|
|
||||||
අඳුරු යුගයක නිමාව ආලෝකෝ උදපාදි
බලාපොරොත්තු සපිරි තරුණයකුගේ සිනමාගමනය - චත්‍ර වීරමන්
'දඟය නම් අඩු නෑ. හිටින්න පොඩ්ඩක් මේ ඇඳුම් පොඩිය දානකම්' අත ඇති රෙදි කැබැල්ලේ පිදුරු බෝනික්කාව ඔතන දැරිය බොනික්කා සමඟ දිගින් දිගට කතා කරයි.
හමන සුළඟේ වේගය එන්න එන්නම දැඩිය. ඈතින් පෙනෙන්නේ සුළඟේ ආධාරයෙන් වේලෙන්නට වනා
තිබෙන රෙදි වැල් කිහිපයකි. ඒ රෙදි වැල් අසල සිටින කාන්තාවක් රෙදි ගන්නා අතරම ඈත
පෙනෙන්නට සිටින දැරිය කෙරේ බැලුම් හෙළන්නට වූයේ සිනහමුසු මුහුණෙනි. සෑම දිනකම මේ
වෙලාවට දැරිය වැව් ඉවුරේ තණ පියසේ වාඩි වී කරන සෙල්ලම ඇයට නුහුරු නොවූවකි. එහෙත්
සිය නෙත් මානයෙ හමන සුළඟේ වේගය එන්න එන්නම දැඩි වූයෙන් දැරියගේ සුරතේ වූ රෙදි කැබැල්ල ඉගිල යන්නට වූයේ ඉබේමය. සුරතල් සිනහ නඟමින් ඕ ඉගිල යන රෙදි කැබැල්ල පසුපස දිව යන්නට වූයේ සැණෙනි. ඈත තණකොළ ගොල්ල මත රැඳුණු රෙදි කඩ දුටු වනම එහි දිව ගිය දැරිය රෙදි කඩ අහුලා ගන්නට පහත් වූයේ එක්වරමය. තවත් මොන මොනවාදෝ මුමුනමින් රෙදිකඩ අතට ගත් ඇය අවට පරිසරය වෙත සිය දෙසවන යොමු කළේ ඒ ඉරියව්වේම ඉඳිමිනි. වෙනදා නැති කුමක් හෝ අරුමයක් අවට සිදුවන බවක් හැඟුන බැවින්දෝ ඇය හිස උස්සා අවට බැලූයේ විමසිල්ලෙනි. තමාට නුදුරක් දුරින් සිටින අසු පිට නැඟි මිනිසුන් දෙස කුතුහලයෙන් යුතු බැල්මක් හෙළු දැරියගේ නෙත එක්වරම නතර වුයේ කළු අසුපිට නැඟ නළලතට පොට්ටුවක් තබා රෞද්‍ර මුහුණෙන් තමා දෙස බලා සිටින නරුම පෙනුමකින් යුත් කළු මිනිසා අසලය. ඇගේ සිතට සැණෙන් පිවිසියේ බියකි. අත ඇති බෝනික්කා තදින් මිරිකා ගත් ඕ ආපසු බලමින් දුවන්නට වූයේ වේගයෙනි. අසුන්ගේ කුර ගැටෙන හැඬේ වේගය මේ කුඩා දැරියව තව තවත් බියපත් කළාය. ඇය තමාට හැකි උපරිම වේගයෙන් දිව්වේ හති දමමිනි. වැලෙහි තිබූ රෙදි ගනිමින් උන් කාන්තාව දුටුවේ වේගයෙන් දිව එන දැරියගේ රුවයි. ඇය පිටුපස ලුහුබඳින අසරුවන් ඈ දුටුවේ ඉන් පසුවය. අත ඇති රෙදි ටික බිම දමා ක්ෂණයෙන් ඈ ඉදිරියට දිව ගියේ වාරු නැති කලෙක මෙනි. හිරු අස්ථානගතවීමත් සමඟ අවට පරිසරය ගිල ගන්නට මෙන් අඳුර සෙමෙන් සෙමෙන් ගලා එයි. ඒ අඳුර පලවා හරින්නට මෙන් එක් තැනක ගසා ඇති ගිනි මැලයේ ආලෝකයෙන් නැඟෙන්නේ හාත්පස මිනිසුන් කිහිප දෙනෙකු සිටින වගකි. 'උඹල ගැන ලොකු විශ්වාසයක් තියලයි මම මේ රාජකාරිය උඹලට භාර දුන්නේ. රජතුමාගේ හැම අවශ්‍යතාවක්ම ඉටු කරන එක උඹලාගේ වගකීමක්. අවට වෙන හැම දෙයක් ගැනම විපරමින් ඉඳලා ලොකු හාමුදුරුවන්ට දැනුම් දීපන්'.
