පත්තිනි ආනන්ද දේශපාලනයට බයද? ගාමිණී ඇසුවා Mother's Day අශෝක සෙනරත් මුදලිගේ දියණිය විවාහ වූ ද ‘මචං උඹ නං කවදාවත් හැදෙන මිනිහෙක් නොවෙයි’ හේමසිරි හල්පිට අපෙන් සමුගෙන දස වසරකි මාලිනී සුබ උපන් දිනයක් ඇගේ ඇස අග විශිෂ්ට අංශයට ස්වර්ණා යළි සිනමාවට වෙළෙඳ සේවයට තවත් බයිලා එපා මම එංගලන්තයට ගියේ ප්‍රේක්ෂක ප්‍රතිචාර ඉහළින්ම ලැබුණු කාලයක ෂාරුක්ට සිංහලෙන් ලියැවුණු ගීතය ‍ඩී. බී. නිහාල්සිංහයන්ගේ නික්ම යාම සිංහයාට සමුගැනීමට අවසර නැත ජීවිතේට නාට්‍ය නොදැකපු අයටත් අපි නාට්‍ය පෙන්නුවා Bollywood සංගීත අධිරාජ්‍යයේ ඔටුනු පලන් කුමාරයා විෂය නොදැන වේශ නිරූපණයට පිවිසෙන අය අද වැඩියි මානසික සුවයටත් කලාව ලොකු උදව්වක් රීගල් සිනමාශාලාවේ පැවති සක්කාරං මංගල දැක්මදා මගේ ලිමිට් එකට ඇඟ පේන්න අඳිනවා ඉහළ ප්‍රතිචාර බය වෙච්ච තරම රෝද හතර උඩ පුදුම ඉල්ලං කෑමක් අලුත් වැඩක නව තනතුරක් ලැබිලා ප්‍රසන්නලා, උදයකාන්තලා සෝමරත්නට විතරක් නෙවෙයි එදා මෙදා තිරගත වූ සිංහල චිත්‍රපට

ෂාරුක්ට සිංහලෙන් ලියැවුණු ගීතය

මේ වීඩීයෝව www.sarasaviya.lk ඔස්සේ නැරඹිය හැකිය

අලුත් මියුසික් වීඩියෝ ගැන කියවමු

ෂාරුක් ඛාන්ගේ ෆෑන් චිත්‍රපටය මේ දිනවල ලොව පුරා අති සාර්ථකව තිරගත වෙනවා. ඒ සිනමා සිතුවම වෙනුවෙන් භාෂා දහයකින් ගීතයන් නිර්මාණය වුණා. තවත් විදිහකින් කිව්වොත්, ෆෑන් චිත්‍රපටයේ තේමා ගිතයේ හින්දි වචන වෙනුවට ඒ තනුවටම වෙනත් භාෂා දහයකින් වචන යොදලා ඒ ඒ රටවල් තුළ එම ගීය ප්‍රවර්ධනය කිරීමට චිත්‍රපටය නිෂ්පාදනය කළ යාෂ් රාජ් සමාගම පියවර ගත්තා. ඔවුන් සිංහල භාෂාව ද තේරාගෙන තිබුණා. එය අපේ රටට සුවිශේෂී වූ කාරණයක් කියලා කියන්නට පුළුවන්. ෆෑන් චිත්‍රපටයේ සිංහල ගීතය ගැයුවේ කවුද කියලා දෙවනුව මා කියන්නම්. ඊට පෙර බලමු එහි පදමාලාවේ අපූර්වත්වය. මේ වචන වෙන කාගෙවත් නෙවෙයි මනුරංග විජේසේකරගේ.

