දසුන් ගැහුවත් හරි ඇස්වලින් කඳුලුත් පැන්නා සන්තුෂ් - දුෂ්යන්ත් පසුපස යෝධ හස්තයක් ආදර කටයුතු පිළිබඳ වෙනම අමාත්‍යාංශයක් ඕනෑ සිංහල සිනමා විස්තරය 212 සිහින විමානේ ආදර මතඟන මා වෙත ඈ එනවා සිංහල සිනමාවට රන් දේදුනු පායන අලුත්ම චිත්‍රපටය The Rainbow සුඛෝපභෝගී ජීවිතයට වඩා සරල ජීවිතයට අපි කැමැතියි රඟපෑමේ ආදායම පුණ්‍ය කටයුතුවලට රණසිංහ සිල්වා කැන්ගරු දේශයෙන් කලාවට එන කරු ප්‍රියානන්දගේ පස්මල්පෙති පී‍්‍රතිපුරට පිරි නැමේ මම අද ඔත්පළ වී ඇඳට සීමා වෙලා එදා දෑස පා සිනා ගැයූ මාවතේ ගීතයට හැට වසරක් ඡන්ද තිබුණත් අපි මැරෙන්නෙ නෑ නිරෝෂා තෝරා ගත්තම සුමිත්‍රාට විදෙස් තර්ජනයක් Cover Back 2014 දී ඛාන්ලා රජ වෙති මහේන්ද්‍රගෙන් රංගන පාසලක් මගේ හීනය සැබෑ වෙන්නේ මැයි මාසයේ මග දිගට රස කතා Hollywood Top 10 ගොළු හදවත ජීවිත කාලය පුරාවටම මතක සටහනක් ආදර පුවතක අලුත් කතාව මම කරදරකාර නළුවෙක් නෙමෙයි යූ හැව් ඩන් ඉට්ස් වෙරි වෙල් සිංහල සිනමාවේ ප්‍රථම සුපිරි නළු ප්‍රේම් ජයන්ත් හා නන්දා ලීලානායක ගැන පුතෙකුගේ මතකය ක්ලීටස් මෙන්ඩිස් අනුලා කරුණාතිලක අතර දෙබස කුමක්ද?

Hollywood Top 10

ත්‍රාසය, හාස්‍ය, ප්‍රේමය ගැන කතා කරන සිනමා ලෝකය අප සුරංගනා ලොව වෙත ගෙන යන්නේ ද හරිම අපූරු ආකාරයටයි. වසරක් නිම වී නව වසරක ආරම්භය සිදුවන විටදී අප ආපසු හැරී බැලුවහොත් මතක සටහන් බොහෝමයි. එහි සාර්ථකත්වය වගේම අසාර්ථකත්වයත් තියෙන්න පුළුවන්. හොලිවුඩය දෙස ආපසු හැරී බැලුවහොත් එහි සාර්ථකත්වයෙන් යුතු නිර්මාණ ප්‍රේක්ෂකයාට ගෙන එන්නේ සුබවාදී අනාගතයක්.

පසුගිය වසරේ ඉහළ ආදායම් ලද හොලිවුඩ් චිත්‍රපට ගොන්නෙහි ඉදිරියෙන්ම සිටින්නේ මයිකල් බේ විසින් අධ්‍යක්ෂණය කළ  Transformers : Age of Extinction චිත්‍රපටයයි. Transformers  චිත්‍රපට මාලවේ සිව්වැන්න ලෙස නිර්මාණය වූ එහි ප්‍රධාන නළු නිළි යුවළ වූයේ මාර්ක් වෝල්බර්ග් සහ නිකොලේ පේල්ට්ස්ය. පසුගිය වසරේ ජූනි මාසයේ තිරගත වීම ආරම්භ කළ එය ලොව පුරා ප්‍රදර්ශනයෙන් ඉපැයූ ආදායම ඩොලර් බිලියන 1.087 කි.

ඉහළ ආදායම් අතරේ දෙවැනි ස්ථානය හිමි වූයේ ගැලක්සි රැකවළුන් හටය. එනම් Guardians of the Galaxy. චිත්‍රපටයයි. පසුගිය 2014 වසරේ අගෝස්තු පළමුවැනිදා තිරගත වීම ආරම්භ කළ Guardians of the Galaxy  චිත්‍රපටය ලද ආදායම ඩොලර් මිලියන 772 කි. මෙහි ප්‍රධාන චරිතයට පණ පොවමින් රංගනයට දායක වූ ක්‍රිස් පැට් හට පසුගිය වසරේ ඉහළ ආදායම් ලද හොලිවුඩ් නළුවන් අතරේ අංක එක හිමි වී ඇත. පසුගිය වසර තුළදී ඔහු විසින් උපයන ලද ආදායම ඩොලර් බිලියන 1.2 කි.

