රැකියාවත් යෝජනාවත් අතරට මැදිවන සේනකගේ කතාව උගුලයි මඟුලයි ඒත් මාව බේරාගත්තේ දෙවියන්” මෙන්න මෙවර ගෝල්ඩන් ග්ලෝබ් නිකිනියානේ ‘කැලෑහඳ’ මෝදුවන අයුරු කැන්දකැටියවත්තේ සිට බලා සිටියෙමි සෞන්දර්ය ඒ කුමක්ද? මං ඒ නිළිය නොවෙයි නිදහසේ පියා පූර්ව ප්‍රචාරක පටය එළි දකී ඔබ එනතුරු අපි ඉඳිමු ජෙනීට ලැබෙන ප්‍රතිචාර ගැන කියල වැඩක් නැහැ ගාමිණී ෆොන්සේකාගේ සිනමා ප්‍රකාශනය අවසාන කොටස සිනමා කතාබස් අතීත කලා ලෝකයේ රස තොරතුරු සොයා යන ලිපි පෙළක් ‘මෙච්චර දුරක් තනියෙන් ඇවිත් ප්‍රතිචාර අපෙන් සමුගත් කලා ලොව හිතවතා අදීශ කාංචන අබා කුමරු ස්වර්ණපාලිය ගැන ගැයූ ගීතය පොංගල් උත්සව සමයට සත්‍ය පුවතකින් තැනුණු ආකර්ෂණීය චිත්‍රපටයක් රෝහණ තාත්තාගේ කළිඳු පුතා අන්නා දොරේ සිට රජිනිකාන්ත් දක්වා Bioscope Politics ITN Saturday Night Movie අඩු O/L පූජාච පූජනීයාන සඳකඩ පහණක ඔපලූ කැටයම් සැරිසරන දින පොතක් ජීවිතය සුන්දරද මෙතරම් තවත් මහා පරිමාණ බැංකු කොල්ලයක්

සඳකඩ පහණක ඔපලූ කැටයම්

සඳකඩ පහණ වචනය ඇසුණ සැනින් මතක් වන කාරණා දෙකක් තියෙනවා. ඉන් එකක් තමයි අපේ උරුමයක් වූ සඳකඩ පහණ. අනෙක සුනිල් එදිරිසිංහයන් ගයන ගීතය. සුභාවිත ගීතයට ළැදි සියල්ලන්ගෙන් තමන් වඩාත් කැමැති ගීතයක් ලෙසට සඳකඩ පහණ හඳුන්වා දෙනවා. ඒකේ වාදයක් නැහැ. දන්නවද මේ ගීතයට අදට වයස කීයද කියලා. හරියටම අවුරුදු හතළිස් පහයි. සතිස්චන්ද්‍ර එදිරිසිංහගේ මාතර ආච්චි චිත්‍රපටය සඳහා තමයි මෙම ගීය ඇතුළත් වුණේ. සඳකඩ පහණ සමඟින් සතිස් ඇතුළු තව තිදෙනෙක් සිනමාවට නවමු නමක් රන්දන්නට සමත් වෙනවා. මාතර ආච්චි කියන්නේ සතිස්චන්ද්‍රගේ කුලුඳුල් අධ්‍යක්ෂණයනෙ. අධ්‍යක්ෂවරයකු හැටියට ඔහු ගමනක් අරඹන්නේ ඒ හරහා. තමන්ගේ මලණුවන් වූ සුනිල් එදිරිසිංහව සඳකඩපහණ ගීතය ගායනා කරවමින් ගායකයකු බවට සතිස් පත් කරනවා. එතැන් පටන් අප සුභාවිත ගීතයේ සුනිල සලකුණ ඔහු. වික්ටර් රත්නායක ගායකයකු ලෙසට නමක් දිනාගෙන හිටියත් සිනමා සංගීත අධ්‍යක්ෂණයට පිවිසෙන්නේ මාතර ආච්චි චිත්‍රපටය සමඟිනි. සඳකඩ පහණ පදමාලාවට සංගීතයෙන් ජීවය සපයන්නේ ඔහු. සඳකඩ පහණ ගීය ලියා දෙන්නේ වොලී නානායක්කාර. ඔහුගේ ද පළමු හා එකම ගීත රචනය වන්නේ මෙයයි. මේ සිව් කට්ටුව කළ ඒ වික්‍රමයට අදට අවුරුදු හතළිස් පහයි. කොතරම් කාලයක් ගත වුණත් සඳකඩ පහණහි ජනප්‍රියත්වය අචලව තිබෙනවා කියලා කියන්න පුළුවන්. ඒ වගේම මාතර ආච්චිත් තවම තරුණයි.