පෙමක පැටලී මේනක දික්කසාදයි සරසවිය පුද ලද රංගාභිෂේකය ජනපතිඳුන් - ලෙස්ටර් හමු වූ සංවේදී මොහොත එකමත් එක රටකට බෙල්ජියමේදී ගෞරව බීබර් – ලේඩි ගාගා රසිකයෝ ටිවිටර් යුද්ධයක හොලිවුඩ්වලට කලින් අප දකින BATTLESHIP සතියේ ගීතය ඔබට කවදාවත් එහෙම වෙන එකක් නැහැ අලුත්ම අලුත් ගීයක් ‘ට්‍රේන් ටු කැන්ඩි’ හිරු ටී. වී මැයි පායයි නමක් නැති මිනිසාගේ නිමක් නැති පෙම් කතා - 1 මරදානට තරු පායයි පොත් විත්ති හිරු වියන යට සරසවිය 49 වසරක් රැගෙන ආ නියමුවෝ සාරංග සමඟ සිල්ගත් කොක්කු තවත් අපූරු උපන්දින සාදයක් ඇසිදිසි නෑයෝ . . .එකමුතු වේ . . . මෙගාද? බඩී ද? අබා සිට පබා දක්වා නටපු නැටුමක් ඇමති රෙජිමෝල්ඩ් ගෙන් සැරද බඹර ගුරු හොරණින් කැස්බෑවට FEEDBACK සිංහල සිනමා විස්තරය - 60 රඟපාමු අර්ජුනගෙන් පැන විසඳුම් අසම්මත ප්‍රේමයක මිය ගිය සෙවනැල්ල කුතුහලය සහ උත්ප්‍රාසය තරු සටනක්

බීබර් – ලේඩි ගාගා රසිකයෝ ටිවිටර් යුද්ධයක

පසුගිය දිනක ලේඩි ගාගා තවත් කිරුළක් පළඳා ගත්තා. ඒ වෙන කිසිවක් නොව ලොව පුරා යෞවනය කිති කැවූ ජනප්‍රිය ගායක ජස්ටින් බීබර් සතු සමාජ වෙබ් අඩවි පරිහරණය කරන්නන්ගේ ජනප්‍රියත්වයේ කිරුළය.

මෙවර ජනප්‍රියත්වය උරගා බැලුවේ ‘ට්විටර්’ වෙබ් අඩවිය තුළයි. ඒ අනුව බීබර් පාර්ශවය ‘බෙලීබර්ස්’ ලෙසත්, ලේඩි ගාගා පාර්ශවය ‘ලිට්ල් මොන්ස්ටර්ස්’ ලෙසත් පෙනී සිටියා.

ද නිව්යෝර්ක් පෝස්ට් පුවත්පත වඩාත් උල්පන්දම් දුන් මේ යුද්ධයට රසික පාර්ශව දෙකින්ම වෙන් වෙන් වශයෙන් ප්‍රචාරක කටයුතු ගෙන ගියා.

ඒ අනුව වර්තමාන රසික ප්‍රතිශත වාර්තා අනුව ජස්ටින් බීබර් හට අනුගාමිකයන් මිලියන 19 කුත්, ලේඩි ගාගා හට අනුගාමිකයන් මිලියන 21 ක් ඉක්මවාත් තිබෙනවා. එ අනුව කලකට පසු යෞවනයේ ඒ සිහින කුමරා ජස්ටින් බීබර්ට පසුබැස්මක් උරුම වී ඇති බවකුයි බැලූ බැල්මට පෙනෙන්නේ.

ජෝර්ජ් ක්ලූනි නැවතත් ප්‍රසිද්ධියේ

ඔස්කාර් සම්මානලාභී ජනප්‍රිය නළු ජොර්ජ් ක්ලූනි පසුගිය දවසක වොෂින්ටනයේදී අත් අඩංගුවට පත් වූයේ සුඩාන ජනාධිපතිට එරෙහිව සුඩාන තානාපති කාර්යාලය ඉදිරිපිට උද්ඝෝෂණය කරද්දීය. ඇප මත නිදහස් වූ ක්ලූනි දැන් ප්‍රසිද්ධියේ පෙනී සිටිනවා. එසේ ප්‍රසිද්ධියේ පෙනී සිට මාධ්‍ය අමතා ඔහු වර්තමාන සුඩාන පාලනය විවේචනය කළා.

