|
|
මීළඟ සිනමා රංගනය අමන්දාට වඩා හාත්පසින්ම වෙනස්
‘නදී’ එවිටම ඇගේ ස්වරය නැවතත් මගේ දෙසවනෙහි නින්නාද වේ. මම ඇය සොයා යමි. ඒ එදා ඈ විසූ නිවෙසට නම් නොවේ. නමුදු විසල් නගරයේ ජනාකීර්ණ නොවූ එක් වීදියක දෙමහල් නිවෙසක් අසල මම නවතිමි. නාද කළ විදුලි සීනුව අසල තව මොහොතක් මම බලා සිටිමි. ගේට්ටුව විවර වේ. විවර වන ගේට්ටුවේ හිඩැස අතරින් මම ඈ හඳුනා ගනිමි. ‘අමන්දා’ මේ දිනවල තිරගත වන ප්‍රසන්න ජයකොඩිගේ ‘කර්ම’ චිත්‍රපටයේ ප්‍රධාන කතා නායිකාවයි. ‘මිෂෙල්’ අමන්දාගේ චරිතයට පණ පොවන මිෂෙල්ගේ මුවඟට නැඟෙන්නේ සිහින් සිනහවකි. ඒ සිනාවේ කතා බොහොමයකි. ‘රංගන ශිල්පිනියක්’ ඒ ඇගේ නව භූමිකාවයි. නව භූමිකාවට පෙර ඔබේ වෘත්තීය භූමිකාව වූ ගුරු භූමිකාව පිළිබඳ යමක් කියමුද? ‘මම පාසලක ඉංග්‍රීසි සාහිත්‍ය ගුරුවරියක්. පාසලෙන් පස්සේ පෞද්ගලික පංති පවත්වනවා. එදා ඉඳලම මම කැමැති උගන්වන්න. ඒක මම කැමති වෘත්තිය. ඉංග්‍රීසි සාහිත්‍ය කියන්නේ කලාවට ළඟ සබ්ජෙක්ට් එකක්. මිෂෙල් පවසන්නේ සැබෑ ගුරුවරියකගේ ස්වරයෙනි. එහෙම නම් ඔබ රඟපෑවේ? මම පිළිවිසියෙමි. ‘රංගනය කියන්නේ මට අමුතු දෙයක් නෙවෙයි. අම්මයි, තාත්තයි මාව ස්පීච් ඇන්ඩ්ඩ්‍රාමාවලට, ඉංග්‍රීසි සාහිත්‍ය ඉගෙන ගන්න අයිරිනීවනිගසේකර ළඟට යැව්වා. ඒ අවුරුදු හතරෙදි. ඔහු එලකියුෂන් ටීචර් කෙනෙක්. එතනදි මේ හැම දෙයක්ම ඉගැන්නුවේ ඩ්‍රාමා එකක් වගේ. ඒ නිසා ඉංග්‍රිසි ඩ්‍රාමාවලට මගේ හිත ගියා. මම ඉංග්‍රීසි ඩ්‍රමාවල ඇක්ට් කළා. මේ වෙන කොට වේදිකා නාට්‍ය 30 ක විතර රඟපාලා තියෙනවා. මම ගොඩක් කැමැති වේදිකාවට. රඟපාන වෙලාවේ ප්‍රේක්ෂකයන්ගෙන් ලැබෙන ප්‍රතිචාරවලට මම කැමැතියි. හොඳ එක්ස්පීරියන්ස් එකක් මට ලැබුණා. මේ අතරදි මම වෙළෙඳ දැන්වීම්වලට ගියා.ඈ නිරූපණය කළ දැන්වීම් ප්‍රේක්ෂකයන්ගේ අවධානය දිනා ගත්තේ ඉබේමය. ‘ඒත් මම මොඩ්ල් කෙනෙක් නොවෙයි. මම ඒ දේ කළේ විනෝදාංශයට. මිෂෙල් ඇය නිරූපිකාවක් යැයි හඳුන්වනවාට අකැමැති සෙයකි. ‘පිටපත අතට ගත්තට පස්සේ අමන්දා ගැන මොකද සිතුණේ?’
