කවුද හරි කියලා ජන.30 වැනිදා බලාගමු කුමරෙක් ඇවිදින් හිඳීවි ඇගෙ අත ගන්නට මතුදා... නදිනි මවු පදවිය අභියස . . . ලාංකේය සිනමාවේ මෙතෙක් වැඩිම සම්මාන දිනු චිත්‍රපටය වන්නේ තන්හා රතී රඟා කේරළ සිනමා උළෙලට ‘ස්පන්දන’ වැඩ නිමයි චිත්‍රපටයේ ගීත 12 වැනි දා මාධ්‍යයට සිග්නීස් උත්තමාචාර උළෙල 07 වැනි දා තරංගනී ශාලාවේ ‘සමීප රූප’ තිස්ස අබේසේකර අභිනන්දන උළෙල දෙහදක් එක්වන සුන්දර දිනය අදයි තවමත් උදේ හවස මං යන්නත් බස් එකේ මම හ‍ෙඬන් දේශය පාලනය කරන කෙනෙක් . . . මම රඟපානවට සුමේධ කැමතියි එයා රඟපානවට මම කැමති නෑ උපන් දිනයට විලාසිතාගාරයක් මහින්දගේ පොලු නැටුම මිහිර යළිත් සිත් තැවුලින් වසන්ත නොනිදා ෂූටිං නොසිතූ අයුරින් සුබ පැතුම්... නිවාඩු කිව්වට නිවාඩුම නෑ... මන්සිළුගේ කාර් එක තව ඩිංගෙන් සුනේසුන් ගාලු වගේද ගෝව විවිධ හැකියා සමඟ පෙරට යන යොවුන් රංගන ශිල්පියා ඔහු ගැහුවේ මට නෙවෙයි මුළු සංගීත ක්ෂේත්‍රයටමයි නිළි රැජන සමඟ රංගනයක යෙදෙන්නට ආසයි පුතා ටිකක් ලොකු වුණාම මම රංගනයට යොමු වෙනවා කලිසම් රෙද්දයි, ෂර්ට් රෙද්දයි විකුණලා තමයි මම කොළඹ ආවේ සිංහල සිනමා විස්තරය 140 'රිදම්' සිංදු වැඩ කෝටියයි අරන් පස්වැනි සංවත්සරය සමරයි ස්නේහා මුහුරත් උළෙල හෙලෝ හිට්මෑන් මෙහාට එනවද පොඩ්ඩක් රංගනයෙන්-නර්තනයෙන් දස්කම් පාන නිලූකා මම එක ආත්මයක රජ කෙනෙක් තවත් ආත්මයක හාමුදුරු නමක් මට භාෂා විස්සකින් ගී ගයන්න පුළුවන් බිනරි දැන් ජනපි‍්‍රයයි මෙන්න හිරුණි ශෂිකලා පෝල් වෝකර් නික්ම ගියේය TOP TEN CHART FROM HOLLYWOOD අර්ජුන්ගෙන් අහන්න ප්‍රතිචාර ඈෂ් ද? ජයා ද? අභිෂේක් අතරමං අනිල් නමින් වාහනයක් රෑ කෑමට ලක්ෂ දෙකක්

පෝල් වෝකර් නික්ම ගියේය

නළුකම සුපිරි ජීවිතයකට වරම් ලබා දෙන බලපත්‍රයක් කියා බොහෝ දෙනෙක් සිතති. එහෙත් එය සුපිරි ජීවිත අවදානමක් සහිත වෘත්තියක් කියා සිතෙන්නේ මෙවන් ශෝකී පුවත් කන වැකෙන විටයි.

පෝල් වෝකර් අමෙරිකානු සුපිරි නළුවා ජීවිතයේ හතළිස් වැනි උපන් දිනය සැප්තැම්බර් 12 වැනිදා සැමරුවේ ‘ද ෆාස්ට් ඇන්ඩ් ද ෆියුරියස් අවසාන කතා මාලාව (7 වැන්න) පිළිබඳ දහසක් බලාපොරොත්තු ඇතුවයි. ‘ද ෆාස්ට් ඇන්ඩ් ද ෆියුරියස්’ සිනමාපටය කවදත් ඔහුට වාසනාව ගෙන ආවේය. ඔහු රැඟූ මැයි මාසයේ තිරගත කරන ලද 6 වැනි සිනමා කථාංගය අන්තර්ජාතික වශයෙන් ඩොලර් මිලියන 788 ක ආදායමක් ඉපයීය. මෑතකදී ඔහු විහිළුවට කියා සිටියේ තමන් එම කථා මාලාවේ 66 වැන්නේ ද රඟපාන බවයි. එහෙත් මේ සියලු වාසනාවන් පසුපස අවාසනාවක් ද ඔහු පසු පස හඹා ආවේය.

