|
|
දැන් තියෙන්නෙ හොර ඒවාළඟදී ගෙදරට සන්දේශය, වීරවිජය, දුප්පතාගෙ දුක, අල්ලපු ගෙදර සිනමාස් කියයි
සීමාසහිත සිනමාස් සමාගම මඟින් නිෂ්පාදනය කළ චිත්‍රපට රැසක ව්‍යාජ ඩී. වී. ඩී. පට මේවන විට වෙළෙඳ පොළෙහි පවතින බව එම සමාගමේ සම්බන්ධීකරණ කළමනාකරු සිරිපාල මෙන්මෙන් ද ආරච්චි මහතා සරසවියට දන්වා සිටියේය. එමෙන්ම කිසිදු පුද්ගලයකුට සිනමාස් සමාගමයේ චිත්‍රපට ඩී. වී. ඩී. මාධ්‍යයෙන් නිකුත් කිරීමට එමඟින් අවසර දී නොමැති බවද සඳහන් කළේය. මේවන විට සිනමාස් සමාගම මඟින් නිෂ්පාදනය කළ ඇතැම් චිත්‍රපටවල ඩී. වී. ඩී. තැටි වෙළෙඳ පොළෙහි සංසරණය වෙමින් පවතියි. ඒ අතර සංදේශය, අල්ලපු ගෙදර ඇතුළු චිත්‍රපට රාශියකි. මෙම තත්ත්වය මැඩ පවත්වාලීමේ අරමුණෙන් ඉදිරියේදී විශේෂ වැඩපිළිවෙළක් ක්‍රියාත්මක කරන බව සිරිපාල මහතා පැවසීය. එම ව්‍යාජ ඩී. වී. ඩී. තැටි ළඟ ඇත්නම් ඒවා සිනමාස් සමාගම වෙත බාර දෙන්නැයි ඔහු ඉල්ලීමක් කරයි. තව නොබෝ දිනකින් සිනමාස් සමාගමේ නිෂ්පාදනයන් වන සන්දේශය, වීරවිජය, දුප්පතාගෙ දුක, අල්ලපු ගෙදර ආදී චිත්‍රපටවල නිල ඩී. වී. ඩී. නිකුත් වනු ඇත.
ඇහැළේපොළ කුමාරිහාමි ලන්ඩන් යයි
මහා බ්‍රිතාන්‍යයේ ජීවත්වන මෙරට තරුණයන් කිහිපදෙනකු එක්ව මනුෂත්ව පදනම නමින් සංවිධානයක් පසුගිය දා ලන්ඩන් නුවරදී පිහිටුවාගන්නා ලදී. එහි පළමු ව්‍යාපෘතිය ලෙස ‘ඇහැලේපොළ කුමාරිහාමි’ සිනමාපටය නොවැම්බර් පළමුවැනිදා එනම් එන ඉරිදා ලන්ඩන් නුවර හන්ස්ලෝ හි සසාරි සිනමා ශාලාවේදී තිරගතවේ. මේ සඳහා ඇහැලේපොළ කුමාරිහාමි සිනමාපටයේ නිෂ්පාදක ගයාන් රණධීර සහ කැමරා අධ්‍යක්‍ෂ අයේෂ්මන්ත හෙට්ටිආරච්චි විශේෂ ආරාධිත අමුත්තන් වශයෙන් සහභාගී වේ. දිමුත් ජයවීර, රංග සමරතුංග, අසේල පෙරේරා, ෂාන් විමලරත්නම්, විරාජ් වෙලඳගේ, මහරත්නසිරි රංජිත්, ශෂි කුමාර් කන්දසාමි, වෙදදුරු කැලුම් වීරසිංහ මනුෂත්ව පදනමෙහි සාමාජිකයන් වේ.
උතුම් පැතුම් 300 ට පින්කමක්
උතුම් පැතුම් ටෙලි සිතුවමේ තුන්සිය වැනි කොටස විකාශය වීම නිමිත්තෙන් විශේෂ පුණ්‍ය වැඩසටහන් කිහිපයක් පසුගියදා බෙල්ලන්විල රජමහා වහාරයේ දී සිදුවිය. එහිදී උදෑසන බෝධි පූජාවක් පවත්වනු ලැබූ අතර විහාරයට පහන් ටැඹක් පූජාකරනු ලැබීය. ඒ කටයුතු සියල්ල අවසානයේ දී බෙල්ලන්විල රජමහා විහාරයේ වැඩවසන භික්ෂූන් වහන්සේලාට උදෑසන හීල් දානය සහ එදින විහාරයට පැමිණෙන බැතිමතුන්ට කිරිබත් දන්සලක් පවත්වන ලදී. සවස මාදිවෙල මන්ද මානසික ළමා නිවාසයේ නේවාසික දරුවන්ගේ විනෝදය සඳහා සංගීතමය වැඩසටහනක් සහ ත්‍යාග ප්‍රදානයක් සිදු කෙරිණ.
උල්පත බැලේ ප්‍රසංගයෙන්
'උල්පත - 2015' 'බැලේ' ප්‍රසංගයක් වන 'පඨවි' ඔබ හමුවට ගෙන පැමිණි තනුජා ප්‍රියන්ති බන්දුල මෙහෙය වූ 'රනාරා' ඇකඩමියෙන් ඉදිරිපත් කළ 'උල්පත - 2015' ප්‍රසංගය පසුගියදා කොළඹ විශාකා විද්‍යාලයේ ජෙරමියස් දියෙස් ශ්‍රවණගාරයේදී පැවැත්විණ. රනාරා ඇකඩමියේ සිසු - සිසුවියන්ගේ දක්ෂතා රැසක් කලඑළි බසින ලද මේ ප්‍රසංගයේදී බැලේ නර්තන අංග කිහිපයක්, ජන ගී ආශ්‍රිත නිර්මාණ ඇතුළු නිර්මාණ රැසක් ඉදිරිපත් විය. ඡායාරූපයෙන් දැක්වෙන්නේ එහි අවස්ථා කිහිපයකි. |
|
||||||||
|
|
||||||||
සියළුම හිමිකම් ඇවිරිණි |
