‍රපටය තිරගත වන්න නියමිතව තිබියදීයි. “ඇත්තටම ඒක තීරණාත්මක මොහොතක් වුණා” බිපාෂා පවසනවා. රාස් - 3 තිරගත වෙන්න පෙර ඇය දායක වූ ආක්රෝශ්, දම් මාරෝ දම්, ප්ලෙයර්ස් චිත්‍රපට ති‍්‍රත්වයම අසාර්ථක චිත්‍රපට බවට පත් වුණා. මේ නිසා බියට පත් වුණත් එදා තමන් දැඩි ආත්ම විශ්වාසයක් ඇති කරගත බව බිපාෂා පවසන්නේ එයිනුත් වසර තුනක් ඉක්මගිය පසුවයි. පසුගිය වසරේදී ඇය දායක වූ කියේචර් චිත්‍රපටයක් මේ වසරේදී අලෝන් චිත්‍රපටයත් තිරගත වුණා. |
|
||||||||
|
|
||||||||
සියළුම හිමිකම් ඇවිරිණි |
