කරීනා සායිෆ් විවාහය උසාවියට විජය ජන්ම දිනය 09 වැනිදා ලංකාවේ මුල්ම චිත්‍ර කතාව නීලා තැනුණේත් ඇයගේ නමින් මා පෙම් කල රහස් ඔත්තුකරුවා රූපවාහිනියේ ඉන්නේ සැබෑ ජයන්ත නෙවෙයි ජීවිත තුනක් එක් කතාවක් "කර්ම" ධර්මසිරි ගමගේ අභිනන්දන ප්‍රණාම උපහාර උළෙල 06 දා රාජ්‍ය සාහිත්‍ය සම්මාන උළෙලේදී ප්‍රසන්න - හඳගමට සම්මාන රඟපාමු බුදු සාදු බුදු සාදු සමන් වැලක් වෙන්නම් සඳපානක් සේ ඇවිදින් සඳපානක නොපෙනී ගිය කරළිය අර්ජුන්ගෙන් අහන්න අද ලංකාවේ කලාකරුවන්ට වෘත්තීය මට්ටමක් නෑ ලතා නිසා විනීතා රූප පොතේ මතක ‘ඉඳු මිණි සර’ ප්‍රසංගය හෙට ආනන්ද විද්‍යාලයේ කරළියේ කෝලම් 07 දා නොමිලේ දමිතාට වටිනා මැණීක් ගලක් හමුවෙයි විජය කුවේණි සමඟ සම්බන්ධවීම සතුටක් සරසවිය අලෙවි නියෝජිතයාගෙන් ප්‍රදර්ශනයක් 07 – 08 දා රන්වන් රැයක් ප්‍රසංගයේ ආධාර ළමා රෝහලට සිංහල සිනමා විස්තරය -81 Feedback රංගනයෙන් පිටපත් රචකයකු වූ රනිල් බලනවා නම් ච්ත්‍රපට ජොනී ඩෙප්ගේ හාස්‍යජනක වැම්පයර රංගනය dark shadows

සරසවිය අලෙවි නියෝජිතයාගෙන් ප්‍රදර්ශනයක් 07 – 08 දා

ඒ. පී. විජේරත්න විසින් සංවිධානය කෙරෙන පැරැණි සඟරා, ග්‍රැමෆෝන් තැටි, පැරැණි ඡායාරූප ඇතුළත් ප්‍රදර්ශනය ලබන 07 සහ 08 යන දෙදින තුළ ඇල්විටිගල මහල් නිවාසයේ අංක ච් 2 දරන විජය පොත්හලේ හිදී පැවැත්වීමට කටයුතු යොදා ඇත.

මෙහිදී පැරැණි සරසවිය පුවත්පත්, කලා සඟරා, චිත්‍රවාහිණී වැනි පැරැණි සඟරා, ග්‍රැමෆෝන් යුගයේ සිට සංයුක්ත තැටි දක්වා සංගීත තැටි සහ කලාකරුවන්ගේ පැරැණි ඡායාරූප ද ප්‍රදර්ශනය කෙරේ.

මෙම සුවිශේෂ කටයුත්ත සංවිධායක ඒ. පී. විජේරත්න මහතාගෙන් සරසවිය අපි විමසුවා මෙවැනි ප්‍රදර්ශනයක් සංවිධානය කරන්නට විශේෂ හේතුව ගැන?

පොඩි කාලේ ඉඳලම කලා පත්තර, පැරැණි කවි වැනි දේවල් එකතු කරන්න මගේ විශාල කැමැත්තක් තිබුණා. එවැනි සුවිශේෂ නිර්මාණ එකතුවක් මා සතුව තියෙනවා. මගේ ගම මීරිගම. පැරැණි චිත්‍රපට මම බැලුවේ හරිම ආසවෙන්.

ගොවිතැන් කටයුතු කරල ගන්න සල්ලිවලින් තමයි ඒ කාලේ චිත්‍රපට බලන්න ගියේ. පසුව 1971 වසරේ රැකියාවක් සඳහා කොළඹට පැමිණියා. විවිධ රැකියා කිහිපයකට යොමු වීමෙන් පසු 1976 වසරේදී කොළඹ, බෞද්ධාලෝක මාවත, එක්සත් ප්‍රවෘත්ති පත්‍ර සමාගමේ අලෙවි නියෝජිතවරයකු ලෙස කටයුතු කරන්න අවස්ථාව ලැබුණා.

1982 වසරේදී තමයි මම ඇල්විටිගල මාවතේ විජය පොත්හල ආරම්භ කළේ. පූජ්‍ය ඇල්ලේ ගුණවංශ හිමි මට ඒ සඳහා බොහෝ උපකාර කළා. මෙය ආරම්භ කර ඔක්තෝබර් හත්වැනිදාට වසර 30 ක් සපිරෙනවා.

ඒ නිමිත්තෙන් තමයි මේ සුවිශේෂ ප්‍රදර්ශනය පවත්වන්නට කටයුතු සූදානම් කළේ. පැරැණි සඟරා, ග්‍රැමෆෝන් තැටි, ඊ. පී. තැටි, එල්. පී. තැටි, 70 දශකයේ කැසට් පට, සංයුක්ත තැටි වගේම රුක්මණි දේවි, එච්. ආර්. ජෝතිපාල වැනි කලාකරුවන්ගේ දුර්ලභ ඡායාරූපත් මෙහි ඇතුළත්. මේ සියල්ලම එකම තැනදී ප්‍රදර්ශනය කරන්නට ලැබීම සතුටක්.

ගමේ සිට කොළඹට පැමිණි පසුව විවිධ පුද්ගලයන් රැසක් හඳුනා ගන්නට අවස්ථාවක් ලැබුණා. පුවත්පත් කතුවරු, නළු නිළියන්, ගායක ගායිකාවන් රැසකගේ වගේම විවිධ කලා කටයුතු සමඟත් හොඳ ඇසුරක් තිබුණා. මෙවැනි එකතුවක් ලැබීමට හේතු වුණේ එයයි. ලබන 07 වැනිදා සහ 08 වැනිදා යන දෙදින තුළදී මෙම ප්‍රදර්ශනය ජනතාව වෙනුවෙන් විවෘතයි.

හත් වැනිදා පෙරවරු 8.30 ට ආගමික වතාවත් සිදු කිරීමෙන් පසු ප්‍රදර්ශනය ආරම්භ කෙරෙනවා. ප්‍රවීණ මාධ්‍යවේදී එඩ්වින් ආරියදාස මහතා ප්‍රධාන ආරාධිත අමුත්තා ලෙසත් සිසිර සේනාරත්න, ඉන්ද්‍රාණි විජේබණ්ඩාර ඇතුළු කලාකරුවන් රැසක් එදිනට සහභාගි වන්නට නියමිතයි.

මෙවැනි පැරැණි සඟරා, ගීත, ඡායාරූප අනාගත පරපුර වෙනුවෙන් සංරක්ෂණය කිරීම තමයි මගේ අරමුණ. ඒ වගේම එය පැරැණි කලාකරුවන් වෙනුවෙන් කරනා උපහාරයක් කියා මා සිතනවා.

ඒ. පී. විජේරත්න – 0112677746 - 0774803074

යතේජා ඥානරත්න

ඡායාරූපය – නිරෝෂ් බටේපොල