කොහෙද හලෝ ඔබ ඉන්නෙ
මෙතැන සහෝ මම ඉන්නේ
ට්විටර් ෆේස්බුක්වල මං රැකන් ඉන්නවා
කොහෙ බැලුවත් ඔබ ඉන්නේ
මගෙ ළඟ වග තේරෙන්නෙ
මගෙ උමතුව ඔබ හින්දයි
නින්දක් නැතුවා
ඔබ බෝතලෙ හින්දා
මම මූඩිය වෙන්නා
මෙතුන් ලෝකේ ඉන්නා
කට්ටිය දන්නා හින්දා
මගෙ ජීවිතෙ දැන් මොබයිල්ෆෝන් එකක් වගේ නිසා ඔබව සොයනවා
මිතුරා ලොවෙත් ඔබේ හිතට දැනෙන
ෆෑන් මම තමා//
මිතුරා මමයි ඔබෙ ළඟින් ඉන්න ලොකුම රසිකයා
මිතුරා ලොවෙත් ඔබේ හිතට දැනෙන
ෆෑන් මම තමා
ඔබ ගැන ඩිග්රි
කෙරුවා පේවී
මගෙ ජීවිතෙ ගැන අර්ථය දැන් ඔබයි මිත්‍රයා
හද තුල භක්තී
ගලනවා නැහැ වී
බොලේ මා නටනා පිස්සුව මේ පාරේ පුරා
අනේ මගෙ සිහිය දෙන්න
දැන්වත් ඉන්න දෙන්න
ඔබගේ සුපිරි තරුව ළඟදී මගෙ
සිහිය නැති වුණා
අනේ ඉන්න බෑ මෙදා
මිතුරා...

ස්ටයිල් එකත් ටොප් හින්දා
මොඩ්ල් එකත් මරු හින්දා
මගේ වයර් මික්ස් වෙනවා ඔබ හින්දා
කියන තැනට මං එනවා
බාධක මම පහුකෙරුවා
කාටවත්ම නවතනු බෑ ළඟටම එනවා
ඔබ ජාඩිය හින්දා
මම මූඩිය වෙනවා
හෙට ගැන දන්නේ නැතුවා
අපි අද ජීවත් වෙනවා
ලොවේ ඔබ ගැන සොයනා
වෙන අය නැතුවට කම් නෑ මිතුරා
මිතුරා...
 

එදිනෙදා භාවිත කරන වචන ටිකක් රැගෙන මනු සරලව මේ ගීතය ලියලා තියෙනවා. ඔහු කොහොමත් අමුතු අන්දමේ ගීත ලියන්න දක්ෂයෙක්නෙ. රම්බරි, රතු රට කජු, ළබැඳියේ, මිසිස් පෙරේරා, සාරි පොටේ ආදී ගීත ගියලා තියෙන්නේ මනුරංග තමයි. දැන් අපි කියන්න ලැහැස්ති වෙන්නේ ෆෑන් සිංහල ගීතයේ ගායකයා ගැන. මේ වන විට ලක්ෂ දෙකකට වැඩි පිරිසක් යූ ටියුබ් හරහා මේ ගීතය අහලා තියෙන නිසා මෙහි හඬ මුසු කළ කෙනා කවුද කියලා අමුතුවෙන් කියන්න ඕනෑ නැහැ. නමුත් හඳුන්වාදීම අපගේ යුතුකමක් නිසා ඉන්ෆාස් ලෙසට අප ඔහුව නම් කරනවා. ෆෑන් ගීතය ගයන්න ඔහුව තේරා ගත් තැන සිට අල ගිය මුල ගිය වැල ගිය තැන් සේරම ඉන්ෆාස් එක්ක අපි මෙන්න මෙහෙම කතා කරලා දැනගත්තා.

* ඉන්ෆාස්, මෙරට සංගීත ක්ෂේත්‍රයේ ඔබ කැපී පෙනෙන චරිතයක්. නමුත් ජාත්‍යන්තරයට ඔබ ගිය අවස්ථා අඩුයි. ඉතින් කොහොමද ඔබව මේ සඳහා යාෂ්රාජ් සමාගම තේරා ගන්නේ?

ඒක වුණේ මෙහෙමයි. අපේ සංගීත ක්ෂේත්‍රයේ ක්‍රිෂාන් කියලා යොවුන් සංගීත ශිල්පියෙක් ඉන්නවා. ඔහු වැඩිපුරම ජනප්‍රිය කිං සවුත් නමින්. ක්‍රිෂාන් පවත්වාගෙන යනවා ආයතනයක් පැරමවුන්ට් 360 නමින්. එහි සබඳකම් තියෙනවා යාෂ්රාජ් සමාගම හා එකතු වී වැඩකරන යුනිසිස් කම්පැනියක් එක්ක. කිං සවුත්ට ඒ හරහා තමයි මේ ආරාධනාව ලැබිලා තියෙන්නේ. මාව නෙවෙයි ඔවුන් ඉල්ලලා තිබුණේ.

