|
|
සුදත්ත තිලකසිරිගේ නිවසට හොරු පැනලා
සරසවියෙන් අප හිතාදර සුදත්තට දුරකතන ඇමතුමක්. පොඩි කරදරයක් වුණා කියලා දැනගන්නට ලැබුණා. අනේ ඔව්. පොඩි කිව්වට පොඩි එකක්ම නෙවෙයි. සුදත්ත කතාව පටන් ගත්තා. ඉරිදා රාත්‍රියේ තමයි මේ සිද්ධිය වුණේ. වෙලාව රෑ නවයට විතර ඇති. මුහුණු වහ ගත්තු තුන්දෙනෙක් පැපිලියානේ මගේ නිවසට ආවා. එයාලගෙ අතේ ආයුධත් තිබුණා. මට තර්ජනය කරලා අතේ තිබුණු සේරම දේවල් මංකොල්ල කෑවා. ඊට අමතරව එවලෙහි නිවසේ සිටි අයගේ අත පැළැඳි දේවල් සේරමත් ඉල්ල ගත්තා. ඒත් නිවසේ අල්මාරි ඇද්දෙත් නැහැ. මගෙන් මුදල් ඉල්ලුවෙත් නැහැ. කොහොම හරි ලක්ෂ දහයක විතර බඩු භාණ්ඩ අපිට අහිමි වුණා. මට දැනෙන විදිහට ඒ අය ඇත්ත මංකොල්ලකාරයෝ නෙවෙයි. මගේ සතුරන් පිරිසක් කියලයි මට හිතෙන්නේ. මං මේ බොහෝ දේවල් හම්බු කෙරුවෙ කලාවෙන්. ඒ නිසා හරි හම්බු කරපු මේ දේවල් මෙලෙස අහිමිවීම කණගාටුවක්.
අහංකාර ස්ත්‍රී ටෙලියක් වේ
එහි අලුත්ම පුවත වනුයේ අහංකාර ස්ත්‍රී එලෙස ටෙලි නාට්‍යයක් බවට පත්වන බවය. ඒ ඩෙන්සිල් ජයවීරගේ අධ්‍යක්ෂණයෙනි. ආචාර්ය සහීඩා හෙට්ටිආරච්චි අහංකාර ස්ත්‍රී ටෙලි සිතුවම නිෂ්පාදනය කරයි. එදා චිත්‍රපටයෙහි මුල් වරට ළමා චරිතයක් රැඟූ වීණා ජයකොඩි මෙදා වසර පනස් අටකට පසු ටෙලි සිතුවමෙහි ද රංගනයේ යෙදීම විශේෂත්වයකි. ඇය සමඟ ආනන්ද වික්‍රමගේ, ජනක් ප්‍රේමලාල්, නයනා කුමාරි, උදිත් අබේරත්න, ශ්‍රියාණි මහවත්ත, ප්‍රියන්ත මංසිළු, ප්‍රසාද් ගලප්පත්ති, සුරන්දි සිල්වා, රාජසිංහ ලෝලුවාගොඩ, චාමි සේනානායක, නිලංගනී පෙරේරා, ගුණවර්ධන හෙට්ටිආරච්චි, අනෝජා වීරසේකර, නෙත්මි මිෂෙල්, නුවන් කළුආරච්චි, සුගත් ජානක ඇතුළු පිරිස රංගනයේ යෙදෙති.
