|
|
ඔහු මගේ සැමියා පමණක් නොවේ හොඳම යාළුවාපසුගිය වසරේ වෙන්ව ගිය ක්ලයිව් මාටිනස් ගැන බිරිය ඩෙරිල්ගේ මතක සටහන්
ඒ ඕ තම ප්‍රථම දරුවා බිහි කිරීමට දින දින ළං වන නිසාය. තම සැමියාගේ දෑතේ වෙලෙමින් ස්ටෙලා වෙරළ දිගේ පියමං කළේ තම ඉදිරියට නෙරා ආ කුසට ද අත තබමිනි. දිනය 1966 ජනාරි දහ වැනිදාය. ස්ටෙලා තම සැමියා වූ මාර්ටිනස් සමඟ රෝහලට පිටත් විය. ඒ ඕ හට ශරීරයේ ඇති වූ යම් අපහසුවක් නිසාය. එදින සවස් වන විට ඈ පින්වන්ත පිරිමි දරුවෙකුට උපත ලබා දුන්නාය. මාර්ටිනස් මේ පිළිබඳ සතුටින් ඉපිලයමින් සිටියේය. මේ දරුවා වයසින් වැඩෙත්ම සාහිත්‍යයට සහ නාට්‍යකරණයට මනා දස්කමක් දක්වන්නට විය. ඔහු මොරටුව වේල්ස් කුමාර විද්‍යාලයට මූලික අධ්‍යාපනය සඳහා ඇතුළත් විය. පාසල් කාලය තුළදීත් හේ දස්කම් දැක් වූයේ නාට්‍ය සහ චිත්‍රපටකරණයටය. පසු කලකදී හේ ලංකාවේ තිර කතා රචකයින් අතර නමක් දිනා ගැනීමට සමත් වූ තිර කතා රචකයෙක් විය. එපමණකින් නොනැවතී සහාය අධ්‍යක්ෂණයට එක් විය. වසර ගණනාවක් ක්ෂේත්‍රයේ රැඳී සිටි ඔහු පසුගිය වසරේ අගෝස්තු මස දෙවැනි දින වයස අවුරුදු හතළිස් අටේදී දිවි මාවතෙන් සමුගෙන ගියේය. සොඳුරු මිනිසෙකු වූ ක්ලයිව් මාටිනස්ගේ අතීත සොඳුරු මතක සැමරීමට මෙවර ‘පිය සටහන්’ සමඟින් එක්වන්නේ ඔහුගේ සෙනෙහෙබර බිරිඳ ඩෙරිල් මාටිනස්ය. තම ස්වාමියාගේ වියෝ වීමේ දුක සිතින් තවමත් දරාගෙන ඔහු වෙනුවෙන්ම ජීවත් වන නෙතඟින් ගැලූ කඳුලක් පිස දමමින් අප හා කතාවට එක් වූවාය. 1985 අවුරුද්ද වන විට එයා තිර කතා ගොඩක් ලියලා තිබුණා. එයාගේ ජනප්‍රිය වුණ ප්‍රථම තිරකතාව නිහාල් සිල්වා අධ්‍යක්ෂණය කරපු සාජන්ට් නල්ලතම්බි කතාවයි. ඊට පසුව ටික ටික වේදිකා නාට්‍ය හා චිත්‍රපටවල තිරකතා ලියන්න එයා පටන් ගත්තා. විශේෂයෙන්ම වේදිකා නාට්‍යයත් එක්ක එයා ලොකු ගනුදෙනුවක් තිබුණා. ඒ වෙනකොට ක්ලයිව් වැඩ කළේ පෞද්ගලික බැංකුවක. 1990 වසරේදී බැංකුවේ සේවයෙන් ඉවත් වෙලා එයාගේ කාලය සම්පූර්ණයෙන්ම කලාව සඳහා යොමු කළා. ඊට පසුව සහාය අධ්‍යක්ෂණය, සංස්කරණය වගේම අධ්‍යක්ෂණයටත් පිවිසියා. චෙරියෝ සාජන්ට් එයාගේ රචනයක් වගේම අධ්‍යක්ෂණයක්.
පසු කාලෙක එයා නාට්‍යයක් පෙන්වන්න පැරීසියට පැමිණියා. එහිදී එයාගේ යහළුවෙකුගේ
මාර්ගයෙන් මාව හඳුනා ගත්තා. ඒ වෙනකොට මට සිංහල වචනයක්වත් කතා කරන්න බැහැ. එයාගේ
මිතුරුකම පසු කාලයකදී පෙම් සබඳතාවක් දක්වා දුර දිග ගියා. එයා මාව ලංකාවට එක්කන්
ආවා. අතීතය සිහිපත් වී ඇය මොහොතක් නිහඬ වූවාය. එහෙත් නැවතත් යථාර්තයට පැමිණි ඕ දිගු සුසුමක් හෙළුවාය. සිහින් ස්වරයෙන් ඕ නැවතත් ක්ලයිව් ගැන මතකය අවදි කළාය. ‘එයා පිළිවෙලට ඉන්න හරිම කැමැතියි. එයාගේ මොරටුව ගෙදර වටපිටාවේ ගස් කොළන් වගේම තණකොළ වවලා ලස්සනට තියාගෙන හිටියේ. මාව ලංකාවට එක්කන් ආවට පස්සේ එයා මුලින්ම කළේ මට සිංහල භාෂාව උගන්වන එක.
