තාත්තලාගේ ආදරේ ඇත්තටම ඒ ලෙවල් කට්ටියක් මම ජීවිතේට මුලින්ම අප්පච්චි කිව්වේ බුද්ධි සර්ට ‘බූටෑවේ රටේ රාළ’ සරසවියට ඇවිත් ධනංජය, ශෂිනි එක්ක අලුත් නිවහනකට ගොඩවැඳිලා ශෂී 1938-2017 චයිනා ටවුමේ රිංගා ඉන්නා මු වැඩකරු නින්ජා ශිෂ්‍යත්වය - උසස් පෙළ සිනමාහලේ රන්ජන් රාමනායකගේ ඩොක්ටර් නවරියන් හෙට මෙන්න පහ සමත් වුණු කට්ටිය ගාමිණී ෆොන්සේකාගේ සිනමා ප්‍රකාශනය - 2 සිනමා කතාබස් අතීත කලා ලෝකයේ රස තොරතුරු සොයා යන ලිපි පෙළක් විමර්ශනයක් ගැටලුවක් සිදුවීමක් Richie මං ඔයාව බලන්න පොලීසියටත් ආවා ප්‍රතිචාර 21 වසරකට පෙර සංගීතඥ සරත් බාලසුරිය අතුරුදන් විය! තාරුණ්‍යයේ මහ කලා මංගල්‍යය යෞවන සම්මාන උලෙළ බාලේ සිට යෞවනයට හෝම් වර්ක් කරන නිවේදක නිවේදිකාවන් අද අඩුයි හිටි ගමන් මහලුවූවෝ මෙන්න ITN Saturday Night Movie ඩාන්සිං ක්වීන් සහ ෂාරුක් ඛාන් ගිහිං එන්න කොහොම කියන්නද වැව රවුමේ වයර් ෂෝට් හොඳ අවස්ථාවක් ‘රසිකයෝ මාව බිත්තියට හේත්තු කරලා ඉවරයි...’

ඇත්තටම ඒ ලෙවල් කට්ටියක්

රොහාන් පෙරේරාගේ නවතම නිර්මාණය

ඔවුන්ගේ ජීවිත තුළ ඇත්තේ එකම එක බලාපොරොත්තුවක් පමණි. ඒ අපොස උසස් පෙළ ඉහළින්ම සමත්වීමය. ඒ වෙනුවෙන් ඔවුහු බොහෝ කැප කිරීම් කරති. අනුත්තර, අශාන්, යොමාල් ඒ කණ්ඩායමය. අනුත්තර ඔවුන්ගේ නායකයාය. කෙටියෙන්ම කිවහොත් කණ්ඩායමේ බ්‍රයිටාය. මහත යොමාල් ඔවුන් අතරින් කෑම බීමේදී මුල්තැන ගනියි. කොච්චර කෑවත් බඩ නොපිරෙන ඔහුගේ බඩේ හිඟන්නකු ඇත්දැයි සැක සහිතය. අනුත්තරට සිටින්නේ මව පමණි. ඇයට අවශ්‍ය අනුත්තරව ඉගෙනීමෙන් ඉහළටම ගෙන ඒමටය. අනුත්තර ද මවගේ බලාපොරොත්තු ඉටු කිරීමට මහත් වූ උනන්දුවෙන් කටයුතු කරයි.

උසස් පෙළ පන්තියට අලුත් ශිෂ්‍යාවක් පැමිණෙයි. ඇය අහිංසාය. නමේ හැටියටම ඇය අවිහිංසකාවකි. අහිංසා කොළඹ ජීවත් වුව ද ගමේ පාසලට පැමිණීම ගැන ඇතැමෙකු සැක පළ කරති. කොළඹ පාසලකින් ඇයව නෙරපුවා යැයි සිතති. අනුත්තරගේ අවධානය අහිංසා වෙත යොමු වෙයි. ඇතැම් පිරිස් ඇයව කොන් කළ ද අනුත්තර එසේ නොකරයි. අහිංසා යම් කිසි දෙයක් හිතේ සඟවාගෙන සිටින වගක් පෙනෙයි. එනමුදු එය කුමක්දැයි කිසිවෙකුටත් නොකියයි.

අහිංසා නිතරම කොළඹ පැමිණෙයි. ඒ ඇගේ අක්කණ්ඩිය වූ පාරමීව බැලීමටය. පාරමීට සුරතල් දියණියක සිටියි. මේ දැරිය අහිංසාගේ මාමා දෙස බලන්නේ බියපත් වූ දෑසිනි. පවුලේ අයට මෙය යම් ප්‍රශ්නයක් වෙයි. කාට කොහොම කෙසේ වුව ද එතැන ඇති ගැටලුව ගැන අහිංසා හොඳින් දනියි. ඇය හිතේ සිර කරගෙන සිටින රහස වන්නේ ද එය වේ. මේ සියල්ල පෙරදැරිව අහිංසා සහ අනුත්තර තම පාසල් සමය සුන්දරව ගෙවති. එහෙත් අඳුුරු සෙවනැල්ලක් මෙන් අහිංසාගේ ගැටලුව වරින්වර මතු වෙයි.

මෙම මස 18 වැනිදා සිට ඊ. ඒ. පි. මණ්ඩලයේ සිනමා ශාලාවන්ට පැමිණෙන්නේ එකී කතා පුවත රැගත් චිත්‍රපටයයි. ඒ ලෙවල් නම් වූ එය හීන හොයන සමනල්ලු අධ්‍යක්ෂණය කළ රොහාන් පෙරේරාගේ අධ්‍යක්ෂණයකි. සීමාසහිත කැපිටල් මහරාජා සමාගම ඒ ලෙවල් නිෂ්පාදනය කොට තිබේ. මෙහි ඇති විශේෂත්වය වනුයේ අනුත්තර අහිංසා ඇතුළු ඒ ලෙවල් කණ්ඩායම ඇත්ත වශයෙන්ම ඒ වයසේ නළු නිළියන් බැවිනි.

සටහන - ප්‍රසාද් සමරතුංග