ඇම්ඩාගේ වැඩ ගැන කියන එරංග සේනාරත්නගේ නෝනා හරිම වසයි මගදිගට රස කතා ‘සම්මාන ලබන්න සුදුසු කවුද? ජීවිතය සිතුවම් කළ ඉන්ද්‍රජාලිකයා මෙරට ප්‍රථම රූපවාහිනී සම්මුඛ සාකච්ඡාව කුමක්ද? ‘නිදහසේ පියා ඩී. එස්’ මුහුරත් උලෙළ බත්තරමුල්ල වෝටර්ස්ඒජ්හිදී මගෙන් පස්සේ පරම්පරාව බුද්ධගජ්ජය, සකස්කඩය කියවිය යුතුයි මගේ කටුක ජීවිත කතාව චිත්‍රපටයකට සුදුසුයි තමිල්නාඩුවේ රැජන සමුගනී මම මටම ගුරුවරයෙක් වුණා E හොඳයි DVD නරකයි? නාට්‍යකරුවන් සහ ඔවුන්ගේ නිර්මාණ - 18 ඉස්සී කියන්නේ ආදරවන්තියක් මෙවර හොඳම අධ්‍යක්ෂවරයා කවුරුන් ද? වස්සානයේ සඳ කස්ත්‍රෝ වටා චිත්‍රපට සරසවිය සිනමා සතිය ඇරැඹේ සරසවිය උලෙළ ගැන ලොවට කියන්න මාධ්‍ය මිතුරන් එක් වූදා SARASAVIYA MODEL BANK සිංහල සිනමා විස්තරය ෆ යනු වැලක් සහ ඩබල්, ඩබල් කෝච්චියක් එක්වූ ෆේස් ටු ෆේස් මා සැමවිට ම දුලානි අනුරාධා තෝරාගන්නේ ඇයි?

තමිල්නාඩුවේ රැජන සමුගනී

ආන්දෝලනාත්මක දේශපාලන චරිතයක් වූ තමිල්නාඩු මහඇමතිනි ජයලලිතා ජයරාම් පසුගිය 05 වැනිදා සිය ජීවන ගමනින් සමු ගත්තාය. ඒ 68 වැනි කඩඉමේදීය. ‘අම්මා’ ලෙසින් තමිල්නාඩු ජනතාවගේ ආදරය දිනූ ඇය දෙමළ, කන්නඩ, තෙළිඟු සහ හින්දි සිනමා නිර්මාණ රැසක සුවිශේෂ සලකුණු තැබූ, සම්මානනීය රංගන ශිල්පිනියක, ගායිකාවක මෙන්ම නර්තන ශිල්පිනියක ද වේ.

ජයලලිතා ජයරාම් තමිල්නාඩු රාජ්‍ය සම්මාන උලෙළේ හොඳම නිළිය ලෙසින් පස් වතාවක් සම්මාන දිනූ අතර කොලිවුඩයේ ෆිල්ම් ෆෙයාර් සම්මාන උලෙළේදි ද පස් වතාවක් හොඳම නිළියට හිමි සම්මානයෙන් පිදුම් ලැබුවාය.

ජයලලිතාගේ සිනමා ගමනේ ආරම්භය සනිටුහන් වෙන්නේ 1961 වසරේදීය. ඒ ඉංග්‍රීසි බසින් නිර්මාණය වූ චිත්‍රපටයක් වන Epistle චිත්‍රපටයෙනි.

ඇය ඉහළ ජනප්‍රියත්වයක් දිනා ගන්නේ Sri Shalia Mahathme කන්නඩ චිත්‍රපටයෙනි. ඇය සිනමාවට හඳුන්වාදීමේ ගෞරවය හිමි වෙන්නේ කොලිවුඩයේ අතිශය ජනප්‍රිය නළු එම්. ජී රාමචන්ද්‍රන් හෙවත් එම්ජීආර් වෙතය.

සිනමාවේදී ඔහු ඇයගේ පෙම්වතා වන විට ඇයගේ වයස අවුරුදු දහසයක් විය. එවිට එම්ජීආර්ගේ වයස අවුරුදු හතලිස් දෙකකි. චිත්‍රපට තිහකට අධික ප්‍රමාණයක ඔවුහු පෙම්වතුන් වූහ. සැබෑ ජීවිතයේද එම්ජීආර් ඇයගේ පෙම්වතා බව රහසක් නොවීය.