පියයුරු පිළිකාවකින් පෙළෙන ගැහැනියගේ චරිතය රඟපෑමේදී ඔබ අධ්‍යයනයක නිරත වුණාද? ‘ඔව්. මේ චිත්‍රපටයේ රඟපාන්නට පෙර මා ගුරු වෘත්තියෙන් ඉවත් වුණා. ඊට පස්සේ චිත්‍රපටය සඳහා කාලය කැප කළා. අමන්දා කියන්නේ බ්‍රෙස්ට් කැන්සර් එකක් තියෙන කෙනෙක්. බ්‍රෙස්ට් කැන්සර් තිබෙන අයත් සමඟ මා කතා කළා. අසනීපය ගැන ඔවුන්ගෙන් නොඇසුවත් ඔවුන් කරනා කියන දේ පිළිබඳ මම හිටියේ අවධානයෙන්. ඒ හැම තැනදීම මා විවිධ දේ මගේ චරිතයට ඇතුළු කර ගත්තා. රඟපාන කාලයේ මම හිටියේ බ්‍රෙස්ට් කැන්සර් එකක් තියන කනෙක් වගේ. අඬන තැන්වලදී මමත් ඈත් සමඟ ඇත්තටම ඇඬුවා. මට ග්ලිසරින් ඕන වුණේ නෑ. චරිතය සාර්ථක වෙන්න මේවා බලපාන්න ඇති.’ ‘කර්ම’ චිත්‍රපටයෙහි ඇත්තේ එක් ගැහැනු චරිතයක් පමණි. නදී හා පියල්ගේ චරිතයන් රඟපෑ ඔවුන්ගෙන් මිෂෙල්ට ලැබුණු සහයෝගය පිළිබඳ යමක් කිව්වොත්? ‘එතැන හිටිය එකම ගැහැනු චරිතය මමයි. ඔවුන්ගෙන් මට ලැබුණේ උපරිම සහයෝගයක්. ඒ කාලයේ මට හොඳට සිංහල කතා කරන්න පුළුවන්. අපි ඒ කාලයේ අපේ (චිත්‍රපටයේ) චරිත ගැන කතා කළා. නදී වගේම ජගත්ගෙන් ලැබුණු සහයෝගය රඟපෑමේදී මට හරියට උදව් වුණා. වැඩි කාලයක් මට රඟපාන්න තිබුණේ ජගත් එක්කයි. මම බාත්රූම් එකේ මිස් කැරේජ් වෙලා ඉන්න කොටස රඟපාන වෙලාවෙදී ඔහුගෙන් ලැබුණු සහයෝගය විශාලයි.’ ‘වැඩිහිටියන්ට පමණයි’ ලේබලය යටතේ තිරගත වන ‘කර්ම’ චිත්‍රපටයෙහි රඟපෑ අමන්දා වෙනුවෙන් මිෂෙල් බොහෝ කැප කිරීම් කර ඇතැයි සිතේ. මේ කැප කිරීම් කිරීමට සිය නිවැසියන්ගෙන් ලැබුණු සහයෝගය කොතරම්ද? ‘මගේ පුතා ඊතන්. ඔහු ජාත්‍යන්තර පාසලක ඉගෙන ගන්නා පුංචි දරුවෙක්. මගේ සැමියා ජීවන් ගුණතිලක. ඔහු ලෝයර් කෙනෙක්. ඔහුගෙන් ලැබුණු සහයෝලය නිසයි මේ චරිතය මට හොඳට රඟපාන්න හැකි වුණේ. සමහර අවස්ථාවලදී රඟපෑ යම් යම් දේ සඳහා මා එකඟ නොවුණත්, ඒ චරිතයට ඒ දේ අදාළ බව පැවසුවේ ඔහුයි.’ * ඔබගේ හැකියාව විහිද යන්නේ රංගනය කියන ක්ෂේත්‍රයට පමණක්ද?
* ඉදිරියේදීත් මිෂෙල්ගේ රංගනය සිනමා රසිකයන්ට දැකගන්නට ලැබෙයිද? ‘කර්ම’ චිත්‍රපටයට පස්සේ මා රඟපෑවේ පරාක්‍රම ජයසිංහගේ චිත්‍රපටයකයි. ඒ චිත්‍රපටය මේ චිත්‍රපටයට වඩා වෙනස්ම චිත්‍රපටයක්. හොඳ නිර්මාණයක් ආවොත් සලකලා බලනවා. රඟපාන චරිතය මටම ෂූට් වෙන්න ඕන. එහෙම නොවන නිර්මාණයන් මා බාර ගන්නේ නෑ. නිර්මාණයකට සම්බන්ධ වුණොත් හොඳට හිතලා බලලයි මා නිර්මාණය භාර ගන්නේ.’ සමුගන්නට මත්තෙන් ඔබ අප අතර ජීවත්වන අමන්දා යැයි අපට හැඟේ.
|
|
||||||||
|
|
||||||||
සියළුම හිමිකම් ඇවිරිණි |
විසල් නගරයේ එක් කොණක
නිවෙසක වෙසෙන යුවතියකගේ
ස්වරය අපට බොහෝ දේ පවසයි.
