සැලීගේ ජීවිතය රැක ගන්න මානුෂික මෙහෙයුමක් ‘හොරා අන්කල්’ ත්‍රස්තවාදීන් දණ ගැස්සූ 7 Days in Entebbe කනාමැදිරි රාත්‍රියට මිනිස්සු ආසයි ගොටුවට මස් අපට කටු පරපුරක විහිද ගිය අතු ඉති 2018 උසස් පෙළ සඳහා සැරසෙමු මධුර චාරිකා කරද්දී අපි සිටියේ එකම පවුලක් වගේ තවත් ලාංකික දෙමළ චිත්‍රපටයක් 23 තිරයට සරසවිය නවක සිනමාකරු වෙත පිදෙන ආචාර්ය ලෙස්ටර් ජේම්ස් පීරිස් මම කවමදාවත් ජනප්‍රිය රැල්ල පසුපස යමින් කටයුතු කරපු කෙනෙක් නොවෙයි ප්‍රසන්න සැඟවුණු සිනමා පෙළහර සිනමා කතාබස් මං සිනමාවට ආදරෙයි කලකිරීම් මැද චිත්‍රපට හදන්නේ ඒ නිසයි මේ කොයි යන්නේ රයිගම් යන්නේ දිල්හානි බේර ගන්න සුනිල් ටී. මෙහෙයුමක් ගෙදර ගියොත්... Queen of Katwe මට නපුරු වුණේ ඇයි දයාවියේ දෑස මානේ මුණගැසුණ හැටි අලුත් ෆිල්ම් එකට අලුත් විලන් කෙනෙක් ප්‍රතිචාර අධිවේගී මාර්ගය හරහා කොළඹ පාර රාණි HICHKI සමඟ යළි තිරයට රාජිගේ ගමනට වසර 22 ක් දූ අනුරාධා උත්කර්ෂවත් සංගීත සැඳෑව ආදරයේ උණුුසුම සොයන යුවතිය ‘සේයා’ සිංහල චිත්‍රපට නාමාවලිය අතීත කලා ලෝකයේ රස තොරතුරු සොයා යන ලිපි පෙළක්

ත්‍රස්තවාදීන් දණ ගැස්සූ 7 Days in Entebbe

1976 වසරේ දී සිදු වූ සත්‍ය සිදුවීමක්

ජොසේ පදිල්හා අධ්‍යක්ෂණයක්

ලොව සිදු වූ ගුවන්යානා පැහැර ගැනීම් ගැන නම් අප කොතෙකුත් අසා ඇත්තෙමු. වරෙක ශ්‍රී ලාංකිකයකු විසින් ද ගුවන් යානාවක් පැහැර ගත් අවස්ථාවක් අසූව දශකයේදී අසන්න ලැබුණා ඔබට අමතක නැතුව ඇති.

සේපාල ඒකානායක විසින් 1982 ජූනි 30 වෙනිදා අලිතාලියා ගුවන් සමාගමට අයත් සිවිල් ගුවන් යානයක් ගුවනේ දී පැහැර ගැනීම සිදු කරන්නේ තම බිරිඳ හා දරුවා පිළිබඳ තිබූ අසීමිත ආදරය නිසා.

ඉතාලි ජාතික බිරිය සහ පුතු සමඟින් ඉතාලියේ ජීවත්ව සිටියදී වීසා අහිමි වී බිරිය සහ පුතුගෙන් වෙන්වීමට නොහැකි වූ වේදනාවෙන්. අද මේ කතාවත් ගුවන් යානා පැහැර ගැනීමක් ගැනයි.

එය සේපාල ඒකනායක ගැන නොවුණද ගුවන්යානා පැහැර ගැනීමක් පිළිබඳ අසන්නට ලැබෙන විටදී ඔහු පිළිබඳ මතකයත් සිහියට නැඟෙන්නේ නිරායාසයෙන්.

පසුගිය 16 වැනිදා අමෙරිකා එක්සත් ජනපදය ඇතුළුව ලොවපුරා තිරගත කිරීම ආරම්භ කළ Entebbe චිත්‍රපටය ගෙන එන්නෙත් තවත් එක් ගුවන් යානා පැහැර ගැනීමක්.

Entebbe ලෙසින් එය නම් වුණත් අමෙරිකා එක්සත් ජනපදයේදී 7 Days in  Entebbe ලෙසින් එය නම් වී තිබෙනවා. ජොසේ පදිල්හා විසින් අධ්‍යක්ෂණය කළ Entebbe හෙවත් 7 Days in  Entebbe 1976 වසරේ දී සිදු වූ සත්‍ය සිදුවීමක් වන එන්ටෙබේ මෙහෙයුම ඇසුරෙන් නිර්මාණය වූවක්. එහි තිරරචනය කර තිබෙන්නේ ග්‍රෙගරි බෲක් විසින්.

මෙය එන්ටෙබේ මෙහෙයුම පිළිබඳ සිනමාවට නැඟුණු පස්වැනි චිත්‍රපටය යි. මීට පෙර අමෙරිකානු රූපවාහිනි චිත්‍රපට ද්විත්වයක් වන Victory at Entebbe (1976), Raid on Entebbe (1977)  සහ ඊශ්‍රායල චිත්‍රපටයක් වූ Operation Thunderbolt (1977) ද චක් නෝරිස් හා ලී මාවින් ප්‍රධාන චරිත රඟපෑ Delta Force එලෙස තැනුණ ද චිත්‍රපටයන්ය.

