|
|
අන්තර් ජාලයේ නැටුම් පංති
මධුරි ඩික්සිත් නේනේ, සැමියා, වෛද්‍ය ශ්‍රීරාම් නේනේ සමඟ ඉන්දියාවේ පදිංචියට පැමිණියේ 2011 වසරේදීය. එතැන් සිට ඔවුහු ව්‍යාපාරික කටයුතු සමඟ අධික ලෙස කාර්යබහුල වූහ. දෙදෙනා එක් වීඅදර් චලන චිත්‍ර සමාගමක් පිහිටුවා ගත්හ. දැන් ඔවුන් අන්තර් ජාලයෙන් විශාල කාර්යය භාරයක් ඉටු කිරීමට සැලැසුම් කරගෙන යයි. රසික ජනතාවට විනෝදය, ක්‍රීඩාව, ජීවන රටාව, සෞඛ්‍ය ආදී බොහෝ අංශවලින් අධ්‍යාපනයක්, සතුටක් ලබාදීම ඔවුන්ගේ අරමුණයි. ළඟදීම මධුරි අන්තර් ජාල නර්තන ඇකඩමිය ඇරැඹීමට බලාපොරොත්තු වන්නීය. මේ ඇකඩමිය එදා මෙදාතුර තමන් සමඟ සිටින රසික ජනතාවට දෙන තිළිණයක් බව මධුරි පවසන්නීය. නර්තන ඇකඩමිය පැවැත්වෙන්නේ නොමිලයේ නිසා සැබැවින්ම මෙය අමිල තිළිණයක් වනු නිසැකයි. ජීවිතයේ විශේෂ අවස්ථාවලදී නර්තනයේ යෙදීමේදී හා ආත්ම තෘප්තිය සඳහා නර්තනයේ යෙදීමේදී මධුරීගේ නර්තන ඇකඩමියෙන් බොහෝ පාඩම් වයස්, දේශ සීමා, ගැහැනු, පිරිමි භේද නැතිව බොහෝ දෙනකුට ඉගෙනීමට ලැබෙනු ඇත. නොමිලයේ පැවැත්වෙන මුල්ම නර්තන පාඩම්වලදී තේසාබ් හී ‘ඒක් දෝ තීන්’ සහ හම් අප්කේ හේන් කොන් හී ‘මේ නි මේ’ ජනප්‍රියම ගීතමය නර්තන පියවරෙන් පියවර රසික ප්‍රජාවට ඉගැන්වීමට ඇය බලාපොරොත්තු වන්නීය. පසුව ප්‍රවීණ නර්තන ශිල්පීන් ද සහභාගි කරගෙන නර්තන පාඩම් ලබා දීම මධුරිගේ අදහසයි. ශාස්ත්‍රීය, බටහිර, බොලිවුඩ් නර්ථන රිද්මයට පා ඔසවන්න මධුරිගේ අන්තර්ජාල නැටුම් ඇකඩමිය ඔබේ නිවෙසට එන දිනය වැඩි ඈතක නැත.
මං විතරයි තනිවම දැන්
මෑතකදී පිළිකා ඉවත් කිරීමේ සැත්කමකට මුහුණ පෑ මනීෂා, ජීවිතයත් මරණයත් අතර හුදකලා සටනක යෙදුණාය. තනි වූ සිතට, තමන් සිනමා ලොව දිදුලන තාරකාවක ලෙස වැජඹෙද්දී සිටි මිතුරු මිතුරියන් සිහිවීම ස්වභාවිකය. රසික රසිකාවන් දහස් ගණනින් ඇයට ඉක්මන් සුවය පතද්දී, ක්ෂේත්‍රයේ තමන් සමඟ සිටි වැඩි දෙනෙක් ළෙන්ගතු පුංචි ඇමතුමකින් හෝ සිතට අස්වැසිල්ලක් ලබා නොදීම මනීෂාගේ සිත පාරන කරුණක් වී තිබේ. ‘බොලිවුඩයේ සහෝදර තරු සමඟ පැවැති මිතුදම හරියට සැබෑ කරගත නොහැකි සිහිනයක් වගේ’ ඇය ෆේස්බුක් බ්ලොග් අඩවියේ සඳහන්කර ඇත. දෙසැම්බර් මාසයේදී ඇයගේ ඩිම්බ කෝෂ පිළිකාව ඉවත් කෙරුණු අතර සුව දුක් විමසා ක්ෂේත්‍රයේ සමීප හිතවතුන් පවා අමතා නැත. සැත්කමින් පසු ඇය සමඟ දුක සැප බෙදාගෙන ඇත්තේ නිළියක හා චිත්‍රපට නිෂ්පාදිකාවක වූ දීප්ති නවාල්ය.
මිතුරන් පිටුපෑවත් සුව වූ පසු මූම්බායි පැමිණ යළි රංගන ජීවිතය ඇරැඹීමට මනීෂාගේ
අරමුණයි. දැන් ඇය තනිකම දුරුකර ගන්නේ චිත්‍ර ඇඳීමෙන් සහ ප්‍රංශ භාෂාව ඉගෙනීමෙන්ය.
|
|
||||||||
|
|
||||||||
සියළුම හිමිකම් ඇවිරිණි |
ඇද පොළොවක වුවත් මධුරි ඩික්සිත් නම් ඇසිපිය හෙළන්නටවත් අවසර නොදෙන අන්දමේ මනහර
නර්තනයක යෙදෙන්නීය. නර්තනය ඇයගේ මනාප ලැයිස්තුවේ අංක එකයි. නැටුමට උපන් හපන් ඇය නව
වසරේදී අන්තර් ජාලයෙන් නැටුම් පන්තියක් පවත්වාගෙන යාමට බලාපොරොත්තු වන්නීය. මේ
නැටුම් පන්තිය ලෝකයේම සිටින රසික රසිකාවන් වෙනුවෙන් විවෘතයි.
පල ඇති රුකට වවුලන්ගෙන් අඩුවක් නැත. එහෙත් පල නැතිදා කුරා කුහුඹුන් පවා ඒ අසලට
පැමිණෙන්නේ නැත. මේ සොබා දම් නීතිය මනීෂා කොයිරාලට ද පොදු වූවකි.
අම්මෙ පෙම්බරා
තොස කොට
දෙන්ට අවසරා
කරීනාගේ
කඳුළු පිසලූ හැටි