ගිනි මැලය අසල උන්නේ හිමි නමකි. 'රජතුමාගේ ආරක්ෂාවට මම කටයුතු සූදානම් කරලා තියෙන්නේ. හැම වෙලාවෙම උඹල දෙන්නගෙන් එකෙක්වත් ගල් ගුහාව අවට වෙන දේවල් ගැන විමසිල්ලෙන් ඉන්න ඕනෑ' ගෝදත්ත හිමියන්ගේ මුවෙන් ගිලිහෙන ස්වරයේ වූයේ උස් හඬකි. ඒ හඬට හූ මිටි තබන ගැමි තරුණයන් අසලින් දුව පැන ගියේ කුඩා දරුවන් දෙදෙනෙකි. මේ කතාබහට බාධාවක් වූයේ නම් ඒ දෙදෙනාගේ දුවපැන නැටීම නිසා නැඟෙන සුරතල් හඬෙනි. හිටිවනම දරුවන්ගේ දුව පැන නැටීම නතර විය. 'පුත චූලිත ඇයි මේ තැති ගැන්මෙන්' ගැබ්බර අනුලා දේවිය සිය පුතු තුරුලු කරගත්තේ එසේ විමසමිනි. හුන් තැනින් නැඟිට ගල් ගුහාවේ ඉදිරිපස පිවිසුමට පැමිණෙන මහ රජු අනෙක් අයට අතින් සන් කළේ නිශ්ශබ්ද වන ලෙසය. හැල හොල්මනක් නැති පරිසරයේ සැතපුම් ගණනක දුරින් වුව ද සිදු වන යමක් ඇසෙන්නට වැඩි වෙලාවක් ගත නොවේ. උස් තැනක වූ ගල් ගුහාවේ ද්වාරයට පිවිසි කළ සැතපුම් ගණනක වුව ද සිදුවන දේ දකින්නට ඕනෑම අයෙකුට හැකිය. අවට පරිසරයේ නිහඬ බව විඳිමින් නැඟී ආවේ මර ළතෝනියකි.