* එහෙනම්?

කිං සවුත් ළඟ ලංකාවේ නව පරපුරේ ගායකයන් කිහිප දෙනෙකුගේ නම් සහ නිර්මාණ තිබුණා. ඒ ගොඩේ මමත් හිටියා. ඒ හැම දෙනා අතරින් යාෂ්රාජ් සමාගම තෝරාගෙන තිබුණේ මාව.

* මොකක්ද ඔවුන් ඔබගෙන් දුටු විශේෂත්වය?

මං ඒ ගැන නම් වැඩිය හොයලා බැලුවේ නැහැ. මට ලැබුණු අවස්ථාවෙන් ප්‍රයෝජනයක් ගත්තා පමණයි.

* ෆෑන් ගීතයේ මෙලඩිය අහපුවාම මොකද හිතුණේ?

ඇත්තම කිව්වොත් මං ඒක අහලා හොඳටම බය වුණා. මාව මේ සඳහා තෝර ගත්තා කියන සන්තෝසෙත් ගියා සිංදුව අහලා. මොකද මං හිතාගෙන හිටියට වැඩිය සිංදුවේ මෙලඩිය හුඟක් වෙනස්. ඒක ෆාස්ට් සෝංග් එකක්. මං මීට කලින් ඒ වගේ සිංදුවක් කියලා නැහැ. අන්තිමේ මෙලඩිය හොඳට ඇහැව්වා. අහලා ඒක ෆලෝ අප් කළා. මුලින්ම චකිතයෙන් සිංදුව කිව්වේ. ටිකක් වෙලා යද්දී සිංදුව මට දැනුණා. ඊට පස්සේ හරි.

* දවස් කීයක් ඇතුළතදී ගීතයේ වැඩ කටයුතු නිම වුණාද?

දවස් තුනයි. දවස් තුන ඇතුළත සියලු වැඩ අප නිම කළා.

* ෆෑන් සිංහල ගීතය අහලා යාෂ්රාජ් සමාගම මොනවද කියලා තිබුණේ?

එයාලා අපේ සිංදුවට හොඳ පබ්ලිසිටියක් දීලයි අවුට් කළේ. ඔවුන් කියලා තිබුණා බෝරිං ටයිම්වල මේ ගීතය අහන්න කියලා. එතකොට ප්‍රබෝධමත් වෙනවලු.

* ෂාරුක් ඛාන්ගෙන් ලැබුණු ප්‍රතිචාර කොහොමද?

ඔහු ඔහුගේ ට්විටර් ගිනුමේ ගීතය ගැන සඳහනක් තිබුණා. ලංකාවටත් ස්තුති කරලත් තිබුණා ඔවුන්ගේ ආරාධනාව පිළිගෙන සිංහලෙන් ගීතය ගැයුවට.

* ගීතය ලියන්න ඇයි මනුරංගව තෝරා ගත්තේ?

මනුට තියෙන්නේ වෙනස් ආකාරයක දැක්මක්. මම ගොඩක් කල් ආසාවෙන් හිටියා ඔහු ලියූ ගීතයක් ගයන්න. මමමයි මනුව මේ සඳහා තෝරා ගත්තේ. ඔහු සුපිරියටම වැඩේ කළා.

* අවසන් කොට මොනවද කියන්න තියෙන්නේ?

මේ අවස්ථාව මට ලැබුණු එකක් කියලා මම හිතන්නේ නැහැ. මේක සමස්ථ ලංකවේම ජයග්‍රහණයක්. ඒ හින්දා මං ලාංකිකයකු විදිහට ආඩම්බර වෙනවා ලංකාවේ නම ජාත්‍යන්තරයට ගෙනියන්න හැකි වුණාට. ඒ වගේම www.facebook/infaasmusic සහ www.facebook/krishanmusic කියන මගේ ෆේස්බුක් පිටු හරහා ගීතය මෙතෙක් ඇසුවේ නැති අයට රස විඳින්න කියලත් ආරාධනා කරනවා.

 සටහන - ප්‍රසාද් සමරතුංග