තාරුණ්‍යයේ නවමු කඩයිම් සොයා යන සීමා නෑ ආකාසේ ඇස් නොපෙනුණත් මට යා යුතු මඟ පෙනෙනවා ධර්මයුද්ධය තිරයට පැමිණි දා අතීත කලා ලෝකයේ රස තොරතුරු සොයා යන ලිපි පෙළක් ලාබම සඳුදා ප්‍රතිචාර සෝමපාල රත්නායක කලුරිය කරයි ඔෂානිගේ නවතම ගීතය ‘හිතුමතෙන්’ වැලිකතරේ ටාසන් කුමාර් කුඩා වුණත් කාටත් මතකයි ඇවිළෙන ගිනි නිවන්න අවුලන්න එපා ප්‍රීති රන්දෙනියගේ ගිනි ගැන සනත් ගුණතිලකගෙන් ලියමනක් පූනේ විස්තර මේවා අදට වැඩිය හෙට? ශාන්ත සොයිසාගේ ‘නෙතු’ රූගැන්වෙන ගොතටුව දර්ශන තලයට යමු සිංහරාජයේ සර්පයා අපේ වාහන ගායක ගායිකාවෝ හෙළි කරති ජැක්සන් බොලිවුඩ් එයි කකුල ඉවත් කිරීම දුකක්,ඒත් දැන් සුවයක් තිබෙනවා පුතුන් ත්‍රී මූර්තියෙන් යළිත් වසන්තය සිඩ්නි නුවරට අමෙරිකාවට බොලිවුඩ් තරු පායයි බජට් හදන්න මරු මට කවදාවත් තාත්තා වගේ වෙන්න බැහැ “ඩාක් රූම්” එන්න අඳුර විනිවිද දකින්න අනේ කූඩැල්ලෝ නීනෝ ලයිව් සමඟ එන තිලක් ශාන්ත මං තවම ජනප්‍රිය නැහැ මකුළු මිනිසාට විචාරකයන්ගේ ඉහළ පැසසුම්

ඇස් නොපෙනුණත් මට යා යුතු මඟ පෙනෙනවා

ඉමාෂා මුතු කුමාරි

මෙලොවෙහි සුන්දරත්වය දෙනෙතින් විඳිමට වාසනාව නොලද ඇය සිය මිහිරි කටහඬින් අප සිත් සතන් අමන්දානන්දයට පත් කරන්නීය. ඇය සතු නිසඟ හැකියාවෙන් රටක් වසඟයට ගැනීමට ඇයට හැකියාව ලැබින. එහෙත් මේ අපූරු කටහඬහි හිමිකාරිය ගැන බොහෝ දෙනෙකු නොදන්නේ ඇගේ අභාග්‍යකටය. එහෙයින් ඇයට සිදු වූ අසාධාරණකම් ද එමටය.

ඉමාෂා මුතු කුමාරි. අප ඇයව සොයා ගියෙමු. සුන්දර කැදැල්ලක හිමිකාරියක වූ ඇය සිතහි සංගීතය පිළිබඳ දහසකුත් බලාපොරොත්තු ඇතිවග කතාබහේදී අපට දැනිණ.

* ඉමාෂා, හඬින් ඔබ ජනප්‍රියයි. ඒත් රුවින්?

මගේ පළමු ගීතය වන සඳක් වෙන්න බැරි නම් නුඹ හට ගීතය ඉතාම ජනප්‍රිය වුණා. එහි වීඩියෝවකුත් කළා. එහෙත් මං ගැන විස්තර වැඩි දෙනෙක් දන්නේ නැහැ. ඊට පසුව තවත් ගීත කිහිපයක්ම කළා. මාව නොදැන සිටීම නිසා අසාධාරණකම් ද බොහොමයක් සිදුවුණා. ඒවා දිහා බොහොම උපේක්ෂාවෙන් බලාගෙන ඉන්නවා.

* මොනවද ඔබට සිදු වූ ඒ අසාධාරණකම්?

දෘශ්‍යාබාධිත වීම හින්දයි එහෙම වුණේ. මට ලැබුණු සන්දර්ශන එන්න එන්න අඩු වුණා. ඇතැම් අය තුට්ටුවට දෙකට මගේ හැකියාව මිල කරන්න හැදුවා. මං ඒවට එකඟ වුණේ නැහැ. බොහොම සුළු මුදලක් දීලා ප්‍රසංගවලට එන්න කියනවා. මඟ වියදමටවත් ඒක මදි. මං ඒවට යන්නේ නැහැ. තව අය හිතාගෙන ඉන්නවා මං දෘශ්‍යාබාධිත නිසා ෂෝස්වලට ආවොත් මාව කරදරයක් වේවි කියලා.

