සත්‍ය සිදුවීමක් රැගත් දේශපේ‍්‍රමි කතාවක් නොමැති වස්තුවක් කොල්ල කෑමට වෙර දරන දෙපිලක් මං හයි ස්පීඩ් නැහැ A/L විභාග සමයේදී A /Level චිත්‍රපටයේ රඟපෑ දඟකාර තාරුණ්‍යය... 18-8 A/L සඳහා සැරසෙමු දසුන් තාත්තා කෙනෙක් වෙලා අනුර ශ්‍රීනාත්ගේ සුන්දර තිස්පහ වෙනුවෙන් කලාකරුවන්ට උපහාර තුන්වැනි යාමය රැක ගන්න ඔබටත් එයට දායකවිය හැකිය සිනමා කතාබහ ‘සිනමා’ ඓශ්ට පුතෙක් කතාව ඇත්තද? මේ තමයි අපේ පරම්පරාව ලව් කරපු විදිහ... කළු දිවියා වියරුවෙන් රූපණයේ විද්‍යාවත් දේශීය ටෙලි නළු කලාවත් අපට පසක් කර දුන් අමරණීය ධම්ම අකුරු උගනී... දැන් සීයා කෙනෙක් ‘මං තමයි දැන් අන්තිමට වැරදිකාරි’ සැඳෑ සමයේ හුදෙකලාවට අර්ථවත් විරාමයක් සරසවිය හරහා පැමිණි ඩික්සන් ප්‍රතිචාර මාරම්බරී 100 අසිරිය ‘එක දවසක් අපි’ මුණගැහුණ හැටි ආදිත්‍ය මගේ ගීතයක් ගැයීම විශාල ජයග්‍රහණයක් ඇරැයුම් ලැබුණොත් රඟපානවා මගෙ පොඩි යාළු ආයෙත් දකින්න ආසයි

ඇරැයුම් ලැබුණොත් රඟපානවා

මධුසංඛ ඉරෝෂන්

* දෙරණට ආ පළමු දවසේම අපූරු දඬුවමක්
* ප්‍රවෘත්ති නිවේදනය මගේ ඇඟේ තියෙනවා
* ලොරි රථය වගේ වචන තමයි කියන්නට අමාරු

මම පළමුවෙන්ම සම්බන්ධ වන්නේ හිරු ගුවන් විදුලියට. පසුව ශ්‍රී ටී. වී. ආතනයට එක්වන්නට වාසනාව උදාවනවා. 2014 ජූලි මස 07 වැනිදා ඉඳලා මං දෙරණෙ. එතැන් පටන් මේ දක්වා අඛණ්ඩව එහි මා සේවය කරනවා. විශේෂම කාරණය වන්නේ ප්‍රවෘත්ති නිවේදකයකු විදිහට මාව දැන හඳුනා ගත්තට මං දෙරණට එන්නේ නිෂ්පාදකවරයකු ලෙසට. ඒ තනතුරට අමතරවයි මං නිවුස් කියන්නේ.

එලෙස කතාවට එක් වුණේ මධුසංඛ ඉරෝෂන්. සෙනසුරාදා දහවල් 12.30 ප්‍රවෘත්ති විකාශය සහ දිනපතා පැයෙන් පැය ප්‍රවෘත්ති ඔස්සේ ඔහු ඔබ හමුවට එනවා.

ප්‍රවෘත්ති නිවේදනය කියන දේ මගේ ඇඟේ තියෙනවා. ඒ හැකියාව අපතේ යයි කියන බයටයි මං ප්‍රවෘත්ති කියන්නේ. නිෂ්පාදකවරයකු හැටියට උරුමය සොයා, විනිවිද, පුරවරුණ ආදී වැඩසටහන් ගෙන එනවා. ඒවායේ නිවේදනය කරන්නෙත් මම.

මධුසංඛ දෙරණට ආ පළමු දවසේම අපූරු දඬුවමකට මුහුණ දෙනවා. ඒ එකම ඇඳුම පිටින් දවස් තුනක් ඉන්නට සිදුවීම.

මං දෙරණට ඇවිත් සුපුරුදු රාජකාරි ටික නිම කරද්දීම මට කිව්වා මනුසත් දෙරණ වැඩ සටහන වෙනුවෙන් දෙහිඅත්තකණ්ඩියේ යන්න කියලා. ආව පළමු දවස හින්දා මං මුකුත් කියන්නෙම නැතුව වාහනයට නැංගා. කෙළින්ම දෙහිඅත්තකණ්ඩියේ. පහුවෙනිදා වැඩසටහන කරලා තෙවැනි දවසේ කොළඹ ආවා. එකම ඇඳුම ඇඳගෙන වැඩසටහන කරන්නට වුණේ.

ප්‍රවෘත්ති කියද්දි වැරැදිච්ච අවස්ථා නැතිද? අප ඊළඟට එහෙම ඇහැව්වා.

අපොයි තියෙනවා. ඒ වගේ වෙලාවල්වලදී ගාණට බැලන්ස් කරගෙන මුකුත් නොවුණා වගේ ඉදිරියට යනවා. ඔය ලොරි රථය වගේ වචන තමයි කියන්නට අමාරු.

ළමා වියේදී මධුසංඛ රංගනයේ නියැළිලා තිබෙනවා. ඒ ගැනත් ඔහු මෙලෙස සඳහනක් කළා.

ගිරිකුළු කියලා නාටකයේ රඟපෑවේ. ඒකේ බුද්ධදාස විතානාරච්චි මහත්මයත් හිටියා. මං එහි ළමා චරිතයක් කළේ. වර්තමානයේදී නම් රංගනයට ඇරැයුම් ලැබිලා නැහැ. නමුත් එවන් වූ ආරාධනාවක් ලැබුණොත් නොසලකා හරින්නෙත් නැහැ.

මධුසංඛ ප්‍රවෘත්ති කියන්නට පටන් ගත් මුල් කාලයේදී ඔහුගේ මිත්‍රයින් විස්මයට පත් වුණාලු.

මං පොඩි කාලේ ඉඳලා වැඩිය කලඑළියට එන්නේ නැති ළමයෙක්. උසස් පෙළ හැදෑරුවෙත් වාණිජ විෂයන්. එහෙම හිටපු මම ප්‍රවෘත්ති කියන්නට ඒවි කියලා කවුරුවත් හීනෙකින්වත් හිතුවේ නැහැ. ඇතැම් අය මාව බයිට් කරන්නටත් ගත්තා. ඒ වුණාට දැන් මගේ හැකියාව ඔවුන් දැකලා තියෙන නිසා ගැටලුවක් නැහැ.

මධුසංඛගේ ගම කඩුවෙල. ඉගෙන ගෙන තිබෙන්නේ කෝට්ටේ ජනාධිපති විදුහලෙන්. නිෂ්පාදකවරයකු ලෙසට ඉදිරිය දකින්නයි ඔහුගේ එකම අපේක්ෂාව.

හරියට බැලුවොත් අපි දින හතේම වැඩ. මගේ රාජකාරිය මං උපරිමයෙන් ඉටු කරනවා. නිෂ්පාදකවරයකු ලෙසට ගුණවත් දේ ප්‍රේක්ෂකයාට ඉදිරිපත් කරන්නටයි මගේ එකම බලාපොරොත්තුව. කාර්ය බහුලකම මැද මං මේ වසරේ විවාහ වන්නටත් හිතාගෙන ඉන්නවා. එහෙයින් සතුටින් කාලය ගත කරනවා.

සටහන - ප්‍රසාද් සමරතුංග
සේයාරූ -  නිශ්ශංක විජේරත්න