‘ඔවුන් අහිංසක මිනිසුන්ව ඇන්ටනොවි යානාවල සිට බෝම්බ හෙළා මරා දැම්මා. ඒ වගේම ඔවුන් මිනිසුන්ව ගල් ගුහා තුළ හිර කළා. ඒ අය ගොවියන්. ඔවුන්ට වගා කරන්න ඉඩ දුන්නේ නැහැ.

දැන් ඔවුන්ගේ වගා කාලයත් පහු වෙලා. ඒ නිසා ඔවුන්ට දිවි ගෙවන්න බැහැ. හැමදාම ස්වයංපෝෂිතව ජීවත් වූ ඔවුන්ට ඉදිරි මාස කිහිපය දිවි ගෙවන්න විදිහක් නැහැ’ ඔහු ඔමාර් අල් බෂීර්ගේ පාලනය විවේචනය කළේ එසේය.

ඔහුට සුඩානය ගැන මෙතරම් කැක්කුමක් පහළ වුයේ ඇයි?

‘මගේ පවුලේ පසුබිම අනෙකාට උදව් කරන මනුෂ්‍යත්වය වෙනුවෙන් කිනම් හෝ පැත්තක් ගන්න ජාතියේ එකක්.’

ක්ලූනි අවසානයේදී එසේ පැවසුවා.

කිමි කාර්ඩෂියන් අලුත්ම තාලේ සොරකමක?

හොලිවුඩයේ අතිශය ජනප්‍රිය නිළියක් මෙන්ම මෝස්තර නිරූපිකාවක් ද වන කිමි කාර්ඩෂියන් මේ දිනවල අලුත් පුවත් මවන්නියක් බවට පත් වෙලා. ඒ වෙන කිසිවක් නිසා නොව ඇය තම ක්ෂේත්‍ර යේම මිතුරියක් වූ ජනප්‍රිය නිරූපණ ශිල්පිණියක වූ ඊවා ලොං ගෝරියාගේ සැමියා සමඟ හාදකමක් පටන් ගැනීම බවයි හොලිවු ඩයේ තවත් ඕපාදූප සඟරාවක් වූ ‘ඉන් ටච්’ සඳහන් කරන්නේ.

ඊවාගේ සැමියා වූ එඩුවාර්ඩෝ කෲස් සමඟ මෙසේ හාද වූවායි කියනා මේ කිමි ගිය වසරේදී ජනප්‍රිය පැසි පන්දු ක්‍රීඩකයකු වූ ක්‍රිස් හම්ෆ‍්‍රිස් සමඟ තිබූ විවාහ දිවිය ද අත හැරියා.

එසේ තනිකඩව සිටින කිමි ඊවාගේ සැමියාට ඇගේ සරාගී ඡායාරූප යැවූ බවත්, කොමළ වදන්වලින් ආමන්ත්‍රණය කර ඇති බවත් අප්‍රේල් මාසයේදී කාටත් හොරා මෙක්සිකෝවට ප්‍රේම සවාරියක් සැලසුම් කළ බවත් ‘ඉන් ටච්’ සඟරාව මුල් පිටුවේ පොල් ගෙඩි අකුරෙන් පළ කළා.

මෙසේ පළ කිරිම ප්‍රසිද්ධියේ විවේචනය කළ කිමි එය ඊවා සහ ඇගේ සබඳකම්වලට කළ අයුතු මැදිහත්වීමක් බවත් තමා ‘සැමියන් සොරකමේ’ නොයෙදෙන්නකු බවත් ‘ටිවිටර්’ වෙබ් අඩවිය ඔස්සේ ප්‍රකාශ කළා.

- ෂෙනාල් ජයසේකර