|
තරු විසිතුරු මැද සුදු වත හැඳි කත
සාමාන්යයෙන් සම්මාන උලෙළකට අපේ කලාකරුවන් එන්නේ නොයෙක් නොයෙක් විලාසිතා ඇඳුම් ඇඳගෙන. සමහරු ඒ වෙනුවෙන්ම ඇඳුම් මහනවා. පසුගියදා නිමාව දුටු හිරු ගෝල්ඩන් සිනමා සම්මාන උලෙළදිත් අප ඒ වග දුටුවා. එතැනට ආව ඇතැම් නව පරපුරේ කලාකරුවන්ට ඒ විලාසිතා ගැළපෙනවද කියලත් අපට සැක සිතුණා. ඒ තරම්ම ඒවා විච්චූර්ණයි. ඒ මල කෝලම් අතරේ දෙනෝ දාහක් නුවන් එක් තැනැත්තියක ගාව නැවතුණා. ඒ වෙන කවුරුවත් නොව සම්මානනීය ගායිකා විශාරද නන්දා මාලිනී. ඇය එදිනත් සැරසිලා සිටියේ සුදුම සුදු සාරියකින්. ඒ විතරක් නෙවෙයි මූණෙ මේකප් පොඩ්ක්වත් නැහැ. නන්දාගේ ඒ චාම් ඇඳුම පිළිබඳ සමාජ ජාල බොහොමයක සඳහන්ව තිබුණා. ඔවුන් ඇයව වර්ණනා කෙරුවා. ඇත්තටම නන්දා විදිහට චාම්ව ඇඳුමක් ඇඳගෙන කිසිම කෙනෙක් ඇවිත් සිටියේ නැහැ. නන්දව දැකපු ඒ වෙලාවේ අපට ඝණ අන්ධකාරේ මතක් වුණේ 'ඔබයි රම්ය සඳකිරණ' ගීතය. ඒ දහසකුත් තරු අතරේ නන්දාව අප දුටුවේ සුපුන් සඳක් විලසට හින්දා.
|