ඉඳුනිල දැකීමේ දොලදුක
 ඉඳුනිල දැකීමේ දොලදුක
අපේ චිත්‍රපටයක් නිෂ්පාදනය කළ අයකුගේ දුවෙකුට පොඩි ආසාවක් පහළ වෙලා. ඇය තමයි
ශ්‍යාමා සිරිසේන. ඇයගේ පියා වන ඩී. පී. එල්. ඩබ්ලිව්. සිරිසේන නිෂ්පාදනය කළා ඉඳුනිල
කියලා චිත්‍රපටයක්. ඒකෙ කොපියක් අහළ ගම් හතකවත් නැතිලු.
 ඔය අල්ලපනල්ලේ ශ්‍යාමට
හිතිලා ඉඳුනිල බලන්න පුළුවන් නම් කොච්චර එකක් ද කියලා.
මේ වන විට පියා ද ජීවතුන්
අතර නැතිලු. අනික ඉඳුනිල හි ආරම්භක දර්ශනයේ ශ්‍යාමගේ පියා මෙන්ම මව ද පෙනී
සිටිනවාලු. මේ කරුණු කාරණා මත ශ්‍යාමා බොහොම ආසාවෙන් පසුවෙනවලු ඉඳුනිල දකින්න. ඒ
හින්දා ඉඳුනිල සිනමාපටයේ පිටපතක් කා ගාව හරි තියෙනවා නම් තමන්ට ලැබෙන්න සලස්වන්න
කියලා ඇය කියනවා.
ඒ වගේම එය කිසියම් රූපවාහිනී ආයතනයක තිබේ නම් චිත්‍රපටය එම
නාළිකාවෙහි විකාශය කරන මෙන් ශ්‍යාමා අදාළ බලධාරීන්ගෙන් ඉල්ලා සිටිනවා. ඉඳුනිල හි
ප්‍රධාන චරිත මැව්වේ ටෝනි රණසිංහ සහ ජීවරාණි කුරුකුලසූරිය. ඒ වගේම එය සඳහා බන්ධුල
අබේසේකර සම නිෂ්පාදනයෙන් එකතු වුණා.
බොරු බිසී නැහැ
සාමාන්‍යයෙන් නළුවකු හෝ නිළියක ක්‍රම ක්‍රමයෙන් ජනප්‍රියත්වයට පත් වෙද්දී ඔහු හෝ ඇය
කාර්යබහුල වෙන්න පටන් ගන්නවා. මේ තත්ත්වය මත ඇතැම් අයට විවිධ දේ වෙනවා. විවිධ දේ
කිව්වේ, මුල අමතක වීම්, දුරකථනනයට නොඒම් වගේ දේවල්. සමහරු ජනප්‍රියත්වයට පත් වුණාට
පසුව ඔවුනට රසික රසිකාවන්ගේ ආදරය දැනෙන්නේ වධයක්, කරදරයක් වගේ.
ඒ අතර තව අය බොරු
බිසී පෙන්වනවා. ඒ අය අතරේ අමිල අබේසේකර කියන්නේ වෙනස්ම කෙනෙක්. ඔහු ගැන දන්න අය
කියන්නේ අමිල එදා වගේමයි අදත් කියලා. අමිල සාමාන්‍යයෙන් දන්නේ නැති අංකයකින් පවා
ඇමතුමක් ආවොත් තැනක් නොතැනක් බලල ආන්ස්වර් කරනවා. ඒ වගේම කෑම කන ගමන් ඇමතුමක් ආවත්
එහෙමයි. බොරු බිසී කාරයෝ අස්සේ අමිල තවමත් නිහතමානීව සිටීම ගැන ඇත්තටම අගය කළ
යුතුයි.
|
