මට පෙම්වතෙක් ඕනෑ කාවිංග ගැන අලුත් කතාවක් පෙරදින මට සුබ උපන් දිනයක් පැතූ අම්මා නොකියාම යන්නට ගියා ය සංස්ථාව නිෂ්පාදකවරුන්ට නඩු පවරනවාද? සෝමරත්න දිසානායක මූම්බායි තර්ඩ් අයි උළෙලේ ජූරි සභාපති ජයන්ත චන්ද්‍රසිරිගේ තවත් දැවැන්ත නිර්මාණයක් මහ රජ ගැමුණු රන්වැලි සෑ රඳුන් අභිමුව අද වැඩ ඇරැඹේ ජයනාත් ගේ මුල්ම අධ්‍යක්ෂණය අද සිට ඇහැලේපොළ කුමාරිහාමි වැඩ ඇරැඹුණ දා චතුර ගීතනාත් බණ්ඩාර නන්නත්තාරේ ඇඩ්‍රස් නෑ සොයා ගිහින් මගේ මිණිය උඩින් තමයි උඹේ මඟුල කෙරෙන්නේ පහක් නෙවේ පනහක් පරාවර්ථන රසිකයන්ට අලුත් අත්දැකීමක් 2013 හොඳම දහය චරිතා සැරිසර සමඟ ටෝනි සමඟ රෑ දොළහක් මමත් අඬන්න බැරිකමට හිනාවෙන තවත් මනුස්සයෙක් තව පොඩ්ඩෙන් ජිප් එක කුඩු Editor's CUT මං එදා ඒවි කියලා කවුරුවත් හිතුවේ නැහැ මම කොළඹ යන්න ගත්තු තීරණය වෙනස් කළා අර්ජුනගෙන් අහන්න රඟපෑමේ හැකියාව තමයි එකම සුදුසුකම.... යළි එන්නම එන්නම හිතුණේ නම් Number You dial... රඟපාල එද්දි රස්සාවත් නැතිවෙලා එළිසබෙත් ටේලර්ගේ රහස් ප්‍රේමයක් ගෙදර රණ්ඩුවක් කියලා කට්ටිය ආවා සල්මන්ගේ අලුත්ම පෙම්වතිය දේව්දාස්ගේ සුරූපී පාර්වතිය රෝගී වෙයි ජෝන් ඒබ්‍රහම්ගේ අලුත් ජීවිතය කාජල්ගේ නංගී බඳී F E E D B A C K මේ දවස්වල අපි ගී මිහිරි වැඩ අමිහිරි කෲස් ට බ්‍රැඩ් පිට් වෙයි අලුත් අවුරුද්දේ ආපහු ළං වෙලා ගමන හෙමින් එමා

2013 හොඳම දහය

මේ චිත්‍රපට අතරින් ඔබ නරඹා ඇත්තේ මොනවාද?

පසුගිය 2013 වසර ගෙවී ගියේද හොලිවුඩ් පුරවරයේ චිත්‍රපට රැසක සාර්ථක, අසාර්ථකත්වය තීරණය කරමිනි. වසර පුරා තිරගත වූ චිත්‍රපට අතර සමහර චිත්‍රපට ඉතා සාර්ථක අයුරින් ආදායම් වාර්තා පිහිටුවන විටදී තවත් ඒවා අසාර්ථක වූයේ ප්‍රේක්‍ෂක බලාපොරොත්තු ද සුන් කරමිනි.

ආදායම් වාර්තා අතර නම බැබළ වීමට නොහැකි වුවත් 2013 වසරේ ලොව හොඳම චිත්‍රපට අතර අංක එකට පැමිණීමට සමත් වූයේ ස්ටීව් මැක්වීන් අධ්‍යක්‍ෂණය කළ 12 Years a Slave චිත්‍රපටයයි. වහල් ජීවිතයක් ගත කළ නීග්‍රෝ ජාතිකයකු ගේ ජීවිත කතාව ඇසුරෙන් නිර්මාණය වූ මෙම චිත්‍රපටය සමස්තයක් ලෙස ආදායම් වාර්තා අතර නොසිටියත් අමෙරිකානු බොක්ස් ඔෆිස් චිත්‍රපට දහය අතරෙ රැඳී සිටීමට සමත් විය. මයිකල් ෆැස්බෙන්ඩර්, බ්‍රැඩ් පීට් ඇතුළු රංගන ශිල්පීහු පිරිසක් මෙහි චරිත මැවූහ.

පසුගිය වසරේ ලොව හොඳම චිත්‍රපට දහය අතරේ දෙවැනි ස්ථානය හිමි වූයේ ත්‍රාසජනක විද්‍යා ප්‍රබන්ධ චිත්‍රපටයක් වන Gravity චිත්‍රපටයයි. ජෝර්ජ් ක්ලූනි සහ සැන්ඩ්‍රා බ්ලොක් ප්‍රධාන චරිත මවන මෙහි අභ්‍යවකාශ වීර චාරිකාවක් ගැන කියැවෙන ත්‍රාසජනක කතා පුවතක් ඇතුළත් වෙයි. අමෙරිකා එක්සත් ජනපදයේ ප්‍රදර්ශනයෙන් බොක්ස් ඔෆිස් වාර්තා චිත්‍රපට දහය අතරේ ද සති ගණනක් පුරා රැඳී සිටි අල්ෆොන්සෝ ක්වරන් අධ්‍යක්‍ෂණය කළ Gravity පසුගිය වසරේ ලොව ඉහළ ආදායම් ලද චිත්‍රපට අතර හිමි වූයේ හත් වැනි ස්ථානයයි.