1961 වසරේ සිට 1980 දක්වා කාලය තුළ ඇය දායක වූ චිත්‍රපට සංඛ්‍යාව 140ට වඩා අධිකය. එම්ජීආර් සේම ශිවාජි ගනේෂන්, රවි චන්ද්‍රන්, ජයශංකර් වැනි ජනප්‍රිය නළුවන් සමඟින් රඟ පෑ Mugarasi, Thaikku Thalaimagan, Needhi, Kannan En Kadhala, Engirun Tho Vendhaal, Thang Gopuram, Mattukkara Velan, Gowri Kalyanam, Bommalattam වැනි චිත්‍රපට රැසකට ඉහළ සාර්ථකත්වයත් ලැබුණි.

රංගනය පමණක් නොව චිත්‍රපට ගීත රැසකට ඇය ගායන දායක්වයද ලබා දී ඇත. Adimi Penn, Suriyakaanti, Vandhaale Maharaasi, Thumngalyam ඒ අතරින් කිහිපයකි.

ඇය හින්දි සිනමාවට සම්බන්ධ වන්නේ 1962 වසරේදීය. කිෂෝර් කුමාර් සහ සධානා රංගනයෙන් දායක වූ Man Mauji නම් චිත්‍රපටයේ ඇය පණ පෙවූයේ ළමා චරිතයකටය. අනතුරුව ඇය හින්දි සිනමාව වෙනුවෙන් දායක වූයේ එක චිත්‍රපටයක පමණි.

ඒ 1968 වසරේදී හින්දි සිනමාවේ සුපිරි නළු ධර්මේන්ද්‍ර සමඟින් රඟපෑ Izzat චිත්‍රපටය යි. ඇය දේශපාලන ක්ෂේත්‍රයේ පමණක් නොව සිනමාවේද ආන්දෝලනාත්මක චරිතයක් බවට පත් වූයේ, දෙමළ සිනමාවේ ප්‍රථමවරට නාන ඇඳුමකින් සැරසී රංගනයේ යෙදීමෙනි.

ජයලලිතා ජයරාම් උපත ලබන්නේ 1948 වසරේ පෙබරවාරි 24 වැනිදා ඉන්දියාවේ කර්ණාටක ප්‍රාන්තයේදීය.

ඇයට දෙවසරක් සම්පූර්ණ වෙනවිටදී ඇය පියා ජීවතුන් අතරින් සමු ගැනීම හේතුවෙන් කුඩා ජයලලිතා සමඟින් මව බැංගලෝරය වෙත පැමිණියාය. ජයලලිතා සිය රංගන වෘත්තිය ආරම්භ කරන්නේ එහිදීය.

බැංගලෝරයේදී හා චෙන්නායිහිදි සිය අධ්‍යාපන කටයුතුවල නිරත වූ ඇය ඉංග්‍රීසි ඇතුළුව භාෂා කිහිපයකම ප්‍රවීණත්වය ලබා ගත්තාය. එපමණක් නොව භරත, කථක් නර්තන මෙන්ම කර්ණාටක සංගීතයද ඇය හැදෑරූ විෂයන් අතරට ඇතුළත් විය.

රංගනය පමණක් නොව ජයලලිතාගේ දේශපාලන ගමනේ ආරම්භය සිදු වන්නේද එම්ජීආර්ගේ සහයෝගය ඇතිවය. 1977 වසරේ සිට එම්ජීආර්ගේ අන්නා ද්‍රවිඩ මුන්නේත්‍ර කසගම් පක්ෂයට සහයෝගය දෙමින් කටයුතු කළ ඇය ඉන්දීය පාර්ලිමේන්තුවේ මන්ත්‍රීවරියක ලෙසින් පත්වීම් ලැබූයේ 1984 වසරේදීය.

එම ධුරයට පත් ප්‍රථම කාන්තාව වන්නේද ඇයයි. 1991 වසරේදී ඇය මහඇමති ධූරයට තේරි පත් වෙන්නේද එම ධූරයට පත් ප්‍රථම කාන්තාව ලෙසිනි.

ජයලලිතාගේ දේශපාලන චරිතය අලලා 1997 වසරේදී චිත්‍රපට අධ්‍යක්ෂ මනිරත්නම් විසින් චිත්‍රපටයක් නිර්මාණය කළේය. Iruvar නම් වූ එහි ජයලලිතාගේ චරිතයට පණ පෙවූයේ අයිවර්යා රායි බච්චන් විසිනි.

යතේජා ඥානරත්න