ඩොලර් මිලියන 757 ක ආදායමක් ලද  Maleficent  චිත්‍රපටය ඉහළ ආදායම් ලද චිත්‍රපට අතරේ තෙවැනි ස්ථානයට පත් විය. සුරංගනා කතා තේමාවක් ගෙන ආ එහි අධ්‍යක්ෂණය රොබට් ස්ට්‍රෝම්බර්ග් විසින් සිදු කෙරිණී. සුපිරි වීර කතාවක් තිරයට ගෙන ආ X Men : Dais of Future Past චිත්‍රපටය පසුගිය වසරේ ඉහළ ආදායම් අතරේ සිව්වැනි ස්ථානය දිනා ගත්තේය. ට්වෙන්ටියත් සෙන්චුරි ෆොක්ස් ඉදිරිපත් කළ එය ලොව පුරා තිරගත කිරීමෙන් ඩොලර් මිලියන 746 ක ආදායමක් ලැබීය.

ඇන්තනි රූසෝ සහ ජෝ රූසෝ අධ්‍යක්ෂණය කළ Captain America : The Winter Soldier  පස්වැනි ස්ථානයට පැමිණෙන්නේ ඩොලර් මිලියන 714 ක ආදායමක් වාර්තා කරමිනි. මාර්වල් චිත්‍ර කතා තිරයේ ජීවමාන කළ මෙය 2014 වසරේ අප්‍රේල් මාසයේදී ඉහළම ආදායම ලෙස ඩොලර් මිලියන 95 ක් වාර්තා කරන ලද්දේ මීට පෙර  Fast Five  ඩොලර් මිලියන 86.2 කින් තබන ලද වාර්තාව බිඳ දමමිනි. ඩොලර් මිලියන 70.8 ක ආදායමක් ලද The Amazing Spider - Man 2 ඉහළ ආදායම් ලද චිත්‍රපට අතරේ හය වැනි ස්ථානය හිමිකර ගන්නා විටදී ඩොලර් මිලියන 70.8 ක ආදායමක් ලද Dawn of the Planet of the Apes හත් වැනි ස්ථානයට පත් විය.

The Hunger Games චිත්‍රපට මාලාවේ තෙවැන්න The Hunger Games : Mockingjay  චිත්‍රපටය අටවැනි ස්ථානයට පත් වූයේ ඩොලර් මිලියන 67.1 ක ආදායමක් උපයා ගනිිමිනි. එහි කැට්නීස් එමර්ඩීන් ලෙසින් ප්‍රධාන චරිතය නිරූපණය කළ ජෙනිෆෙර් ලෝරන්ස් පසුගිය වසරේ ඉහළම ආදායම් ලද නිළිය බවට පත් වූයේ ඩොලර් බිලියන 1.4 ක ආදායමක් වාර්තා කරමිනි. ක්‍රිස්ටෝපර් නෝලන් අධ්‍යක්ෂණය කළ Interstellar  චිත්‍රපටය වැඩිම ආදායම් ලද චිත්‍රපට අතරේ නව වැනි ස්ථානය හිමි කර ගන්නේ ඩොලර් මිලියන 64.8 ක ආදායමක් ලබමිනි. ඩ්‍රීම්වර්ක්ස් ඇනිමේෂන්

නිෂ්පාදනයක් වූ How to Train Your Dragon 2  චිත්‍රපටය පසුගිය වසර තුළ ඉහළ ආදායම් ලද චිත්‍රපට අතරේ හිමිකර ගත්තේ දස වැනි ස්ථානයයි. එය ලොව පුරා ප්‍රදර්ශනයෙන් උපයාගත් ආදායම ඩොලර් මිලියන 61.8 කි. උදා වූ නව වසරේ ද තවත් චිත්‍රපට නිර්මාණ රාශියක්ම තිරගත වීමේ බලාපොරොත්තුවෙන් සිටිති. ඒවායේ රසාස්වාදය විඳින්නට ඔබට මේ වසර පුරාවට අවස්ථාව හිමිවනු ඇත.

යතේජා ඥානරත්න