හොඳම චිත්‍රපට ගොන්නෙහි තෙවැනි ස්ථානය හිමි වූයේ මාර්ටින් ස්කෝසෙසේ අධ්‍යක්‍ෂණය කළ The Wolf of Wall Street චිත්‍රපටයටය. මෙම චිත්‍රපටයද සත්‍ය කතාවක් ඇසුරෙන් නිර්මාණය වූවකි. අමෙරිකානු ජාතික කොටස් වෙළඳ පොළ තැරැව්කරුවකු වන ජෝඩ්න් බෙල්ෆෝර්ට් ගේ ජීවිතයේ විවිධ හැලහැප්පීම් සාර්ථක සිදුවීම් ඇසුරෙන් ගොඩනැඟුණු මෙය හාස්‍යයද රැගත් අපරාධ කතාවකි. ජනපි‍්‍රය නළු ලියනාඩෝ ඩිකැප්‍රියෝ ප්‍රධාන චරිතය මවන මෙම චිත්‍රපටයද මූල්‍යමය අතින් එතරම් සාර්ථකත්වයක් පෙන්නුම් නොකෙරිනි.

ලොව හොඳම චිත්‍රපට අතර සව්වැනි ස්ථානය හිමි වන්නේද ත්‍රාසජනක චිත්‍රපටයක් වන Prisoners චිත්‍රපටයටය. ඩෙනිස් විලෙනොබ් අධ්‍යක්‍ෂණය කළ අපරාධ කතා පුවතක් රැගත් මෙහි ජේක් ග්ලෙන්ෆාල්, හියග් ජැක්මන්, ටෙරන්ස් හොවාඩ් ඇතුළු රංගන ශිල්පීන් පිරිසක් චරිත මවති. පස්වැනි ස්ථානය හිමිවන්නේ පාවුල් ෆීන්ග්‍රාස්ගේ අධ්‍යක්‍ෂණයක් වන Captain Phillips චිත්‍රපටයටය. මෙම චිත්‍රපටයේ ද ඇතුළත් වන්නේ සත්‍ය සිදුවීමකි.

එය කපිතාන් රිචඩ් පිල්ප්ගේ නාවික ජීවිතය තුළ මුහුණදුන් සත්‍ය සිදුවීමක් පාදක කරගනිමින් නිර්මාණය කර තිබේ. ඔහුගේ නාවුක ගමනකදී සෝමාලියානු මුහුදු කොල්ලකරුවන් පිරිසක් විසින් තම නෞකාව පැහැර ගන්නට තැත් දැරූ සිදුවීමක දී නෞකාව සහ තම පිරිස බේරා ගැනීමට කළ සටන මෙයින් නිරූපණය කෙරේ. Captain Phillips චිත්‍රපටයද ලොව ඉහළ ආදායම් වාර්තා කළ චිත්‍රපට අතර පෙරමුණට නොපැමිණියද අමෙරිකානු බොක්ස් ඔෆිස් චිත්‍රපට අතර පළමු චිත්‍රපට දහය අතරේ කැපී පෙණුනි.

දශක දෙකකට පසු හමුවන ආදරවන්තයන් දෙදෙනකු ගේ අපූරු ආදර කතාවක් රැගත් Before Midnight හට හිමිවන්නේ හයවැනි ස්ථානයයි. රිචඩ් ලින්ක්ලේටර් අධ්‍යක්‍ෂණය කළ මෙහි ඊතන් හවේක්, ජුලි ඩෙල්පි ප්‍රධාන චරිත නිරූපණය කරති.

අමෙරිකානු බොක්ස් ඔෆිස් වාර්තා චිත්‍රපට අතර පෙරමුණේ රැඳී සිටි The Hobbit , The Desolation of Smaug චිත්‍රපටයට 2013 ලොව හොඳම චිත්‍රපට අතරේ හත්වැනි ස්ථානය හිමි වෙද්දී ක්‍රියාදාම චිත්‍රපටයක් වන The Hunger Games, Catching Fire චිත්‍රපටයට හිමිවන්නේ අටවැනි ස්ථානයයි. ෆ්‍රැන්සිස් ලෝරන්ස් අධ්‍යක්‍ෂණය කළ මෙම චිත්‍රපටය පසුගිය වසරේ ලොව ඉහළම ආදායම් ලද චිත්‍රපට අතරට පැමිණීමේ වාසනාවද හිමිකර ගත් චිත්‍රපටයකි.

ලොව හොඳම චිත්‍රපට අතර නමවැනි ස්ථානයට පැමිණි චිත්‍රපටය වන්නේ රයන් කෝග්ලර් අධ්‍යක්‍ෂණය කළ Fruitvale Station චිත්‍රපටයයි. මයිකල් බී.ජෝර්ඩන්, චැඩ් මයිකල් මුරේ, කෙවින් ඩරන්ඩ් ප්‍රධාන චරිත මවන මෙම චිත්‍රපටයද සත්‍ය ජීවිත කතාවක් ඇසුරින් නිර්මාණය වූවකි.

දසවැනි ස්ථානයේ පසුවන්නේ තෝර් චිත්‍රපට මාලාවේ දෙවැන්න වන The Dark World චිත්‍රපටයයි. ලොව ඉහළම ආදායම් වාර්තා කළ චිත්‍රපට අතර රැඳී සිටින මෙම චිත්‍රපටය අමෙරිකානු බොක්ස් ඔෆිස් චිත්‍රපට අතර ද ඉහළින්ම කැපී පෙණුනි. එමෙන්ම මෙවර ලොව හොඳම චිත්‍රපට අතරට පැමිණි බොහොමයක් චිත්‍රපට සත්‍ය සිදුවීම් ඇසුරින් නිර්මාණය වූ ඒවා සේම ජීවිත කතා පාදක කරගත් චිත්‍රපට වීමද සුවිශේෂ කරුණකි.

යතේජා ඥානරත්න