ගාමිණී කොස්තාගේ අංග රචනයකි. රාජසිංහ ලෝලුවාගොඩ තිර රචනය සකසයි. සහය අධ්‍යක්ෂණයෙන් නිම්ෂාන් වීරක්කොඩි, කලා අධ්‍යක්ෂණයෙන් සුසන්ත කැලුම් ද, කැමරා අධ්‍යක්ෂණයෙන් අමිත් කළුබෝවිල එක්වෙති. ලීලා විතානගේ ගේ රේඛීය නිෂ්පාදනයකි. සිංහල සිනමා ඉතිහාසයේ විසි හය වැනි චිත්‍රපටය වූ අහංකාර ස්ත්‍රී 1954 වර්ෂයේදී තිරගත විය. එය ඒ. බී. රාජ්ගේ අධ්‍යක්ෂණයකි. එස්. එම්. නායගම් එහි නිෂ්පාදකවරයා විය.ලංකාරෙන් මලක් පිපී සැලෙන්නේ, ලෝකය පෙරළෙයි කාලෙ ගෙවී යයි වැනි අදටත් ජනප්‍රිය ගී ඇතුළත් වූයේ මෙම චිත්‍රපටයටය. ක්ලැරිස් ද සිල්වා, රවීන්ද්‍ර රූපසේන, රත්නා කුමාරි ද සිල්වා, හියුගෝ ප්‍රනාන්දු, රෝහිණී ජයකොඩි, මාක් සමරනායක ආදී පිරිස මෙහි රංගන දායකත්වය සපයන ලදී. අහංකාර ස්ත්‍රී සඳහා පාදක වූයේ වේලක්කාර මාගල් පරාශක්ති නමැති දමිළ චිත්‍රපටයයි. අහංකාර ස්ත්‍රී ටෙලි සිතුවමෙහි අධ්‍යක්ෂ ඩෙන්සිල් ජයවීර වඩාත් ප්‍රකට සංස්කරණ ශිල්පියකු වශයෙනි. ඔහු දයාබර නිලූගෙන් පටන් ගෙන චිත්‍රපට හැටක පමණ සංස්කරණය කොට තිබේ. ඔහුගේ පළමු චිත්‍රපට අධ්‍යක්ෂණය වනුයේ වස්සානේ සෙනෙහසයි. එය මෙම වසරේදී තිරගත විය. කොළඹ ගලධාරි හෝටල් පරිශ්‍රයේ පැවති අහංකාර ස්ත්‍රී මුහුරත් උළෙලදා එහි පිරිවර සමූහ ඡායාරූපයකට මුහුණ දුන් අයුරුයි මේ.
|
|
||||||||
|
|
||||||||
සියළුම හිමිකම් ඇවිරිණි |
සුදත්ත තිලක්සිරි ද
කතා කරන්නේ?
එදා ළමා නිළිය වීණා අදත් චරිතයකට
චිත්‍රපට ඇසුරෙන් ටෙලි නාට්‍ය
කිහිපයක් පසුගිය කාලයේ බිහිවිය.
ගඟ අද්දර, චංචල රේඛා, ගිනි අවි සහ
ගිනි කෙළි, එක්ටැම් ගේ, පරසතු මල්
(නිර්මාණය වෙමින් පවතින) ඒවා අතර
තිබේ. 
අධ්‍යක්ෂණය මෙන්ම සංස්කරණය ද ඩෙන්සිල්ගෙනි. විධායක නිෂ්පාදනය සහ මූල්‍ය කළමනාකරණය
මෝලි පෙරේරාගෙන්ය.
චන්දිකගේ ගීත ඇල්බමය
චමත්කාර හීන එළි දක්වයි
වසන්ත මොරගොඩ
දිගු කාලයකට පසු අධ්‍යක්ෂණය කරන
ඇලපාත පිලිප්, බටුගෙදර හෙවත් අනූනවයෙන් නවය
හාස්‍යෝත්පාදක ටෙලි සිතුවම පසුගිය ඉරිදා සිට විකාශය වීම
ඇරැඹිණ. සෑම ඉරිදාවකම රාත්‍රී 7 ට ස්වර්ණවාහිනිය ඔස්සේ
දිග හැරෙනු ඇත.
කලා අධ්‍යක්ෂවරයකු ලෙස ක්ෂේත්‍රයේ නමක් දිනා ගත් සුජීව ගුණරත්න ඩස්ට් නම් වූ
ටෙලි සිතුවමක් නිර්මාණය කරමින් අධ්‍යක්ෂවරයකු බවට පත් විය.
එහි මුහුරත් උළෙල ජයන්ත චන්ද්‍රසිරිගේ ප්‍රධානත්වයෙන් ගලධාරී හෝටල් පරිශ්‍රයේදී
පැවැත්විණ.
