|
|
||
එන්න හීන දකින්න
ලස්සනම ලස්සන චිත්‍රපටයක්
“ කෝ මේ ඉස්කෝලේ ප්‍රින්සිපල් ” එය රැගෙන පැමිණෙන්නා අසන්නේ විදුහල්පතිතුමෙක් කොහොම වෙතත් ඉස්කෝලේ විසිර සිටින පාසල් ළමුන්ගෙනි. “ අර කළු පෙට්ටිය මොකක්ද ලොකු සර් ? ” ඉස්කෝලෙට ගෙනා අබිරහස් පෙට්ටිය ගැන මේ ළමයින්ගේ සිත්වල හටගෙන ඇත්තේ කුහුලකි. “ඒක ඇතුළේ ඉන්නවා භයානක මකරෙක්. ” මුල් ගුරුතුමා කුතුහලයෙන් පිරුණු ළමයින් දෙස බලා පවසන්නේ ඔවුන් බිය ගන්වන අදහසිනි. එනමුත් මේ ළමුන්ගේ කුතුහලය රැඳුණු මුහුණු පවසන්නේ එය පිළි නොගන්නා බවකි. ඒ අතර අබිරහස් පෙට්ටියේ කතාව විසඳන්නට මෙන් ඔවුන් හමුවට පැමිණෙන්නේ අමුත්තියකි. මේ අමුත්තිය අමුතුම කෙනෙකි.
“ ඔන්න එහෙමනම් අල්ලමු ” “ නෝනා මේ පළාතට අලුත් වගෙයි” “ඒ වුණාට මේ වගේ වැඩවලට අලුත් නැහැ ” අමුත්තිය මුළු ගමටමත් අමුත්තියකි. ඈ අබිරහස් පෙට්ටිය වයමින් ගයයි.
ලලලල ලලලල
හදිසියේම හැමෝටම මුණ ගැහෙන මුළු ගමම ඇහැරවන හරි අමුතු හීනයකි. හැමෝගෙම රෑ නින්ද
නැති කරන එකම එක හීනයකි. “ මම අද කතා කරන්න යන්නේ අපි කවුරුවත් කවදාවත් දැකලා නැති දෙයක් ගැන.” “ ඒක තියෙන්නේ කොහෙද ලොකු සර්” “ ඒක කොයි වගේ ද?” “ අනේ දෙයියනේ ” ඒ හීනෙට පාර කියන මහා වීර අරගලයකි. මොකක්ද මේ අරගලය. මොකක්ද මේ හීනය. ඒ ගැන දැන ගන්න නම් මේ 11 වැනිදා සිට තිරගත වන ඉන්දික ෆර්ඩි නැන්ඩුගේ ‘හෝ ගානා පොකුණ ’ ළමා චිත්‍රපටය නැරැඹීමට ඔබට සිදුවනු නියතය. ජාත්‍යන්තර සම්මාන රැසක් දිනාගත් ‘ හෝ ගානා පොකුණ ’පවුලේ සියලුදෙනාටම නැරැඹිය හැකි සොඳුරු සිනමා නිර්මාණයකි. එන්න. මේ නිවාඩු මාසයේ ඔබ වෙනුවෙන්ම නිමවුණු ‘ හෝ ගාන පොකුණ’ සිනමාපටය නරඹන්න. අපි ඔබ හැමෝටම ආරාධනා කරන්නෙමු.
|
||
|
||||||||
|
|
||||||||
සියළුම හිමිකම් ඇවිරිණි |
ඈත හද්දා පිටිසර ගම්මානයකි. ගුරුවරු නැති ඉස්කෝලයකි. මේ ඉස්කෝලේ ඉගෙන ගත්තේ
දුප්පත්ම දුප්පත් ළමයි දහඅට දෙනෙකි. එක්වරම එක්තරා උදෑසනක ඉස්කෝලෙට අරගෙන එන
අබිරහස් පෙට්ටියකි. 
