කවදා හෝ නොම්මර එකේ නිළියක් වෙනවා විමුක්තිගේ ‘සුළඟ ගිනි අරන්’ අන්තර් ජාතික ඇගැයුමට ‘ඇගේ නෙත අග’ ටැලින් බ්ලැක් නයිට්ස් උලෙළේ තරගකාරී අංශයට 21 වැනි සියවසේ මිනිසුන් ජාතික රාජ්‍යයකට සීමා වන්නේ නෑ කලා පොලිසියක නිදාන කතාව එන්න හීන දකින්න ඔයා එක ටේක් එකෙන්ම වැඩේ කළා දෙරණ සම්මාන කවුරුද හරි? දෑස රිදෙනවා පෝලිම බලා එදා හඳමයි අදත් යෞවනයේ රඟපාන හැටි ගාමිණීගේ සුරය මගේ බෙල්ලෙ එල්ලෙයි සුදු නොමැති ලොවක තනියෙන් ඉඳ පලක් නෑ එදා සිසිර ගැයුවේ මා ගැනයි මාත් එක්ක වැඩ කරන්න නම් ඒ ගැන හදාරලා එන්න ඕනෑ හැඩයි - වැඩයි දෙකම තියෙන කොල්ලො ඉන්න හික්කඩුවේ Shiny නැවතත් ප්‍රසංග වේදිකාවට ප්‍රියංකර සහ ජයන්ත සිග්නීස් දිනති කෝපි කඩේ ඇසිලින් සදහටම නික්ම යයි යාවජීව සම්මානය තිස්තුන්දෙනා පෙට්ටියේ සනීපය කොරියානු චිත්‍රපට උලෙළ හෙට ඇරඹේ රු: 3000 කට රැවුල කපලා සළුපිලි අඩුවුණා නුඹේ සක්මන් බෝ වුණා නුඹේ ගැහැනු ළමයින්ගෙන් පරිස්සම් වෙන්න කියා තාත්තා මට නිතර කීවා සල්මන්ගේ අභියාචනය සිංහල සිනමා විස්තරය ප්‍රතිචාර පරණ පාර දිගේ රන්බීර් ඉස්සරහට NEWS අර්ජුන්ගෙන් පිළිතුරු අමීර් ඉන්දියාව හැරයයි ?

තෙසාරා අතිනත ගත් දා

ජනප්‍රිය නිළි තෙසාරා ජයවර්ධනගේ විවාහ උත්සවය පසුගියදා අත්තිඩියේ ඊගල් ලේක් සයිඩ් ගුවන් හමුදා උත්සව ශාලාවේදී පැවැත්විණ. ඇගේ අත ගත්තේ ශ්‍රී ලංකා ගුවන් හමුදාවේ ගුවන් නියමු ජීත් සුමේධ සමරසේකරයි. උඩරට ඇඳුම් කට්ටලයෙන් සැරසී සිටි මේ නව යුවළගේ මංගල්‍යයේ තේමාව වූයේ දඬුමොණරය සහ රාවණා යන්නයි. තෙසාරා මනාලියක ලෙස හැඩ වැඩ කළේ චන්දිමාල් ජයසිංහයි. නව යුවළගේ ඇඳුම් නිර්මාණය චරිත් සහ නයෝමි යන ශිල්පියා හා ශිල්පිනියගෙනි. තෙසාරා - ජීත් ඔබ දෙපළට ‘සරසවිය’ සුබපැතුම්!

-තිලානි

සේයාරුව - රංජිත් අසංක

භවතරණ දිල්ලියට

දිල්ලි අන්තර් ජාතික සිනමා උලෙළේ අවසාන තරඟයට දේවින්ද කෝන්ගහගේ ගේ භවතරණ සිනමාපටය තේරී පත්ව තිබේ. රටවල් පනහක සිනමාපට තුන්සියයකට ආසන්න ප්‍රමාණයක් මෙම උලෙළ නියෝජනය කරයි. ඒ අතරින් උලෙළේ තරගකාරී අංශයට එක් වන එකම ලාංකික සිනමාපටය වනුයේ භවතරණයයි. මෙම උලෙළට සහභාගිවීම සඳහා එහි අධ්‍යක්ෂ දේවින්ද ප්‍රධාන චරිත මවන චන්දික නානායක්කාර සහ සජීව් රාජපුත්‍ර හෙට දිනයේ දිවයිනෙන් පිටත්වීමට නියමිතය.

-ප්‍රසාද්

පැරැණි හින්දි ගී ගායන ප්‍රසංගයක්

පැරැණි හින්දි ගී චිත්‍රපට රසික සමාජය ඉදිරිපත් කරන පැරැණි හින්දි ගීත ගායනා ඇතුළත් ප්‍රසංගයක් මෙම මස 06 වැනිදා එනම් ලබන ඉරිදා උදෑසන කොළඹ මහජන පුස්තකාල ශ්‍රවණාගාරයේදී පැවැත්වෙයි. මෙවර විශේෂයක් ලෙස එච්. ආර්. ජෝතිපාලයන් ගායනා කළ ගීතවල මුල් හින්දි ගීත රැසක් මෙම සමාජයේ ගායක ගායිකාවන් විසින් ගායනා කරනු ලබයි.

පැරැණි ගීත ඇතුළත් සී. ඩී. සහ ගීත දර්ශන සහිත ඩී. වී. ඩී. තැටි ද එදින ලබාගැනීමේ හැකියාව තිබෙන අතර නොමිලයේ පැවැත්වෙන මෙම ප්‍රසංගය සඳහා සහභාගිවන්නට යැයි හින්දි ගීතවලට ළැදි රසික රසිකාවන්ට විවෘත ආරාධනාවක් කරයි.

