|
|
රස මියුරු ජෝති ගී
ආකාස තලේ
ආකාස තලේ සමුදුරේ - දෙරණේ හිනැහේවා
මේ දෙරණ පුරා ජීවයවන් - යෞවන දෑසේ
මහ පොළොව මිනිස් පහස ලැබූ - දින සිට ලෝකේ
පෙම්වතුන්ට සරණේ – අනංගයා මමනේ
පෙමින් වෙළී කාලිදාස - මහා කවක් බිහි කළේ
මහා නාග ළඟ ශීලා - ජයපාලට මාලිනී
ස්ථිර ආලය නොතකා - දෙතුන් දෙනෙක් ගැන සිතා
මේ දෑස මගේ
මේ දෑස මගේ පින්වන්තයි
ළඟ දුනුකේ මලකී – දුර මානෙල් මලකී
රණ මයුරා වරලයි – අඩ සඳ වන් නළලයි
හද බැඳෙනා වයසේ - පහන ලෙසේ නිවසේ
පෙර දිනක එදා
පෙර දිනක එදා හමුවූයේ කොතැනකදෝ
සා දෙනෙකු ලෙසින් අවිහිංසක ඔබ සෙවණේ
කටු පඳුරු පිරුණු වන පෙදෙසක ඔබ පිපුනේ
ජෝති උපහාර ගී ප්‍රසංගය 07 වැනිදා සුගතදාස ක්‍රීඩාංගනයේ
ජෝති 26 වැනි ගුණ සමරුව අලළා කලා ලංකා පදනම සංවිධානය කරන විචිත්‍රවත් ජෝති උපහාර ගී ප්‍රසංගය ‘සිරියාමෙ සාරා’ මෙම මස 07 වැනි ඉරු දින සවස කොළඹ සුගතදාස ගෘහස්ථ ක්‍රීඩාංගනයේදී පැවැත්වේ. ප්‍රවීණ ගායක ගායිකාවන්, නළු නිළියන් රැසක් මෙහිදී ජෝති ගී ගයනු ඇත. කලා ලංකා පදනමේ සභාපති අමාත්‍ය ආචාර්ය මර්වින් සිල්වා මහතාගේ පූර්ණ අධීක්ෂණය යටතේ පවත්වන මෙම ප්‍රසංගය නිවේදනයෙන් මේඛලා වසුන්දරා මෙහෙයවනු ලබයි.
වියළි ආහාර බෙදාදීම 06 වැනිදා පිටකොටුවේ
එච්. ආර්. ජෝතිපාලයන්ගේ විසි හය වැනි අනුස්මරණය නිමිති කර ගනිමින් වියළි ආහාර බෙදා දීමේ දානමය පින්කමක් මෙම මස හය වැනිදා දහවල් 12 ට පිටකොටුව මල්වත්ත පාරේ ජයනන්ද රෙකෝඩ් බාර් අසලදී සිදු වේ.
ජෝති මිතුරු සමාජයේ ජෝති උපහාර
එච්. ආර්. ජෝතිපාලයන්ගේ 26 වැනි ගුණානුස්මරණය වෙනුවෙන් එච්. ආර්. ජෝතිපාල මිතුරු සමාජය සහ ගුණ සමරු පදනම මෙවරත් වැඩ සටහන් කිහිපයක් සංවිධානය කර තිබේ. ජෝතිපාලයන් අභාවප්‍රාප්ත වූ ජූලි 07 වැනි දින පෙරවරු 10.00 ට බොරැල්ල කනත්තේ ජෝති ගී සෑයට මල්දම් පුදා උපහාර කිරීම පළමුවෙන් සිදු කෙරෙන අතර, එදින සවස 6.00 ට මරදාන ටවර් රඟහලේ දී සුපුරුදු පරිදි දිවයිනේ ජනප්‍රිය ගායන ශිල්පීන් ගීත ගයන ‘අමරණීය ජෝති’ ගී ප්‍රසංගය පැවැත්වීමට කටයුතු යොදා ඇත. අර්නස්ට් සොයිසා ප්‍රමුඛ වාද්‍ය වෘන්දය මෙහි සංගීතය මෙහෙයවනු ඇත. මෙම අවස්ථාවන්ට සහභාගී වන ලෙස ජෝතිපාල රසික සැමට ‘එච්. ආර්. ජෝතිපාල මිතුරු සමාජය සහ ගුණ සමරු පදනම’ මෙමගින් විවෘතව ආරාධනා කර සිටී. |
|
||||||||
|
|
||||||||
සියළුම හිමිකම් ඇවිරිණි |
පෙම්වතුන්ට සරණේ
