වැඩියෙන්ම වියදම් කළ අලුත් ඇවෙන්ජර්ස් සැබෑ සෙනෙහසේ අසිරිමත් රිද්මය වස්සානයේ සඳ රංගනයටයි මාධ්‍යයටයි මං එක ලෙස ආදරෙයි දහම් සිසිලෙන් අමාදහර ගලා යයි 25 වසරක සැමරුම දා නුර්තිය පණ ලබයි දේශීය සිනමාවේ උන්නතිය උදෙසා නිර්දේශ ඉදිරිපත් කිරීමටඅතිගරු ජනාධිපතිතුමා විසින් පත් කරන ලද කමිටු වාර්තාව (3 කොටස) සිංහල සිනමාවේ පිය රජු නිධානය ගිල්ල රටට රණමයුර කජ්ජක්ද පියුමි හංසමාලි එකම දවසක චිත්‍රපට දෙකකින් එකවර තිරයට විජය නන්දසිරි පිළිරුවට මුල පුරයි කුසල් නිසා කුසල් කන්ද පෙනේද? කන්දෙ පෙනේද? ළඟින් සෙල වුණේ නැහැ පුංචි පවුල පඩිපෙලේ ලැඩී හා මාක් කරට කර රඟපෑ දුප්පතාගේ දුක මුලින්ම නාන ඇඳුමෙන් රඟපෑ ශාන්ති ලේඛා යට ගිය දවස අමිතාබ්-රිෂි තාත්තයි පුතයි මේ මා දැයි මට අදහාගන්නත් බැරිවුණා පාර කිව්වේ ගහේ ඉන්න කුරුල්ලෙක්’ හිරු නැගෙනතුරු තිත්ත කහට බොමුද සමුගත් නිධානය ලිංගික අපචාරවලට එරෙහිව මෙවර ‘කාන්’ අවි ගනිති සිනමාවේ මුල් සොයා පුංචි රෝමයට රවුමක් අද කෝලම් ගැනයි

කුසල් නිසා කුසල්

කලාකරුවන් අතින් සිදුවන විරල සිදුවීම් ගැන මේ ඉඩකඩෙහි නිරන්තරයෙන් පළ වෙනවා. ඇතැම් ඒවා අගය කළ යුතු කටයුතු වන අතර ඉන් සමහර සිදුවීම්වල ඇත්තේ උපහාසයක්ම පමණයි. ඒත් මේ අර්ජුන කමලනාත්ගේ සිදුවීම පළමු ගණයට වැටෙන්නක්. ඒ කියන්නේ අගය කළ යුත්තකි. කුසල් සිනමාපටය තිරගතවන කාලේ තමයි මේක වුණේ. සුපුරුදු පරිදි අර්ජුන චිත්‍රපටය තිරගත වෙද්දී චිත්‍රපට ශලා ගානේ ගියේ එහි සාර්ථකත්වය ගැන සොයා බැලීමටයි. ඔහොම යද්දී එක්තරා චිත්‍රපට ශාලාවක ලොබියේ වයසක ජෝඩුවක් වාඩි වෙලා ඉන්නවලු. ඒ වෙලාවේ චිත්‍රපට දර්ශනයත් පටන් අරන්. අර්ජුන කුතුහලයෙන් යුතුව මේ දෙදෙනා ළඟට ගිහිල්ලා. අර්ජුනව දැකපු ගමන් දෙදෙනාම අසුනින් නැගිට්ටලු.

අනේ මේ අපේ අර්ජුන මහත්තයනෙ.

අර්ජුන හිනාවකින් ඔවුනට සංග්‍රහ කළාලු.

කුසල් බලන්නද ආවෙ.

අර්ජුන එහෙම ඇහැව්වට පස්සේ දෙදෙනා බිම බලා ගත්තලු.

ඔව්. අපේ මුණුපුරෝ එක්කගෙන ආවේ. කටවුට් දැකලා චිත්‍රපටය බලන්නම ඕන කිව්වා. ඔන්න දෙන්නා දැන් ඇතුළේ.

වයසක ජෝඩුවේ පිරිමි කෙනා එහෙම හෙමින් මිමිනුවාලු.

එතකොට ඔයාලා නොගියේ?

අර්ජුනගේ ප්‍රශ්නයට දෙදෙනාම මඳ වේලාවක් නිහඬව හිටියලු.

අපි දෙන්නට සල්ලි නැහැ මහත්තයෝ චිත්‍රපට බලන්න. තිබුණු සල්ලිවලින් තමයි පොඩිවුන් දෙන්නව ගෙනාවේ.

ඒක අහපු ගමන් අර්ජුන වහාම තමන්ගේ මුදල්වලින් ටිකට් දෙකක් අරගෙන ඒ දෙදෙනාව ශාලාවට යැව්වලු. චිත්‍රපටය බලලා ඒ අය එදා ගෙදර ගියේ අර්ජුනට නොසෑහෙන්න තුති පුදලලු.