නොවැම්බර් 30 වැනි සෙනසුරාදා ඔහු තම රීච් අවුට් සමාජ සේවාව වෙනුවෙන් පැවති මෝටර් රථ ධාවන තරගයකට නරඹන්නකු ලෙස සහභාගි විය. ඔහුගේ මිතුරා රොජර් රොඩස් විසින් අධික වේගයෙන් පදවාගෙන ආ වාහනයට ඔහු යට වූයේ ඉතා අවාසනාවන්ත ලෙසය. රොජර් ඔහුගේ මිතුරා පමණක් නොව මූල්‍ය උපදේශකයා ද විය. මිතුරා තිස් අට හැවිරිදිය. මිතුරාත්, ඔහුත් එතැනම ජීවිතක්ෂයට පත් වූහ. අනතුර සිදු වූයේ ලොස් ඇන්ජලීස් ආසන්නව ඇති වැලෙන්සියා නගරයේයි.

වෝකර්ගේ පියා මෝස්තර නිරූපණ ශිල්පියෙකි. ඔහුට බාල සොහොයුරු සොහොයුරියන් පස් දෙනෙකි. පෝල් වෝකර් මුලින්ම මෝස්තර නිරූපණ ක්ෂේත්‍රයට රැගෙන ආවේ ඔහුගේ මවයි. එක්දහස් නවසිය අසූ ගණන්වල ළමා නළුවකු ලෙසින් ඔහු පුංචි තිරයේ ජනප්‍රිය විය. සිනමා රංගනයට පිවිසි ඔහු වඩාත් ජනප්‍රිය වූයේ 1999 තිරගත වූ වාසිටි බ්ලූස් හි ‘ලාන්ස් හාබර්’ චරිතයෙනි. පසුව ඔහු ‘ද ෆාස්ට් ඇන්ඩ් ද ෆියුරියස්’ සිනමාපටයේ පොලිස් නිලධාරී ‘බ්‍රයන් ඕ’ කෝනර්’ ලෙස ලොව පුරා රසිකයන්ගේ හද දිනා ගත්තේය. එයිට් බිලෝ, ඉන්ට්‍ර ද බ්ලූ, ෂී ඊස් ඕල් දැට් සිනමා රසික මතකයෙන් කිසිදා බැහැර නොවන ඔහුගේ ප්‍රබල රංගනයන් ඇතුළත් සිනමාපටයි.

රෙබෙකා මැක්බ්‍රේන් සමඟ පැවැත් වූ සබඳතාවෙන් ඔහුට මෙඩෝ නම් පහළොස් හැවිරිදි දියණියක සිටියි. බොහෝ කල් ඔහු ජීවත් වී ඇත්තේ සුනඛ සුරතලුන් සමඟයි. හත් වසරක්ම වෝකර් විසි තුන් හැවිරිදි ජැස්මින් පිල්චාඩ් සමඟ පෙමින් වෙළී සිටියේය. වෝකර් කවදත් වාහන ලෝලියෙකි. සමාජ සේවා කටයුතුවලට ද නොමඳව සහාය ලබාදුන් හොලිවුඩ් තරුවකි. කොයි කවුරුත් වෝකර් හඳුන්වන්නේ හිත හොඳ මිනිසකු ලෙසයි.

වෝකර්ගේ වියෝව වැඩිපුර දැනෙන්නේ වෝනර් සමාගමටයි. එහි අධ්‍යක්ෂ ජේම්ස් වෑන් ඇතුළු කණ්ඩායම මේ හදිසි වියෝවීමෙන් අතරමං වී සිටිති. කතාවේ හදවත වැනි චරිතයක් මරා දමමින් පිටපත ලිවීම ඔවුන්ට උභතෝකෝටික ප්‍රශ්නයකි. ඔහු මිය ගියේ 7 වැනි සිනමාපටයේ රූගත කිරීම් කිහිපයකට සහභාගී වන්නට තිබියදීය. හත් වැනි ද ෆාස්ට් ඇන්ඩ් ද ෆියුරියස් සිනමාපටය තිරගත වීමට නියමිතව ඇත්තේ 2014 ජූලි මාසයේදීය.

චම්පිකා දීපානි රණසිංහ