|
|
මියැසි තීර්ථය එච්. එම්. - තිස්සසිරි ප්‍රතිභාවලෝකන ප්‍රණාම ගී ප්රසංගයනොවැම්බර් 01 දා නෙළුම් පොකුණේදී ...
සංගීතවේදී එච්. එම්. ජයවර්ධන හා වාද්‍ය ශිල්පී තිස්සසිරි පෙරේරා දෙපළ අයත් වන්නේ කලා ලොවේ ශීඝ්‍රයෙන් වඳ වී යන එවන් රසවතුන්ගේ ගණයටය. අප්‍රමාණ කලා හැකියාවත්, සැබෑ මිනිසත්කමත් ළය මඬලට තුරුලු කරගත් එච්. එම්, තිස්සසිරි එක්තරා යුගයක මෙරට සංගීත ක්ෂේත්‍රය බැබළ වූ පහන් තාරකා බඳු වීය. වර්තමානයේ ඔවුන් දෙදෙනාම රෝගී තත්ත්වයෙන් පසුවන බව සංගීත ලොලීන් කිසිවෙකුටත් රහසක් නොවේ. ඔවුන් තවදුරටත් ජීවත් කරවීමේ අරමුණින් යුතුව සිදු කෙරෙන සද් කාර්යයක හෘර්දයාංගම පාර්ශවකරුවන් වීමට සහෘද ඔබට ද වරම් ලැබී ඇත්තේ සැබෑ මිනිසත්කමට පිදෙන උපහාරයක් විලසිනි. එච්. එම්. ජයවර්ධන සහ තිස්සසිරි පෙරේරා සිව් දශකයකට වැඩි කාලයක් මෙරට සංගීත ක්ෂේත්‍රයේ ප්‍රගමනය උදෙසා සිය නිර්මාණශීලී දායකත්වය මෙන්ම ශ්‍රමය ද වැය කළ ප්‍රවීණයන් දෙපළකි. බටනාලා වාද්‍ය ශිල්පියකු ලෙසින් සිය සෞන්දර්ය චාරිකාව ඇරඹූ එච්. එම්. පසුකලක මෙරට මුල් පෙළේ ගී තනු නිර්මාපකයකු හා සංගීතවේදියකු බවට පත් වූයේය. සරල ගී ආකෘතිය තුළ සුගම රීතියක් නිර්මාණය කළ එච්. එම්. අප අතරින් වියෝ වූ ගායිකා විශාරද මාලිනී බුලත්සිංහල ගේ දයාබර සැමියා වූ අතර නව පරපුරේ දක්ෂ ගායකයකු හා සංගීතවේදියකු වන කසුන් කල්හාරගේ ආදරණීය පියාණන්ය. සංගීත සංයෝජකයෙකු හා වාද්‍ය ශිල්පියකු ලෙසින් සිංහල සුභාවිත ගිතාවලියට අපූර්ව හැඩයක් එක් කළ තිස්සසිරි පෙරේරා තනු නිර්මාපකයකු ලෙසින් ද සිය හැකියාව ප්‍රකට කළ කලාකරුවෙකි. ශ්‍රී ලාංකේය සංගීත ක්ෂේත්‍රයේ අද්විතීය සලකුණක් තැබූ මෙම ප්‍රවීණ කලාකරුවන් දෙපළට ප්‍රණාම පිණිස නොවැම්බර් 01 වැනි දින සවස 6.30 ට නෙළුම් පොකුණ රඟහලේදී සුවිශේෂ සංගීත ප්‍රසංගයක් පැවැත්වීමට 'එච්. එම්. - තිස්සසිරි ප්‍රණාම පදනම' කටයුතු සංවිධානය කර තිබේ. 'මියැස තීර්ථය' ලෙසින් නම් කර ඇති මෙම ප්‍රසංගය එච්. එම්. සහ තිස්සසිරිගේ නිර්මාණ දායකත්වය ලද ගායක, ගායිකාවන් කිහිප දෙනකුගේම ගායනයෙන් රස ගැන්වේ. ආචාර්ය පණ්ඩිත් අමරදේවයන් හා විශාරද නන්දා මාලිනියගේ පෙරටුගාමිත්වයෙන් පැවැත්වෙන මෙම ප්‍රසංගයේ ගීත ගායනා කරනු ලබන්නේ මහාචාර්ය සනත් නන්දසිරි, විශාරද අමරසිරි පීරිස්, විශාරද බණ්ඩාර ආතාවුද, විශාරද එඩ්වඩ් ජයකොඩි, කරුණාරත්න දිවුල්ග්නේ, කසුන් කල්හාර ජයවර්ධන, අසංග ප්‍රියමන්ත පීරිස්, ඩබ්ලිව්. ඩී. ආරියසිංහ, මල්කාන්ති නන්දසිරි, චරිතා ප්‍රියදර්ශනී පීරිස්, සන්ධ්‍යා බුලත්සිංහල, ශෂිකා නිසංසලා වැනි ගායක, ගායිකාවන්ය. ප්‍රවීණ සංගිතවේදී මහින්ද බණ්ඩාර ප්‍රමුඛ වාද්‍ය වෘන්දය සංගීතවත් කරන 'මියැසි තීර්ථය' ප්‍රසංගයේ විචිත්‍ර කථනය සංගීිතවේදී ලාල් ආනන්ද අබේධීර ගෙනි. මෙම ප්‍රාසාංගික අත්දැකීම සඳහා එච්. එම්. ට සහ තිස්සසිරිට ළබැඳි සියලු රසික සහෘදයන්ට 'එච්. එම්. - තිස්සසිරි ප්‍රණාම පදනම' ආරාධනා කරනු ලබයි.
|
|
||||||||
|
|
||||||||
සියළුම හිමිකම් ඇවිරිණි |
අද බොහෝ විට කලාකරුවන් සේ පෙනී සිටින්නේ බඩගොස්තරවාදීන්ය. කලාවට හෙණ හත ගැහුවත්
ඔවුනට ඵලක් නැත. තමන්ගේ මඩිය තර වෙනවා නම් කලාවේ නාමයෙන් ඕනෑම දහදුරා වැඩක් කිරීම
ඔවුනට කජු කනවාටත් වඩා ලෙහෙසි පහසු කාර්යයකි. ප්‍රබුද්ධ යැයි, සම්භාව්‍ය යැයි කියා
ගන්නා අපේ ඇතැම් ඊනියා කලාකරුවන්ගේ පිළිවෙත එබඳුය. අතීත පරම්පරාවේ අතළොස්සක් හැර
වත්මන් කලා ලොවේ රසවතුන් අපට මුණ නොගැසෙන්නේ ද එනිසාවෙනි.