' ළතෝනිය ඇසෙන පෙදෙසට අත දිගු කළ ගැමි තරුණයා කිව්වේ ශෝකයෙනි. තැනින් තැන ගිනි ඇවිලෙන එළිවලින් කියැවෙන්නේ මුළු ගමම ගිනිබත් වන බවට පෙර ලකුණකි. 'උන් අපිව සොයන්න පටන් අරන්'
හිස් ලූ ලූ අත දුවන ගැමි ගැහැනුන්ය. අසිපත අමෝරා ගත් තීය බ්‍රාහ්මණයා නිවසකට වැදී කාන්තාවක් ඇදගෙන එන්නේ කෙසඟිනි. ඔහුගෙන් බේරෙන්නට බිම දිග බඩ ගා යන ගැහැනියට වැඩිදුරක් යන්නට නොලැබිණි. ඒ තීය බමුණාගේ අසිපත ඇයට වඩා වේගවත් වූ හෙයිනි. 'උඹලා කොහෙද කළු සිංහලයා වහං කරගෙන ඉන්නේ' සෙබළකුගේ තර්ජනාත්මක ස්වරය මුළු පෙදෙසේම විහිද යන්නේ ගැමියන්ගේ ළතෝනිය පරදවමිනි. තැනින් තැන විසිරී ඇති මළමිනී රාත්‍රියේ වූ අපරාධයට සාක්ෂිය කියන්නට මෙන් ඉළුක්මාන ග්‍රාමය වසා පැතිර ඇත. තැනින් තැන දැවෙන නිවෙස්වලින් තවමත් දුම් නැඟෙයි. සමහර ගෙපැලක ළඟ ඇත්තේ අළු ගොඩකි. 'අනේ උගේ කටේ කිරි සුවඳවත් ගියේ නැහැ නායක හාමුදුරුවනේ' සෙමෙන් පා ගමනෙන් වඩින කුපික්කල තිස්ස හිමියන්ගේ පා අසල දැවටී තම දුක්බර කතාව කියන මහලු ගැමියෙකි. 'තමන් තමන්ටවත් අයිති නැති මේ අස්ථිර ලෝකයේ සදාතනික සත්‍ය ඒකම තමයි' හිමියෝ ඔහුව සනසයි. මිය ගිය මළකඳන් බදාගෙන හඬන කුඩා දරුවන් දෙදෙනෙකි. එතැනම අසල වූ අළු ගොඩෙහි ඇත්තේ දැවී ඉතිරි වී ගිය පිදුරු බෝනික්කාගේ කොටසකි. ළඟදීම තිරගත වීමට නියමිත නවතම ඓතිහාසික චිත්‍රපටය වන 'ආලෝකෝ උදපාදි' චත්‍ර වීරමන් නම් තරුණ අධ්‍යක්ෂවරයාගේ අධ්‍යක්ෂණයකි. වර්තමානයේ චිත්‍රපට ක්ෂේත්‍රයට පිවිසෙන තරුණයන් අතර බලාපොරොත්තු තබා ගත හැකි තවත් එක් තරුණයකුගේ නිර්මාණයකි.
|
||||||
|
||||||||
|
|
||||||||
සියළුම හිමිකම් ඇවිරිණි |
ඈත කඳු අතර සැඟව යන්නට තතනන හිරු රශ්මිය ගතට රැගෙන එන්නේ සුවදායක හැඟීමකි. හිරු
රශ්මිය වැදී දිලෙන වැවේ ජල තලය වරින් වර තාලයකට ඉහළ පහළ යන්නේ තරගයකට මෙනි. වැව්
දියත්, හිරුගේ කිරණේ පහසත් ලැබ හමනා මදනල ගතට දන වන්නේ සුවදායක බවකි. මේ මදනලේ පහස
විඳිමින් වැව් ඉවුරේ උන්නේ කුඩා දැරියකි. ඉවුර වසා පැතුරුනු තණ පියස මත ඇය වාඩි වී
සිටියාය. ඇගේ සුරතේ වූයේ පිදුරුවලින් නිම වූ බෝනික්කෙකි.
න් ඉවතට යන්නට දැරියට ඉඩ නොදෙන්නට ඇය පරිස්සම් වූවාය. තනිවම සිනහ
සෙමින්, කතා කරමින් පිදුරු බෝනික්කා සමඟ කතා කරන, සෙල්ලමෙන් ප්‍රීති වන දැරියට සිය
ප්‍රීතිය විඳින්නට ඉඩ හළ කාන්තාව ඇගේ පාඩුවේ රෙදි ගැනීමේ නිරත වූයේ තමාටම
මුමුනමිනි.
'එහෙමයි ගෝදත්ත හාමුදුරුවනේ'
ඉළුක්මාන ගම පැත්තෙන් තමයි ළතෝනිය ඇහෙන්නේ'
පිත මහ රජුගේ ස්වරයේ වූයේ කෝපයකි. රජු ටිකෙන් ටික ගිනිබත් වන ගම්මානයටත්,
මිනිසුන්ගේ ළතෝනියත් අසා සිටියේ කිසිවක් කර කියා ගත නොහැකිව සිටින අසරණයකු සේය.