-ප්‍රසාද්

සේලිත මුණසිංහට සම්මාන

අධ්‍යාපන අමාත්‍යංශ මගින් ‘තෙවැනි ඇසින් ලොව දකිනු’ යන තේමාව යටතේ 2014 වර්ෂය සඳහා පැවැත් වූ සමස්ත ලංකා පාසල් ඡායාරූප තරගයේ ජයග්‍රාහකයන්ට අධ්‍යාපන අමාත්‍යාංශයේ දී පසුගියදා සහතිකපත් සහ පදක්කම් ප්‍රදානය කරන ලදී. එහිදී තෙවැනි ස්ථානය දිනා ගන්නා ලද්දේ ඡායාරූප ශිල්පී අතුල මුණසිංහගේ පුතු වන සේලිත මුණසිංහ පාසල් සිසුවායි.

සේලිත රත්මලාන කොතලාවලපුර මහා විද්‍යාලයේ දහතුන වසරේ තාක්ෂණික අංශයේ ඉගෙනුම ලබන අතර මතුගම සී. ඩබ්ලිව්. ඩබ්ලිව්. කන්නන්ගර මධ්‍ය මහා විද්‍යාලයේ ආදී ශිෂ්‍යයෙකි. ඔහු ශ්‍රී ලංකා ජාතික ඡායාරූප ශිල්පින්ගේ සංගමයේ ද සමාජිකයෙක් වෙයි. මෙහි දැක්වෙන්නේ සේලිත මුණසිංහ අධ්‍යාපන නියෝජ්‍ය අමාත්‍ය වී.එස්. රාධ ක්‍රිෂ්ණන් අතින් ලබාගත් සම්මානය අතැතිව ඡායාරූපයකට මුහුණ දුන් අයුරුයි.

- තිලානි

නිර්මාල්ගෙන් නව ව්‍යාපෘති සැලස්මක්

පිටසක්වල අබිරහස සිනමාපටය අධ්‍යක්‍ෂණය කළ නිර්මාල් රාජපක්‍ෂ මේ වනවිට විශේෂ ව්‍යාපෘතියක නියැළෙන බව සරසවියට පැවසුවා. ඒ මෙරට සිනමා ක්‍ෂේත්‍රයට පරිගණක විශේෂ ප්‍රයෝගකරණය වැඩි තාක්‍ෂණයෙන් යුතුව යොදාගන්නා ආකාරය පිළිබඳය.

මේ වනවිට නිර්මාල් ඒ වෙනුවෙන් ව්‍යාපෘති සැලැස්මක් ද ජාතික චිත්‍රපට සංස්ථාවට බාර දී ඇත. ජාත්‍යන්තර මට්ටමේ පරිගණක විශේෂ ප්‍රයෝගකරණය සිදුකෙරෙන ආයතන සමඟ ඔහු මේ වනවිට සකච්ඡා කරමින් සිටියි. තව නොබෝ දිනකින් ඔවුන්ගේ තාක්‍ෂණය මෙරටට ලබාගත හැකි බව නිර්මාල් පෙන්වයි.

-ප්‍රසාද්
 

නිවාඩුවට ජාතික රූපවාහිනියෙන්

පාසල් නිවාඩු කාලයේ දූ දරුවන්ට හරවත්, වටිනා වැඩසටහන් පෙළක් ජාතික රූපවාහිනියෙන් විකාශය කිරීමට නියමිතය. දෙසැම්බර් 7 වැනිදා සිට ජනවාරි 01 දා තෙක් පෙ. ව. 7.00 සිට පෙ. ව. 8.30 දක්වා විකාශය කෙරෙන 'හිටියොත් හොඳට හැදී දෙවියොත් නමට වඳී' විශේෂාංගය ඒ අතරින් ප්‍රධානය. මේ වැඩසටහන් පෙළින් කලාකරුවන් සහ විද්වතුන් ගෙන එන 'මම නිවාඩු කාලය ගත කළ හැටි', සහන් රන්වලගේ නිවාඩු කාලේ ගයමු ජන ගී, වලස් මාමා කාටුන් පෙළ, සැබෑ වීරයෝ (දිරිමත් ලෝ ප්‍රකට චරිත), මානව, සත්ත්ව පරිණාමය ගැන, ඉඟුරු පාන් මල්ලි කතා පෙළ, ගණිතයයි විනෝදයයි, මඟ තොටදී ආරක්ෂාව යන වැඩසටහන් විකාශය කෙරෙයි.

යුනිකෝන්, ද සෝසරස් ඇප්‍රෙන්ටිස්, කැමල් කානිවල්, ඩැස්ල්, ද ඩෝ සිනමා පට දෙසැම්බර් මාසයේ සෑම ඉරිදාවකම පස්වරු 1.00 ට විකාශය කෙරේ.

කිං ආතර් ඇන්ඩ් රවුන්ඩ් ටේබල් සජීවිකරණ කාටුන් මාලාව, 'හිත හොඳ කුමාරයා' නම් නවතම හඬ කැවූ කාටුන් මාලාව විකාශය කෙරෙන්නේ ද දෙසැම්බර් නිවාඩු කාලයේය. ඒ සඳුදා සිට බ්‍රහස්පතින්දා දක්වා පස්වරු 4.30 ටය.

වැඩ සටහන්වල තේමා ගීත සහ නිපැයුම් මෙහෙයුම සිනමා හා හඬ කැවීම් ඒකකයේ අධ්‍යක්ෂ අතුල රන්සිරිලාල් ගෙනි.

- තිලානි