|
|
මහාචාර්ය සරච්චන්ද්‍රයන්ගේ ළමා හා කෙටි නාට්‍ය උලෙළලයනල් වෙන්ඩ්ට් රඟහලේළමයින් වෙනුවෙන් නිර්මාණය කරන ලද මහාචාර්ය එදිරිවීර සරච්චන්ද්‍රයන්ගේ විශිෂ්ටතම ළමා සහ කෙටි නාට්‍ය කිහිපයක් ඇතුළත් ‘මහාචාර්ය සරච්චන්ද්‍රයන්ගේ ළමා හා කෙටි නාට්‍ය උලෙළ’ මේ මස 18, 19, 20 යන දිනවල පස්වරු 3.30ට සහ 6.30ට කොළඹ 07 ලයනල් වෙන්ඩ්ට් රඟහලේදී වේදිකා ගතවෙයි. ඒ අනුව 18 වැනිදා - වෙල්ලවැහුම්, 19 වැනිදා - කදා වළලු සමඟ එලොව ගිහින් මෙලොව ආවා, 20 වැනිදා - මඟුල් ප්‍රස්තාව සමඟ ඒකට මට හිනා හිනා යන නාට්‍ය ඊට ඇතුළත් ය.
තෙවැනි ඇස 2017බණ්ඩාරනායක සම්මන්ත්‍රණ ශාලාවේදීඡායාරූප උපාංග සහ සේවා හඳුන්වාදීමේ වා‍ර්ෂික වෙළෙඳ ප්‍රදර්ශනය ‘තෙවැනි ඇස 2017’ නමින් මේ මස 19 හා 20 යන දෙදින ඇතුළත කොළඹ බණ්ඩාරනායක සම්මන්ත්‍රණ ශාලාවේදී පැවැත්වෙයි. හත්වන වරටත් පැවැත්වෙන මේ ප්‍රදර්ශනය පෙරවරු 10.00 සිට රාත්‍රි 08.00 දක්වා සම්මන්ත්‍රණ ශාලා භූමියේදී පැවැත්වෙන්නේ නොමිලේයි. ලෝකයේ නවීන සහ උසස් තාක්ෂණයෙන් හෙබි කැමරා කාච වර්ග මෙන්ම ඡායාරූප අවශ්‍යතා සඳහා ඇවැසි උපකරණ ඇල්බම, මුද්‍රණ යන්ත්‍ර ඇතුළු දහසක් දෑ මේ ප්‍රදර්ශනයට එක් කොට ඇත.
සන්ථව කාව්‍ය විචාර සම්මාන උලෙළ 25සිංහල කාව්‍ය විචාරය ඇතුළේ නව මාවතක් විවර කර ගැනීමේ අරමුණින් සහ නූතන සිංහල කවිය ඔස්සේ බුද්ධිය සමාජ කතිකාවක් ගොඩනැඟීමේ අරමුණින් සන්ථව ප්‍රකාශන ආයතනය සංවිධානය කරන සන්ථව කාව්‍ය විචාර සම්මාන උලෙළ මේ මස 25 වැනිදා මහවැලි කේන්ද්‍රීය ශ්‍රවණාගාරයේදී පස්වරු 3.00ට පැවැත්වෙයි. මෙහිදි තෝරාගත් ප්‍රශස්ත මට්ටමේ විචාර 10ක් සඳහා සන්ථව කාව්‍ය විචාර සම්මානය පිරිනැමෙයි. මෙයට අමතරව නව කවියේ කවිතාව සහ සාරාර්ථය’ යන මැයෙන් දේශනය පවත්වන්නේ මහාචාර්ය ලියනගේ අමරකීර්ති විසිනි. එදිනට මහාචාර්ය ලියනගේ අමරකීර්ති ලියූ ‘2016 නූතනම සිංහල කවිය පිළිබඳ වින්දනාලෝචනය’ කෘතිය ජනගත වීමද සිදුවීමට නියමිතය. උත්සව මණ්ඩපය මෙහෙයවීම සඳුන් ප්‍රියංකර විතානගේගෙනි. මේ වටිනා අවස්ථාවට සහභාගි වන මෙන් සාහිත්‍යයට ලැදි සැමට සංවිධායක කමිටුව ආරාධනා කරයි. |
|
||||||||
|
|
||||||||
සියළුම හිමිකම් ඇවිරිණි |
-(b&w)-2.jpg)