එයා ඒ වෙන කොට තිර රචනා බොහෝමයක් ලියලා තිබුණේ. හරියටම ගිය වසරේ ජනවාරි මාසයේ එයාගේ දිවේ පොඩි කැන්සර් එකක් ආවා. ඒ වෙනුවෙන් හොස්පිටල් ඇඩ්මිට් වුණා. ඒ අවුරුද්දේම මාර්තු මාසේ සනීප වෙලා ආවා. ඊට පසුව ටික කාලයක් නැවත කලාවත් එක්ක එයා ජීවත් වුණා. ජූනි මාසයේදී එයාට ආයෙත් අසනීප තත්ත්වයක් ආවා. එයා මහරගම හොස්පිටල් එකේ ප්‍රතිකාර ගත්තා. නමුත් රෝගය උත්සන්න වුණේ නැහැ. මම මගේ අතින්ම හදන කෑම බීම එයාට කවලා පොවලා තමයි හොස්පිටල් එකෙන් ගෙදර යන්නේ. හරියටම 2013 අගෝස්තු 02 වැනිදා රාත්‍රියේ එයා ළඟ ඉඳලා මම ගෙදර ආවා විතරයි. රෑ හොස්පිටල් එකෙන් කෝල් එකක් ආවා ඉක්මනට එන්න කියලා. අනේ මම රෝහලට යන කොට එයාගේ බොඩි එක සුදු රෙද්දකින් වහලා තිබුණා. එයාගේ පණටත් වඩා ආදරය කරන මාව තනි කරලා එයා ස්වර්ගයට ගිහින්. මම අදටත් දවස් තුනකට වතාවක් එයාගේ සොහොන ළඟට යනවා. එයා වෙනුවෙන් මම අදටත් ජීවත්වෙනවා. මගේ නෑයින් මට ජීවත් වෙන්න අවශ්‍ය මුදල් හදල් ලබා දෙනවා. නමුත් ක්ලයිව් නැති පාළුව මට ජීවිතේටම දරා ගන්න බැහැ. ඒ නිසාම අපි දෙන්නා හිටිය ගේ අතහැරලා වෙනම තැනක පදිංචි වුණා. එයා චෙරියෝ හොල්මන්, ලොක්කයියා, දිගු සෙවනැලි, හිමගිර මුදුන ආදී බොහෝ ටෙලි නාට්‍ය හා චිත්‍රපට තිර රචකයා. ඩබල් ට්‍රබල් චිත්‍රපටයේ තිර රචකයා. සහාය අධ්‍යක්ෂණය හා සම නිෂ්පාදනය ක්ලයිව්ගේ. නමුත් එයා ජීවත් වෙලා ඉන්න කොට කළ නිර්මාණවලින් බොහෝ අය අයුතු ප්‍රයෝජන ගන්නවා. මම ඒ සඳහා නීතියෙන් කටයුතු කරනවා. ක්ලයිව් දරුවෝ විදිහට හැදුවේ එම නිර්මාණ. ඒ නිර්මාණ විනාශ කරන්න දෙන්න මට බැහැ. මම ඒ නිසා ක්ලයි වෙනුවෙන් ඒ නිර්මාණත් එක්ක ජීවත් වෙනවා. මම මේ ලෝකේ ජීවත් වෙන්නේ ක්ලයිව්ගේ නිර්මාණ ආරක්ෂා කරන්න. එසේ පැවසූ ඇය දෙනෙතින් ගලා යන කඳුළු කැට පිස දමමින් ඔහුගේ ඡයාරූපයක් දෙස බලා සිටියාය.
|
|
||||||||
|
|
||||||||
සියළුම හිමිකම් ඇවිරිණි |
සැඳෑ හිරු කිරණ වෙරළට වැටෙන විට වැලි කැට දීප්තියෙන් බැබලෙන්නේ සුබ පණිවුඩයක්
කියන්නාක් මෙනි. පෙණ පිඬු නංවමින් වෙරළ සිප ගන්නා රළ පෙළ ස්ටෙලා මාර්ටිනස්ට ගෙන ආවේ
අමුතු හැඟීමකි.
මම පුළුවන් තරම් හොඳින් සිංහල භාෂාව ඉගෙන ගත්ත. එයා මට බිරිදට වගේ නෙමේ සැලකුවේ.
එයාගේ හොඳම යාළුවට වගේ. අපි දෙන්නා අතර කිසිම ආරවුලක් ඇති වෙලා නැහැ.