ඒ ස්වරය ඔස්සේ ඇඳෙනා
ඇගේ රුව මම පළමුවරට මා හදවත නැමැති
සිතුවමේ සිත්තම් කිරීමට තැත් කළෙමි.
‘අමන්දාගේ චරිතයට ආස වුණා. අමන්දා කියන්නේ ස්ට්‍රෝන්ග් ගැහැනියක්. හරිම වෙනස්
ගැහැනියක්. අපේ සමාජයේ ඉන්න ගැහැනියක්. මම ඈ ගැන හිතුවා. ඈ ගැන දුකක් මට තිබුණා.
අමන්දාට තනිවම ජීවත් වෙන්නත් පුළුවන්. ඒත් මේ චිත්‍රපටයේ තිබෙන සමහර තැන්වලට මම ආස
වුණේ නැහැ. සමහර තැනක තිබුණ දේට මා ලැජ්ජා වුණා. ඒක මම ප්‍රසන්නට කිව්වා. ‘මම
කවදාවත් වැරැදි විදියට චරිත හසුරුවන්නේ නෑ’ ප්‍රසන්න කිව්වා. ඒ ගැන හිතලා මම සතුටු
වුණා. සමහර සීන්වලදී මගේ ඉල්ලීමට හිටියේ ප්‍රසන්නයි, පාලිතයි විතරයි. සමහර දර්ශනයකට
ඩිජිටල් තාක්ෂණය යොදා ගත්තා. මේ නිසා ප්‍රසන්නත් එක්ක වැඩ කරන්න හරිම ලේසියි. ඔහුත්
එක්ක වැඩ කරන්න ආසයි. පහසුයි.’
‘මා පාසල් ගියේ සෙන් බ්‍රිජෙට් එකටයි. ඒ කාලයේදී මම පාසලේ විවිධ කටයුතුවලට සහභාගි
වුණා. පාසලේ සිටිද්දී බැලුව මුල්ම චිත්‍රපටය ‘ක්‍රිස්තු චරිතය’යි. ඊට පස්සේ පවුරු
වළලු නැරැඹුවා. තනි තටුවෙන් පියාඹන්න චිත්‍රපටයට මම කැමැතියි. ඒ වගේ සිංහල චිත්‍රපට
රාශියක් නරඹලා තිබෙනවා. වැඩියෙන්ම බලන්නේ ඉංග්‍රිසි චිත්‍රපට හා ඉංග්‍රීසි පොත්පත්.
සිංහල පොත්පත් කියවලා තිබෙන්නේ අඩුවෙන්. ඕ ලෙවල් සිංහල කළ නිසා ගම්පෙරළිය මා කියවා
තිබෙනවා. එහි එන නන්දාගේ චරිතයට මම ආසයි. ඒ ලෙවල් කළෙත් කලා විෂයයන්වලින්. ප්‍රංශ
භාෂාව, ඉංග්‍රීසි හා ආර්ථික විද්‍යාව ඉගෙන ගත් මා කැලණි විශ්ව විද්‍යාලයට ඇතුළත්
වුණා. එහිදී මා කළේ ඉංග්‍රීසි විශේෂ උපාධියක්. ඒ වගේම සංගීතයටත් මම බොහොම කැමැතියි.
නමුත් මට නටන්න නම් බැහැ. කැම්පස් එකේදි වුණත් රංගනය පැත්තට වැඩිය යොමු වුණේ නැහැ.
එක් අවස්ථාවකදී ‘ලේ මිසරාබ් ලේ’ කියන නිර්මාණය නාට්‍යයක් විදියට කළා. එය කළේ ප්‍රංශ
භාෂාවෙන්. එහි මා රඟපෑවේ පිරිමි චරිතයක්.’