* ඔබ ප්‍රසංග වේදිකාවට බොහොම ළැදියි වගේ?

ඇත්තටම ආසයි. මට ප්‍රසංග වේදිකාවෙන් දුරස්වන්න බැහැ. ඒක නිසා අන්තිමේ මං මගේම ඒක පුද්ගල ප්‍රසංග මාලාවක් ආරම්භ කළා. ඒකෙ නම මුතු ගීසර. මේ එළඹෙන සැප්තැම්බරයේ දෙහිවලදී එහි තවත් අදියරක් පැවැත්වෙනවා.

* අප ඔබව ගායිකාවක් ලෙසට හඳුනා ගන්නේ සඳක් වෙන්න ගීතයෙන්. කොහොමද ඒ අවස්ථාව ලැබුණේ?

මට මුලින්ම වුවමනා වුණේ සී ඩී එකක් කරන්න. ඒක කරලා බස් එකක් බස් එකක් ගානේ විකුණලා ගෙයක් දොරක් හදා ගන්නයි උවමනාව තිබුණේ. ඒ අරමුණින් ඉන්නකොට මට හමු වුණා මනුරංග විජේසේකර මහත්මයා. ඔහුගේ මාර්ගයෙන් ලහිරු පෙරේරාව හඳුනාගන්න ලැබුණා. ඔවුන් මං ගැන විස්තර අහලා මේ ගීතය මට හදලා දුන්නා. ගීතයෙන් ලැබුණ මුදල්වලින් තමයි වීඩියෝ එකත් කළේ.

* දෘශ්‍යාබාධිත වීම ගැන ඔබ දුක් වූ අවස්ථා තිබෙනවාද?

කොහෙත්ම නැහැ. මගේ පුංචි කාලේ ඉඳලා ඇස් පෙන්නේ නැහැ. බ්‍රේල් ක්‍රමයට මං ඉගෙන ගත්තා. මේ වෙලාවේ මට ධෛර්යයක් දුන් මල්කාන්ති ගුරුවරියව මතක් කරන්න ඕනෑ. කිසිම වෙලාවක ඉදිරියට තැබූ පය ආපස්සට තැබුවේ නැහැ. ජීවිතය ජයගෙන මගේ අරමුණ කරා යන්නයි උත්සාහ කරන්නේ.

* මොකක්ද ඔබේ අරමුණ?

දක්ෂ ගායිකාවක් වෙන එක තමයි.

* සංගීතය පිළිබඳ මොන වගේ හැදෑරීමක් ද කළේ?

ගොඩක් හොඳට ඉගෙන ගත්තා. ආචාර්ය ප්‍රේමසිරි කේමදාසයන් යටතේ කාලයක් මං සංගීතය හැදෑරුවා. හැදෑරිමක් නැත්නම් මේ ගමන යන්න අමාරුයි.

* මේ දිනවල පවතින රැල්ලට සිංදුවක් කරන්න අදහසක් නැතිද?

මේ රැල්ල දෙස මං බලන්නේ හරිම මධ්‍යස්ථවයි. මිනිස්සුන්ට රස විඳිය හැකි උසස් නිර්මාණයන් කරනවා මිසක ආවට ගියාවට ගීත කියන්නේ නැහැ මං.

* ටෙලි නිර්මාණයකටත් ඔබට හඬ මුසු කරන්නට අවස්ථාව ලැබුණා නේද?

ඔව්. ඒ නාට්‍යයේ නම නෙතු අද්දර. ඒ වගේම සීමා නෑ ආකාසේ චිත්‍රපටයටත් මං සිංදු කිව්වා.

* එවන් නිර්මාණවලට දායකවීමට කැමැත්තෙන්ද ඉන්නේ?

බොහොම කැමැත්තෙන් ඉන්නේ. විශේෂයෙන් චිත්‍රපටයකට ආයේ සිංදු කියන්න හරිම ආසාවෙන් ඉන්නවා.

* දැන් ගේ හදලා ඉවරද?

තවම නැහැ. කොහොම හරි ලැබෙන ආදායම කලමනාකරණය කරගෙන චුට්ට චුට්ට ගේ හදනවා.

* ඔබේ සුන්දර කැදැල්ල ගැනයි මං අවසානයට අහන්නේ?

මට අවුරුදු දහයක පුතෙක් ඉන්නවා. මගේ මහත්තයා සජිත් සිල්වා. ඔහු මට ලබාදෙන ශක්තිය අපමණයි.

0770645932 මේ ඉමාෂාගේ දුරකතන අංකයයි.

සටහන - ප්‍රසාද් සමරතුංග

සේයාරූ - ශාන් රඹුක්වැල්ල