Operation Thunderbolt  හා Delta Force චිත්‍රපට දෙකම ශ්‍රී ලංකාවේ අතිශය සාර්ථක ලෙස තිරගත විනි. මෙම චිත්‍රපට දෙකම අධ්‍යක්ෂණය කරන ලද්දේ මෙනහම් ගෝලන් විසිනි.

උගන්ඩාවේ එන්ටෙබේ ගුවන්තොටුපොලේදී මෙම ගුවන්යානා පැහැර ගැනීම සිදු වූයේ 1976 වසරේ ජූනි 27 වැනිදා.

මගීන් 248ක් රැගත් ඊශ්‍රායලයේ සිට ප්‍රංශයේ පැරිස් දක්වා ගමන් ගත් එයාර් ෆ්‍රාන්ස් ගුවන් සමාගමට අයත් එම ගුවන් යානය පැහැර ගැනීම පලස්තීන ජාතිකයන් දෙදෙනෙකු සහ ජර්මානු ජාතිකයන් දෙදෙනෙකුගෙන් සැදුම් ලද ත්‍රස්ත කල්ලියක් විසින් සිදු කරන්නේ ඩොලර් මිලියන පනහක මුදලක් සහ ඊශ්‍රායලයේ සිරකර ගෙන සිටි පලස්තීන හමුදා භටයන් 53 දෙනෙකු නිදහස් කර ගැනීම වෙනුවෙන්.

එහිදී ගුවන් යානයේ මඟින් සහ 12 දෙනෙකු වූ ස්වක මණ්ඩලය ප්‍රාණ ඇපකරුවන් බවට පත් වුණා. රාජ ත්‍රාන්තික මට්ටමේ සාකච්ඡා අසාර්ථක වූ පසු ත්‍රස්ත කණ්ඩායම සහ උගන්ඩා හමුදා භටයන් සිය දෙනෙකුට පමණ එරෙහිව ඊශ්‍රායල හමුදාවේ කොමාන්ඩෝ භටයන් සිය දෙනෙකුගේ සහභාගීත්වයෙන් යුතු හමුදා මෙහෙයුමක් දියත් කළා.

එහිදී ත්‍රස්ත කල්ලියේ සියලුම සාමාජිකයන් සහ උගන්ඩා හමුදා භටයන් 45 දෙනෙකු මරණය පත් වූ අතර එන්ටෙබේ ගුවන්තොටුපොලේ තිබූ ගුවන් යානා විශාල සංඛ්‍යාවකට ද හානි පැමිනුණා.

මෙහෙයුම අතරතුර එක් ඊශ්‍රායල හමුදා භටයෙක් මරණයට පත්වී තවත් පස් දෙනෙකු තුවාල ලද අතර ගුවන් යානයේ මඟින් අතරින් තිදෙනෙකු මරණය පත් වී දස දෙනෙකු තුවාල ලැබුවා.

දින හතක් ගත වූ පසු 1976 ජූලි 04 වැනිදා ඊශ්‍රායල හමුදාව විසින් මෙම එන්ටෙබේ මෙහෙයුම ඉතා සාර්ථක අයුරින් නිම කළේ ලොව සිදු වූ භයානකම මුදා ගැනීමේ මෙහෙයුම ලෙසින් ඉතිහාසයට එක් වෙමින්.

පසුගිය පෙබරවාරි මාසයේදී බර්ලින් ජාත්‍යන්තර සිනමා උලෙළේදී මංගල දර්ශනය පැවැත් වූ Entebbe චිත්‍රපටයේදී මෙම මෙහෙයුම යළිත් ප්‍රතිනිර්මාණය වී ඇති අතර රොසමුන්ඩ් පයික්, ඩැනියෙල් බෘහ්ල්, ලියෝ අශ්කෙන්සි, මාර්ක් අයිවන්, ඩෙනිස් මෙනොෂේ ඇතුළු පිරිසක් එහි රංගනයෙන් දායක වී ඇත.

මිනිත්තු 106ක් පුරා දිවෙන මෙම චිත්‍රපටයට දැනට විචාරක ප්‍රතිචාර හිමි වී තිබෙන්නේ සෘණ මට්ටමෙන් බවයි හොලිවුඩ් පුවත් ගෙන එන්නේ. අධ්‍යක්ෂ පදිල්හාට තිබුණු මෙහෙයුම ඉතා සරළ එකක් බවත් ලොව අවධානය දිනා ගත් 1976 වසරේදී සිදු වූ මෙහෙයුම පිළිබඳ ඔහු අලුත් යමක් පවසන්න ගත් උත්සාහය අසාර්ථක බව 'ද රැප්' හි විචාරක බෙන් ක්‍රෝල් පවසයි.

මෙම චිත්‍රපටය නරඔන විටදී ප්‍රාණ ඇපකරුවන් පිරිස දින හතක් පුරා ප්‍රාණ ඇපයේ සිටි බව නොපෙනුණ ද තමන් විසින් මෙම චිත්‍රපටය නැරඹූ මිනිත්තු 106 දින හතක් සේ දැනුණු බව තවත් විචාරකයෙකුගේ අදහසයි.

යතේජා ඥානරත්න